Lburania 10:10 - Samburu

¹⁰ Naa kore te inia yieunoto enye, neitisinyaki iyioo te sesen le Yeso Kristo oataa lasar lang nkata nabo ake.

Lburania 10:10 Referans Kwoze

Lburania 10:14

Amu kore tankaraki nataa ninye lasar nkata nabo, neitaa lolo ooitaaki sinyat, ltung'ana lemeata ntioto ntarasi.

Lburania 10:12

Kake nkata nabo ake eitayia Kristo koon aaku lasar loo ng'ok obik ntarasi, newuon ta nkaina e tetene e Nkai.

1 Lkorinto 6:11

Nejia apake etiu lbata linchi kake keitukoyieki ntae ng'ok, neitisinyaki ntae, neitaaki iyioo loosipat ta nkarna e Laitoriani Yeso Kristo o ta Ltau le Nkai ang.

Lburania 7:27

Meata tipat payie eitai ninye lasar mparri o mparri ana neiko apa laitainok la lasar oaang'as tekue aitai lasar tankaraki ng'ok enche payie etum taa aitai tankaraki lkulie tung'ana. Kake keitayia apa Yeso koon aaku lasar nkata ake nabo tankaraki ltung'ana pooki.

Yoana 17:19

Kaitai koon aaku lasar sinyati anang ninche, payie eitisinyi sii ninche te ndedei.

Lburania 13:12

Naaku kore sii Yeso ketama abaki ninye ꞉sina taulo e lkerenket payie eitisiny ltung'ana ꞉lodo lenye.

1 Lkorinto 1:30

Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki,

Lburania 9:28

keitaaki sii Kristo lasar nkata nabo ake payie etum aawa ng'ok ee ltung'ana pooki. Kelotu aitoki nkata e are, namara payie eya ng'ok kake payie eitejeu lolo oaanyuta ninye.

Lburania 9:12

Namara lodo loo lkineji o laa lachau etijing'ie inie Ng'oji Sinyati aisul pooki, kake lodo lenye koon etijing'ie nkata nabo ake aitai lasar, nelaku iyioo ntarasi.

1 Petero 2:24

Ketanapa ninye ng'ok ang te sesen lenye to lmusalaba payie meitoki aikata ng'oki aata nkitoria tee iyioo. Netanapa payie kiwueni taatua sotua oipida o Nkai. Naa kore taa lbaa ootumo ninye, /neichiunyieki ntae.

Lburania 10:20

Kore lkiye le Yeso naa ninye nkoitiei ng'ejuk naichu nikijing'ie, aapachaki inie Ng'oji sinyati naaisul pooki,

Lburania 9:26

Amu tanaa ketaasa apa inia, anata naa eye nkatitin kumo, ang'asu apake payie eitibir Nkai nkop. Kake keyewuo ninye nkata nabo ake taata kitii ng'amata e nkiting'oto e nkop, neicharu koon aaku lasar oichu ng'ok te lkiye lenye.

Lburania 2:14

Naaku kore amu nkera ee ltung'ana nenia kera naata seseni oaata nkiri o lodo, nelotu sii Yeso eata sesen otuwuana lenche, paa kore te lkiye lenye neoru chitani ngolon, naata apa nkitoria nayeunyie lkiye.

1 Yoana 5:6

Ninye ilo oyewuo ta nkare o to lodo, Yeso Kristo. Naa eitu elotu ta nkare apeny, kake ta nkare o to lodo.

Yoana 19:34

Neipok ꞉sikarii obo Yeso ntoop te mpere, nepuku nabokata lodo o nkare.

Lburania 2:11

Kore Yeso o lolo ooitaa ꞉ninye sinyat, naa ilo Papa obo eing'uaa, tankaraki inia payie medol Yeso anyit teneipot ninche ajo lalachera o nkanachera enyena

Lburania 10:5

Kore naa payie elotu Kristo ana kop nejo, <

Yoana 6:51

Kara nanu ndaa naichu natodowua eing'uaa chumata. Naa kore tanaa kenya ltung'ani ana daa, naaku keichu ntarasi. Kore ana daa naa sesen lai, oichoruaki payie etum nkop nkichui.>>

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Epeso 5:26

payie etum aitisinya, eituk ta nkare o te rerei le Nkai,

Lburania 5:7

Kore apa ebikito Yeso tana kop, ketoomono neichiraki Nkai too lkiyio, inia Ai naaidim aitejeu atirichie lkiye. Nening Nkai nkomono enye tankaraki naurie ninye.

Lburania 9:14

kebaa sa eitisiny iyioo lodo le Kristo aoru iyioo asat naayau lkiye payie kitum aaisiaayia Nkai naichu? Kore ta Ltau Sinyati laa ntarasi, neitai ninye koon aaku lasar lemeata ntioto ta Nkai.

Lburania 10:29

Entaparrai naa ja newua wochoto naichiaakino ltung'ani lemeyanyit Nkerai e Nkai, newa ilo odo lo lning'o oitisinya ninye metaa ntoki namara sinyati, netediaa Ltau Sinyati oicho iyioo munyani e Nkai.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,