Lburania 11:25 - Samburu

²⁵ Ketegelua ninye meitami sina tenebo o ltung'ana le Nkai alang teneng'idakino ng'ok te nkiti kata.

Lburania 11:25 Referans Kwoze

2 Lkorinto 5:17

Naaku kore tenetii ltung'ani atua Kristo, netaa ntoki ng'ejuk, echomo napa musana, nelotu ng'ejuk.

Mbolunoto 18:7

Nchoo ninye sina o lkichirai aiputaki, aitirisioki ilo kar oatama o nkikarra naikarra ajo, Amu kewuon ake eliepunye koon ajo,

1 Petero 2:10

Kore apa naa mirara ltung'ana le Nkai, kake kore taata irara ltung'ana lenyena, neitu apa eing'urrieki ntae, kake eing'urrie taata ntae Nkai.

Yakobo 5:5

Itibiko ntae to nkop inyanya lkar nitodokita katukul, nitijing'a loikar aaitipir ate ana looyieng'i.

Yakobo 1:20

amu kore ngoro e ltung'ani naa meret ltung'ani oitaa ꞉Nkai loosipat.

Lburania 11:37

Netanang'aki lkulie aar metuata too soito, nesachi lbata lenche katare, neri lkulie metuata taa lalema, nebik lkulie eichopito ndapan ee nkineji o nee nkerra, neng'oriki mbaa e nkichon, neitami sina, neri metuata.

Lburania 10:32

Entaparru apa payie ing'amumu wong'an e Nkai, ninkuna payie ing'iriri sina ogol.

Lburania 4:9

Naaku kewuon ake eatae nkiyeng'iyeng'ata natum ltung'ana le Nkai.

2 Timoti 1:8

Naaku midol anyit tinimbalie inia sipata niata naipirita Laitoriani lang, tanaa sii kiduaaki nanu anyit, oena tankaraki ninye. Kake tama sina tenebo o nanu tankaraki Lomon Supati, te nkiririkinoto e ngolon nikinchoo ꞉Nkai.

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

Rroman 5:3

Kore nalang inia, naa iking'ida abaki kitii nkiji ee sinaitin, amu ikiyielo nchere tinikiata sina nikiyielou aating'iria,

Luka 16:25

Kake nejoki ꞉Abraam ninye,

Matayo 13:21

Kake kore amu meata ntana, newuon ake te nkini kata. Kore payie etum nyamali o sina oitami tankaraki ilo rerei, nesioki arriaa.

Asat 7:34

Katoduaa katukul sina onyeita ltung'ana lainien te Misiri, natining'o lkichiret lenche naa kayewuo payie alaku ninche. Kore taata, kaairruaya chomo Misiri.>