Lburania 10:36 - Samburu

³⁶ Keyiere ning'iriri payie itumtum aataas yieunoto e Nkai, nitumtum inia naitayia Nkai lekutuk ajo keicho ntae.

Lburania 10:36 Referans Kwoze

Lburania 12:1

Naaku kore amu ikiata lturrur kitok loo ltung'ana le nkurukoto ooing'orita iyioo taa mbat pooki kikuetita, maiturrai naa ntoki pooki nairochi o inia ng'oki naonyikino iyioo oleng, nikindip inia kuetata e nkurukoto natii tekue iyioo te ng'iriata.

1 Lkorinto 13:7

Meitisia nchaman taa mbaa pooki, neata nkurukoto o siligi taa mbaa pooki, neng'iri nkata pooki.

Luka 21:19

Kore te ng'iriata inchi naa itumtum nkichon nemeiting.

Lburania 6:15

Neanyu Abraam te ng'iriata, netum inia naitaka ꞉Nkai lekutuk ajo kaicho.

Rroman 2:7

Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting.

Mbolunoto 14:12

Naaku keyiere payie eng'iri sinyat le Nkai sina oitami, lolo taa ooning nkitanapat e Nkai neibung nkurukoto e Yeso.>>

1 Yoana 2:17

Naa kore nkop o ng'uarrat enyena naa keich, kake kore ilo tung'ani oas nayieu Nkai naa kebik ntarasi.

Lgalatia 6:9

Naa mikinauru kias mbaa supati, amu kore teneitu kinauru taa ltauja, naa iking'amaa laare ta nkata nalotu.

Matayo 10:22

Naa keibai ntae ltung'ana tankaraki nkarna ai. Kake kore long'iri metabaki nkiting'oto, neitejeuni.

Lkolosae 1:11

Neitogol ntae Nkai to ngolon pooki ana te nkidimata enye e nking'asia, payie itumtum aating'iri taa mbaa pooki. Naa kore te ng'ida ninchocho Papa nache, oitaa ntae looichiaakino netum inia naitayia Nkai lekutuk ajo keicho ntae tenebo o sinyat lenyena oowueni taatua wong'an.

Rroman 8:25

Kake tinikisilig inia nimikidolita, naa ikianyu te ng'iriata.

Lburania 9:15

Naaku tankaraki ana payie era Kristo laitutumoni lo lning'o ng'ejuk, paa kore lolo ooipotoki netum inia naitayia apa Nkai lekutuk ajo keicho ninche metaa nenche ntarasi. Amu ketua ninye payie etum atalaku ninche too ng'ok naataasa etii apa atua lning'o musana.

Lkolosae 3:24

amu iyielolo aajo ing'amaa ntoki naisiligie ntae Laitoriani. Esiaayia naa Laitoriani Kristo.

Lburania 6:12

Mikiyieu niakuku ltung'ana oaachal, kake ikiyieu payie iduaayaya lolo laa kore to nkurukoto o te ng'iriata, naa ketum inia naitayia ꞉Nkai lekutuk ajo keicho ninche.

Epeso 6:6

Namara ake nkonyek imulmul ana ake loojo payie eiting'id ltung'ana, kake entining ninche ana rrindiki le Kristo, iasias inia nayieu Nkai taa ltauja linchi pooki.

Rroman 12:2

Emiduaaya mbaa e ana kop, kake enchoo eibelekeny ntae Nkai aiteng'ejuk mparrunot inchi, payie itumtum aatisipu inia nayieu Nkai nara supat, neiting'id ninye, necho.

Matayo 24:13

Kake kore ilo ong'iri ana metabau nkiting'oto, neitejeuni.

Mbolunoto 13:10

Kore tanaa keatae looibung'i aaya jila, nchoo ake eibung'i aaya jila. Naa tanaa keatae lori metua ta lalem, neri ake metua ta lalem. Naaku keyiere payie eng'iri ltung'ana le Nkai neaku looisiligai.

1 Petero 1:9

tankaraki itumutoto inia niruko apa aajo itumtum kenya, aa taa njeunoto ee ltauja linchi.

Lburania 6:17

Nejia naa ake etiu, kore tankaraki keyieu apa Nkai neitodol katukul lolo ootum lekutuk lenye nchere meibelekenya yieuna enye, neitisipu inia bae eipot nkarna enye koon.

Lkolosae 4:12

Neiroroki sii ntae ltung'ani linchi oji Epaparas, oara laisiaayiani le Kristo Yeso. Kenyokita ninye nkata pooki tankaraki ntae to nkomono enye, payie itumtum aaitacho irara lemeata ntioto, niatata sipata ee mbaa pooki naayieu Nkai.

Asat 13:22

Kore payie eworu Nkai Saulo lorika, neiliepunyie Daudi metaa lkinkii. Nelimu sipata naipirita ninye ejo, >>

Yoana 7:17

Kore pooki ng'ae oyieu neas yieunoto e Nkai naa keyielou tanaa Nkai eing'uaa nkiteng'ena ai, tanaa lomon lainien alimuta.

Luka 8:15

Kore lantarara ootodokita nkuluponi supat, naa lolo ooning rerei neibung taa ltauja supati oodede, neiu lng'anayio te ng'iriata.

Matayo 21:31

<> Newoliki ꞉ninche aajoki, <> Nejoki ꞉Yeso, <

Matayo 12:50

Amu kore pooki ng'ae oaas nenia naayieu ꞉Papa lai oti chumata, naa ninye lalache lai o nkanache ai o yieyio lai.>>

Matayo 7:21

< ojing nkitoria e chumata, kake ilo oas nayieu Papa lai oti chumata.

1 Ltesalonike 1:3

Kore tekue Nkai Papa lang naa ikiparru nkata pooki inia asata nitaasa to nkurukoto o siaai ogol litonyuaa aas tankaraki nchaman o ninkoko tining'iriri ipikpik siligi linchi atua Laitoriani Yeso Kristo.

Asat 13:36

<

Marko 3:35

Amu kore pooki ng'ae oas yieunoto e Nkai, naa ninye lalache lai o nkanache ai o yieyio lai.>>

Rroman 12:12

Ning'idada taatua siligi linchi, ning'iriri taatua sina, niomonmon nkata pooki.

Lburania 11:39

Kore kulo tung'ana pooki naa keterrepaki tankaraki nkurukoto enche, kake eitu etum inia natejo apa Nkai keicho.