Epeso 6:21 - Samburu

²¹ Kore lalache lai lacham oji Tikiko, oara laisiaayiani oisiligai taatua Laitoriani, kelotu anyaki ntae mbaa ainien pooki, payie itumtum lomon lainien, niyielouu natiu.

Epeso 6:21 Referans Kwoze

Asat 20:4

Neirukurukore ninye ꞉Sopater layieni le Parro oing'uaa Berea, neitoki sii aairukurukore lkulie tung'ana oare ooing'ua Tesalonike ooji Arisitarko o Sekundo, o Gayo oing'uaa Derbe o Timoti o lkulikae ltung'ana oare le Asia ooji Tikiko o Toropimo.

2 Timoti 4:12

Kairruayie Tikiko mechomo lkerenket le Epeso.

Tito 3:12

Kore ake payie aaidip airruu Artemas anaa Tikiko, ninyok oleng alotu natii te lkerenket le Nikapolis, amu atudung'o ajo kawuon te inie ta ng'amata e nkijepe.

2 Petero 3:15

Enkena aajo keng'iri Laitoriani payie ejeu ltung'ana! Naa nejia apake etiaka ntae lalache lang Paulo likicham, payie eigeroki ntae te ng'eno naichooki ninye.

1 Petero 5:12

Kaigeroka ntae ana palai dorrop aretito Silas, lalache laiken ajo kera lalache oisiligai. Kaigero aitaarriyian ntae nalimu sipata ajo munyani nadede e Nkai ana. Entacho naa teinia munyani!

Pilemon 1:16

Merokure aa rrindik, kake kelang rrindik, nera lalache lino licham te Kristo. Aa kore ta nanu, naa lacham oleng. Nebaa sa icham iyie ninye, era ltung'ani, nera sii lobo taatua Laitoriani!

1 Timoti 4:6

Kore tininteng'en lalachera o nkanachera kuna baa, niaku laisiaayiani supat le Kristo Yeso, neitodolu inia ajo itubulua taatua rerei le nkurukoto o le inia kiteng'ena supat nirukurukore.

Lkolosae 1:7

Niteyieloutua nenia baa aimu Epaparas, ilo likiasicho tenebo nikicham, nera laisiaayiani oisiligai oisiaai Kristo ta mpaach ang,

1 Lkorinto 4:17

naa tankaraki inia payie airruaaka ntae Timoti, nkerai ai nacham naisiligai ta Laitoriani. Keitaparru ntae naikunari tanairukurukore Yeso Kristo, ana naiteng'enicho chiaake taa nkanisani to ng'oji pooki.

Lpilipi 1:12

Kayieu niyielouu lalachera lainien, nchere kore mbaa naatupukokita nanu naa keteretutua katukul aaitubulaa Lomon Supati,