Epeso 6:19 - Samburu

¹⁹ nikiomonokiki sii nanu, payie aaicho Nkai rerei lajo nkata pooki nabol nkutuk ai airo, natum atilikoi te mpijan mbaa naaisudoro ee Lomon Supati,

Epeso 6:19 Referans Kwoze

Lkolosae 4:3

Niomonokiki sii iyioo, metoboloki iyioo Nkai nkoitiei matilikoi rerei lenye, aalikoo kulo Omon ooipirita Kristo ooibalakinyie taata iyioo ꞉Nkai, leitu apake eibalakinyie ltung'ana tekue. Naa tankaraki sii lolo Omon paena nanu.

Asat 4:29

Kore naa taata Laitoriani, ng'ura ja neiko teneicho iyioo lomon oome, nincho laisiaayiak linono nkidimata nalikorie rerei lino te mpijan.

2 Ltesalonike 3:1

Lalachera o nkanachera, kore nesiedi, entoomonoki iyioo mechomo rerei la Laitoriani kue asiooyo neyanyiti, ana netaasa apa taatua ntae.

1 Ltesalonike 5:25

Lalachera o nkanachera, entoomonoki iyioo.

Lburania 13:18

Entoomonoki iyioo amu ikisip aajo mikiata nakurrieki iyioo, tankaraki ikiyieu nikias naaichiaakino taa mbaa pooki.

Asat 4:31

Kore payie eidip aatoomon neikirikiro inie netumore ninche, neiput ninche ꞉Ltau Sinyati nelikoo rerei le Nkai meata ngureticho.

1 Ltesalonike 2:2

Niyielolo sii aajo keitamaki apa iyioo sina neitaasaki iyioo mbaa e anyit te Pilipi. Kore abaki etiu nejia, naa ikiata apa mpijan ta Nkai aang nikimbalakinyie ntae Lomon Supati lenyena, abaki eatae ltung'ana ooibooyo iyioo oleng.

2 Lkorinto 8:7

Kore ana niborere taa mbaa pooki, aata nkurukoto kitok, nera lkumo linchi ltung'ana arriyiak to nkuroroto, niatata ng'eno kitok nirara ltung'ana ooterretenete katukul, naa keikitok nchaman inchi tee iyioo, naaku keichiaakino payie iakuku looleng te ele siaai le nchaman.

Epeso 1:9

Eibalakinyie iyioo yieuna enye naisudoro ana natudung'o ninye apa te Kristo.

1 Lkorinto 4:1

Enteyielo aajo ikira iyioo laisiaayiak le Kristo ooichooki metaa laing'urak loo mbaa naaisudoyieki apa e Nkai.

Asat 28:31

Nelikoo ninye lomon le nkitoria e Nkai, neiteng'en mbaa naaipirita Laitoriani Yeso Kristo meata hoo ngureticho, nemeata ltung'ani oibooyie ninye.

Asat 19:8

Kore taa lapatin okuni nejing Paulo sinagogi, neirorie te mpijan ltung'ana ootii inie eimaki, neiteyielo sipat ee mbaa naaipirita Nkitoria e Nkai.

Asat 13:46

Kake nejoki ꞉Paulo o Barnabas ninche meata ngureticho, <

Pilemon 1:22

Naa kore aitoki, ntibirakaaki ng'oji nalotu awuenie, amu kaata siligi nchere kore to nkomono inchi naa kaapaluni maeu nitii.

Lkolosae 2:2

Kanyokita payie etumi aaitogolo ninche ltauja neibung'a tenebo te nchaman, netum ltung'ana sipata nadede naing'uaa ning'unoto nadede, neichori ning'unoto ee mbae e Nkai naisudoro, naa Kristo taa inia.

2 Lkorinto 3:12

Naaku kore naa tankaraki nikiata siligi laijo ilo, naaku ikiro meitoki kiurie.

