Lburania 10:25 - Samburu

²⁵ Nimikipal mikitumo tenebo ana neasita lkulie, kake entogoloto, naleng idolitata aajo ketinyikua Mparri e Laitoriani.

Lburania 10:25 Referans Kwoze

Asat 2:42

Neibung ninche aitirrichaki nkiteng'ena ee Lkipaareta o nchula ee ltung'ana ooiruko Yeso o ngilata e mukate e ndaa e Laitoriani o nkomono.

Matayo 18:20

Amu kore netumore oare anaa okuni ta nkarna ai, naa katii atua ninche te inie.>>

1 Ltesalonike 5:11

Naaku entaarriyianata, nintogololo ltauja ana ninkunitata.

Lburania 3:13

Kake kore ntae entogoloto likae o likae mperot pooki, ewuon kiata nkata, payie meatae ake lobo linchi oaku ltung'ani ogol kue tankaraki nasapaa ꞉ng'oki.

Lburania 10:24

Maing'urai sii nikinko payie kerretena likae o likae aaitoduaaya nchaman nikias supati.

1 Lkorinto 5:4

Kore tinitumomo tenebo ta nkarna e Yeso netii sii ltau lai o ngolon e Laitoriani Yeso tenebo o ntae,

1 Ltesalonike 4:18

Tankaraki inia, entogoloto naa ltauja linchi too lolo rereii.

Asat 2:1

Kore ta mparri nanyeitae ntasim e Pentekost, naa ketii apa looiteng'eni pooki tenebo.

Asat 20:7

Kore ta mparri e Jumapili, nikitumo tenebo aagil mukate e ndaa e Laitoriani. Neirorie ꞉Paulo ltung'ana, naa kore amu keyieu apa nelo teneikenyu, neitoodor nkiroroto ana metaa kiji kuarie.

1 Lkorinto 14:3

Kake kore lolo ooitai naibon e Nkai naa ltung'ana eirorie aaitogol, nerreten, neilejilej.

Rroman 12:8

Kore ilo oitogol lkulie, nchoo eitogol te inia kichooroto enye, naa kore ilo oichooyo, nchoo eichooyo ta ltau supat, kore ilo oitacheki lkulie ta nkanisa, nchoo eitacheki to nyuata, kore ilo oing'er, nchoo eing'er te ng'ida.

Lpilipi 4:5

Enchoo edol pooki ng'ae mborron inchi. Ketataana Laitoriani.

2 Petero 3:9

Kore Laitoriani naa mara keimalmal eitu eitabaya lekutuk lenye, ana nayaita lkulikae tung'ana aajo keimalmal. Keng'iri Nkai taa ntae amu meyieu payie eatae lkuti ooidaari, kake payie etum pooki ng'ae airriidu.

Yakobo 5:8

Naaku enting'iri sii ntae, nintogoliolio, amu ketataana lotunoto e Laitoriani.

1 Lkorinto 14:23

Amaa tenetumo ltung'ana pooki ta nkanisa, neng'asu pooki aairo too nkutukie naaidimie ꞉Ltau Sinyati, nejing'u ltung'ani omoni anaa leitu eiruk Kristo atua ntae, mara kejo ninye itamadete?

Yuda 1:19

Naa kulo tung'ana ooyau oro, nera lena kop, nemeata Ltau le Nkai.

2 Petero 3:14

Naaku naa lacham lainien, kore ianyutata nenia, entonyok payie etumi ntae iatata sotua o Nkai, miatata ntoki nakurrieki ntae nimiatata ntioto.

1 Petero 4:7

Ketaa keichunye ntokitin pooki, naaku embooi ate, niakuku ltung'ana oaaparicho aaitibiraki payie itumtum aatoomon.

2 Petero 3:11

Naa kore amu keidakieki kuna tokitin pooki aaiko inji, meata ajo miakuku ltung'ana oowueni te sinyaticho neurie Nkai,

1 Lkorinto 11:20

Kore tinitumomo tenebo, minyanya ndaa e Laitoriani to nkoitiei naichiaakino.

1 Lkorinto 3:13

keliooi kenya netiu siaai le pooki ng'ae. Amu kore kenya, keibalunyie inia ꞉parri e nkiguana ilo siaai te nkima, teneimieki siaai oataasa pooki ng'ae inia kima.

Asat 16:16

Kore mparri nabo kipuoito nadei ng'oji neomonieki, nenang'are iyioo nkaisiaayiani nabo naitoria ꞉lairirua le naibon. Naa kore apa to nkoibono enye neyaka lkutuaa lenyena dikir kitok oleng.

Matayo 10:15

Kajoki ntae sipata nadede, kore kenya te inia parri e nkiguana, keikachieki nkop e Sodom o Gomora aaitalang ilo kerenket.

Yoana 12:48

Kore ilo laany nanu namaang'amaa, naa keata lodung'oki ninye nkiguana, ilo rerei lairoro odung'oki ninye nkiguana ta mparri e nkiting'oto!

Lburania 10:37

Amu kejo lkigerot sinyat, <

Lburania 13:22

Kaomon naa ntae lalachera o nkanachera payie ing'iriri kuna baa naitaarriyianaka ntae tana palai, amu kaigeroka ake ntae to ndorropo.