Lburania 1:6 - Samburu

⁶ Naa kore aitoki payie eirriu ꞉Nkai inoti lenye oata nkitoria nkop nejo, <>

Lburania 1:6 Referans Kwoze

Lkolosae 1:18

Ninye nkue e sesen, aa taa nkanisa, naa ninye ng'asunoto, Nkerai e Nkai natipiwua aing'uaa lmeneng'a tekue nemeye aikata, peaku ninye oituruk to ntoki pooki,

Lkolosae 1:15

Kore Nkerai e Nkai naa nkitanyanyukoto nalioo e Nkai nemelioo, ilo oing'uaa Nkai ewuon apake eitu eitibiri nkop naa ninye oitore ntoki pooki naitibiraki.

1 Petero 3:22

ilo oiliepa alo chumata, newuon ta nkaina e tetene e Papa etii lmalaikani o lolo oaata nkitoo o lolo oaata ngolon taabori ninye.

Yoana 1:14

Neaku ilo Rerei ltung'ani nemany atua iyioo. Nikidol nkitoo enye, inia kitoo natum ake ꞉nkerai nabo inoti ta Papa lenye. Naa kebore ninye munyani o ndedei.

Mbolunoto 1:5

neing'uaa aitoki Yeso Kristo. Kore Yeso naa kelimu sipata enye, nera loisiligai, Nkerai e Nkai natipiwua aing'uaa lmeneng'a tekue nemeye aikata, naa ninye oitore lkinkii pooki le nkop. Ketachama ninye iyioo, nelaku iyioo too ng'ok ang to lodo lenye,

Rroman 8:29

Amu kore lolo ooteyielo ꞉ninye apake tekue, netegelua inia kata metinyunyukore Nkerai enye, payie etum inia Kerai enye ataa lkikau taa lalachera lenyena kumo.

1 Yoana 4:9

Naa nchi eikuna Nkai payie eitodolu nchaman enye tee iyioo, nchere eirriwua inia Kerai enye nabo ake naino, meeu nkop payie eaku ninye kinchiwue.

Yoana 1:18

Nemeatae hoo obo otodua Nkai aikata, mara ake inia kerai enye nabo inoti. Netii tenebo o Papa lenye, naa ꞉ninye apa /oibalunyie.

Lburania 10:5

Kore naa payie elotu Kristo ana kop nejo, <

Yoana 3:16

Amu nchi etiu nchaman natachama ꞉Nkai nkop, nchere keicherua Nkerai enye ake nabo inoti, paa kore pooki ng'ae oiruk ninye, nemeidaaya kake ketum nkichon ee ntarasi.

Lburania 1:5

Amu alo too lmalaikani etiaka aikata Nkai, <> Nejo aitoki ta nkae ng'oji, <>

Matayo 24:14

Kore lolo Omon Supati le nkitoria naa kelikori to nkop pooki nalulung'a payie eaku limunoto too lochon pooki. Kore tesiedi, nelotu nkiting'oto.