Lburania 11:26 - Samburu

²⁶ Nechamaa meitami anyit ana naitamaki apa Kristo, alang teneng'idakino parakuoicho e Misiri, neipirie nkonyek enyena inia laata kenya natum.

Lburania 11:26 Referans Kwoze

Lburania 11:6

Kore naa tenemetii nkurukoto, meidimai payie eiting'idi Nkai, amu kore pooki olotu netii ninye, naa meata ajo payie meiruk nchere keatae Nkai, naa ninye nalak lolo ooyiaya ninye.

Lburania 10:35

Naaku eminturraa nkiteunoto inchi, amu keyau laata kitok.

Mbolunoto 3:18

Naaku kaaitaarriyian ntae payie kinyiang'unyienyie soito oogol nkinyang'a ooimieki nkima metusupata payie iparakuonunu. Enyiang'u nankan naaibor ninchopchop payie menya anyit ntae tankaraki niminchopopo. Enyiang'u sii aitoki lcheni lielielie nkonyek inchi payie idolichoii.

1 Petero 4:14

Imayianana ntae tenedeki ntae tankaraki nirara le Kristo, amu kore ilo Tau le Nkai, oata nkitoo naa ketii tenebo o ntae.

Lburania 2:2

Amaa tanaa kore nkitanapat naaichorua ꞉Nkai aimu lmalaikani neasicho, naa kore lotigila nenia kitanapat o ilo leitu ening Nkai neitemei ana nairirikino,

2 Lkorinto 6:10

ana looisinanio kake niking'ida nkata pooki, nedoli iyioo ana laisinak kake nikintaa lkumo parakuo meteyielo mbaa e Nkai, netuwuana meitoki kiata kake nkunanang ntokitin pooki.

Luka 14:14

naaku ikimayiani iyie tankaraki mikindim ninche aatalak. Amu ikilaakini iyie ta nkata naitipiuni loosipat.>>

Matayo 5:12

Enting'idata, nichipapa amu keikitok laata inchi te chumata, amu nejia apake eikuna payie eitam sina loibonok le Nkai ootii tekue ntae.

Epeso 3:8

Kore abaki aa nanu lkini alang lkulie sinyat pooki, nanu eichoo Nkai ana munyani enye, matiliki ltung'ana loo lkulie oreren lamara loo Lyiaudi nowua mayianat naatii atua Kristo nemeata nkiting'oto,

2 Lkorinto 12:10

Kore tankaraki Kristo, nachamaa mbaa naaitaa nanu ltung'ani oachal o tanaitami anyit o tanaaitogolikini o tanaaitami sina o tananyamalu ta ltau. Amu kore nkata nachal, naa inia kata agol.

1 Petero 1:11

Keing'orutua apa inia naibalunyie ꞉Ltau le Kristo otii atua ninche ewuon eng'or, ajo anu anaa sii netiu inia kata e sina oitami Kristo o netiu nkata e nkitoo kenya naijipu ilo sina.

Lburania 13:13

Maipung'o naa taatua nchula ee ltung'ana aapuo neti Yeso, niking'iri anyit natama apa ninye,

Lburania 10:33

Ketediaaki neitami ntae sina tekue ltung'ana, nintokiki sii aikata aaku tenebo o lkulie ooitaasitae nejia.

Lpilipi 3:7

Naaku kore apa nenia tokitin pooki naikena ajo dupoto, aikena taata ajo ntokitin e pecheu tankaraki Kristo.

Epeso 1:18

Naamon sii metobolo Nkai ltauja linchi, payie itumtum aateyiolo nowua siligi oipotoka ninye ntae, o nowua supaticho e inia natipika Nkai metaa ninchi tenebo o sinyat lenyena,

Asat 5:41

Neing'uaa lolo Kipaareta atua inia kiguana eng'ida amu keikenaka ꞉Nkai ajo keichiaakino payie enya ꞉ninche sina tankaraki nkarna e Yeso.

Matayo 10:41

Kore pooki ng'ae ong'amaa loiboni le Nkai ajo kera loiboni naa ketum laata e loiboni le Nkai, naa kore long'amaa ltung'ani loosipat ajo kera ltung'ani loosipat, naa ketum laata e ltung'ani loosipat.

Matayo 6:1

<

Mbolunoto 2:9

Luka 14:33

Naaku kore pooki ng'ae taa ntae lemeing'uaa pooki naata, naa meaku loiteng'eni lai.