1 Lkorinto 1:5

Kore itii atua ninye neitiemua ntae Nkai to ntoki pooki, aaku arriyiak, niakuku ng'eni,

Asat 14:3

Newueni Paulo o Barnabas teinie aajo rra elikoo Lomon Supati te mpijan, eirichakino Laitoriani. Neitodol Laitoriani ninche sipata ajo, kore rerei le munyani enye naa kedede aicho ngolon naasie taa nkaik enche nkitodolunot naaitodolu nkitoo enye o mbaa e nking'asia.

Asat 9:27

Neyau ꞉Barnabas ninye netii lkipaareta, neliki ninche neikuna Saulo eloito to nkoitiei payie edol Laitoriani, o inia natiaka ꞉Laitoriani ninye. Neitoki aliki neikuna Saulo payie elikoo ta Damasikas meata ngureticho ta nkarna e Yeso.

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

2 Lkorinto 7:4

Kaitieu airorie ntae katukul, nang'idare sii ntae oleng. Kore natining'o naipirita ntae naa kaitogolo nanu naiting'id katukul, too kulo sinaitin lang pooki ootumuto iyioo.

2 Lkorinto 1:11

tiniretutu iyioo to nkomono. Kore teneomon ltung'ana kumo Nkai meichoo iyioo omom enye, naaku keicho kenya ꞉lkumo ninye nache tankaraki iyioo.

1 Lkorinto 2:7

Ikiimaki ng'eno e Nkai too nkoitieii nemening'u ltung'ana pooki. Ketegelua Nkai inia ng'eno ewuon eitu eitibir ana kop, payie kitum iyioo aatijing atua nkitoo enye te inia ng'eno enye.

Rroman 15:30

Kore ta Laitoriani Yeso Kristo o te nchaman naaichoo ꞉Ltau Sinyati, kaitaarriyian ntae lalachera o nkanachera ainien, entam larrabal tenebo o nanu to nkomono kiomonokitata Nkai.

Asat 18:26

Neng'asu aiteng'enicho meata lng'ach te Sinagogi. Kore payie ening ꞉Pirisila o Akuila ninye eiteng'enicho, neipot aya bata, neliki aaipidaa to nkoitiei e Nkai.

Asat 4:13

Kore payie edol ꞉ninche aajo meata Petero o Yoana ngureticho, neteyielouto aajo meata nkisoma naa lpayiani le nkang ake era, neing'asia. Kake neyielou naa aajo, keboitiere apa ꞉ninche Yeso.

Asat 2:4

Neiput ninche pooki ꞉Ltau Sinyati, neng'asu aairo to nkulie nkutukie, ana naidimie ꞉Ltau Sinyati ninche.

Asat 9:29

Neirorie eichankarrare lolo Yiaudi ooiro nkutuk ee Lgirriki, kake kore ninche, nenyok aajo entar ninye metua.

Rroman 16:25

Meeichori inia Ai ake nabo ng'en naidim aichoo ntae ngolon, nkisisa te Yeso Kristo! Keidim ninye aitogolo ntae ana neiteng'en ntae likoroto ai ee Lomon Supati, inia likoroto naipirita Kristo Yeso, ndedei nemeidimai payie eyielouni kake neibalunyieki taata. Keisudoro apa too ntowuon o ntowuon, kake kore taata, naa keibalunyieki neiteyieloki loreren pooki too lkigerot le naibon, ana naitanapa ꞉Nkai ee ntarasi, payie etum ninche aatining Nkai teneiruk Lomon Supati likilikorita. Metaa nenye nkisisa ntarasi, Aamin.

2 Lkorinto 6:11

Lokorinto kulo! Ikirorie ntae aibalakinyie mbaa nikicham sii ntae oleng.

Epeso 3:9

nabol ltung'ana pooki nkonyek, meteyielo neikununo kipirte naisudoro e Nkai, inia kipirte naa ꞉ilo oitayia ntokitin pooki ake apeny apa oyielo.