Lburania 11:13 - Samburu

¹³ Kore kulo tung'ana pooki naa ketuata eiruko Nkai neitu eng'amaa mbaa naaisiligie ꞉Nkai ninche. Ketoduaa ake ewuon elakua, neng'ida neiken aajo kera ninche lomon o lapuayak to nkop.

Lburania 11:13 Referans Kwoze

Lburania 11:27

To nkurukoto etung'ayie ninye Misiri meurie lkinkii le inia kop, neng'iri ana ltung'ani otoduaa ilo lemelioo.

Yoana 8:56

Kore apa papa linchi Abraam naa keting'ide ejo keichori metoduaa mparri ai, nedol, neng'ida.>>

Lburania 11:39

Kore kulo tung'ana pooki naa keterrepaki tankaraki nkurukoto enche, kake eitu etum inia natejo apa Nkai keicho.

Epeso 2:19

Naaku taa kore tankaraki inia, merokure irara lomon nimirara ltung'ana leiching'a, kake irara loopeny nkop tenebo o sinyat nirara ltung'ana le Nkai.

Rroman 8:24

Amu ele siligi apa kitumo payie eitejeuni iyioo. Naa kore siligi olioo naa mara siligi, amu ng'ae oisilig inia nadolita?

1 Petero 2:11

Ltung'ana lainien lacham oaamanya ana kop eiching'a, nirara lapuayak, kaitarrap ntae payie iyanyany ng'uarrat ee seseni linchi naarere ltauja linchi neiminie ntae kenya.

1 Petero 1:17

Naa kore tinimpotpot aajo Papa linchi, ilo oiguan pooki ng'ae meata ngela, te risioroto ee asat enche, entewueni to nkoitiei naicho ninye nkanyit irara lapuayak tana kop.

Rroman 4:21

Neata sipata katukul ajo kore ilo oitayia lekutuk naa keidim sii ataasa ana natejo.

1 Yoana 3:19

Kore tinikicham lkulie, nikiyielou aajo ikira le ndedei. Tana oitiei kincho ltauja lang metaa meata ngureticho tekue Nkai,

Matayo 13:17

Kedede kajoki ntae, kore loibonok o ltung'ana loosipat kumo, naa keyieu apa oleng payie edol nening mbaa nidolitata o nining'itoto, kake neitu edol anaa ening.

Yoana 12:41

Ketejo apa Isaya kuna baa tankaraki ketodua nowua nkitoo e Yeso, nelimu mbaa naipirita ninye.

2 Lkorinto 4:18

Naaku mara nenia naalio kikurraki nkonyek ang aing'or, kake nenia nemelioo. Amu kore nenia naalioo naa nkiti kata ake ebik, kake kore nemelio nebik ntarasi.

2 Lkorinto 5:6

Naaku ikiata nkitieunoto nkata pooki, naa ikiyielo aajo ewuon ake kiata kulo seseni, newuon eng'or payie kiaku tenebo o Laitoriani.

Lburania 11:14

Kore lolo oojo kuna baa naa keitodolu nchere keyieita nkop nara nenche.

Lburania 11:17

To nkurukoto apa etejo Abraam ntai ꞉Isaka metaa lasar payie esaan ꞉Nkai ajoki meitai. Ilo Abraam oatang'amayie lekutuk le Nkai, oitayia layieni lenye obo ake metaa lasar,

1 Petero 1:1

Kore ana palai naa nanu Petero, lkipaaret le Yeso Kristo eing'uaa. Kairoroki lgelunot le Nkai oaatasachakinete nkopi eiching'a e Pontos o ne Galatia o ne Kapadokia o ne Asia o ne Bitinia.