Epeso 6:14 - Samburu

¹⁴ Entachoto naa iterretena nkijii inchi te ndedei, ninchopo long'o lo lgoo le sipata,

Epeso 6:14 Referans Kwoze

1 Ltesalonike 5:8

Kake kore amu ikira le mparkiji, mataa loaaparricho aaitibiraki! Maichopo naa nkurukoto o nchaman ana nchuret e lgoo, nikinchop sii siligi le njeunoto ana nkopiyia e senkei.

Luka 12:35

<

1 Petero 1:13

Naaku naa entipik siligi linchi katukul inia munyani naichori kenya ntae teneibalunyieki Yeso Kristo, irretenena taa mparrunot inchi aaku ltung'ana oaaparricho aaitibiraki.

2 Lkorinto 6:7

Nikilikoo Lomon le Nkai oodede to ngolon enye, kimbung'uta lalem o long'o e sipata e Nkai, era masaa ang nikinyayie larrabal.

Epeso 5:9

Amu kore wong'an naa keiu mbaa pooki supati o mbaa ee sipat o mbaa naadede.

Mbolunoto 9:17

Naitoki adol mbartan o lolo oodirita eata long'oi ee lgooitie naanyokuoo ana nkima, nera suruai darleyio. Kore nenia bartan neata nkuechi naatuwuana naa lng'atunyo, nepuku nkima o mpuro o ntoki naji salpa too nkutukie.

Mbolunoto 9:9

Neata long'oii ee lgooitie naatuwuana ne senkei, kore nkaipupo enche, neiru ana nkarrin naayietita mbartan ekuetita aapuo larrabal.

Rroman 13:12

Echomo nkuarie anyikaa netaa keikenyu, matuburkuchu naa asat e naimin, nikinchop masaa e wong'an.

Epeso 6:13

Kore tankaraki inia, enchopo masaa pooki e larrabal naaichoo ntae ꞉Nkai, payie indimdim aairicha te inia parri torno, naa kore indipa aaterretenata nintachoo mikijariri.