Epeso 5:3 - Samburu

³ Kore loloito o asat pooki e anyit o lubo naa meyiere nening'i taatua ntae, ana nairirikino netiu sinyat.

Epeso 5:3 Referans Kwoze

Lkolosae 3:5

Kore ntoki pooki e mpukunoto inchi nara ne nkop entar metua! Entar naa metuata, mboita e sesen namara na lpayian o ntomononi enye o asat pooki ee aanyit o ntolo o lng'uarra o yieunot torrok o lubo, aa ninye taa sayiata ee nkaitok e sapare.

Epeso 5:5

Enteyielo katukul nchere, meatae hoo ltung'ani ololoito anaa loas nkulie boita e sesen torrok tanaa loas mbaa e anyit tanaa ltung'ani olibo, otum mpaach te nkitoria nara ne Kristo nera ne Nkai. Kore ltung'ani olibo, naa laisiaayiani laa nkaitok e sapare.

1 Ltesalonike 4:3

Naa ana yieuna e Nkai, nchere iakuku loosinya payie ilamlam loloito pooki,

1 Lkorinto 6:18

Entalam mboita e sesen nemeichiaakino! Kore pooki oas inia neitarruo ꞉inia ng'oki sesen lenye alang nkae ng'oki pooki.

1 Ltesalonike 4:7

Amu eitu eipot iyioo Nkai payie kiwueni taatua mbaa nemeichiaakino, kake payie ikiwueni taatua sinyaticho.

1 Lkorinto 6:13

Neidim lbata nejo, <> Kake kore etiu nejia, keidakie Nkai pukura mparri nabo. Kore sesen naa mara payie easieki mboita e sesen nemeichiaakino, kake payie eyanyitieki Laitoriani laa ninye lopeny seseni lang.

Epeso 5:12

amu anyit abaki teneipoti nenia naas ltung'ana laijo lolo too nkusudorot.

Matayo 15:19

Amu atua ltau eing'uaa mparrunot torrok o arichoi e lkiye o loloito ee ltung'ana ooyema o loloito ee ltung'ana leitu eyama o mpurrore o nkiteenakinoto e sapare o ldeket odeki Nkai.

Mbolunoto 2:21

Kaichoo apa ninye mpaach meirriidu, netanya eirriidu loloito enye.

1 Lkorinto 10:8

Mikias mboita e sesen nemeichiaakino ana apa nataasa lbata lenche nemuta 23,000 ta mparri nabo.

Mbolunoto 22:15

Kake ta aulo e ilo kerenket apa etung'ayieki ltung'ana ootuwuana ldein tee nkichoni enche o lairupok o lolo ooboitiere lkulie tung'ana te sesen lamara lpayiani tanaa sii ntomonok enche o loaar ltung'ana metuata o loaasai nkaitok e sapare o pooki ng'ae oacham atasapicho.

Mbolunoto 21:8

Kake kore ltung'ana gureti o lemeiruk o looitarroitie ate aas asat torrok o loaar ltung'ana metuata o lolo ooboitiere lkulie tung'ana te sesen lamara lpayiani tanaa sii ntomonok enche o lairupok o loaasai nkaitok e sapare o loaasapicho, naa kenang'akini atua lbalbal le nkima napejieki ntoki naji salpa naa ele taa lkiye le oare.>>

Mbolunoto 2:14

Kake kore eyia, kaata nkuti mbaa namen taa ntae. Keatae lbata linchi ooibung'uta nkiteng'ena e Balam, ꞉ilo oiteng'ena apa Balak meitamaaya ltung'ana loo Isirael metaasa ng'oki, aanya ndaa naaitakaki nkaitok e sapare, neitoki aas loloito.

1 Lkorinto 5:1

Ketining'ie ajo ketii mboita torno oleng e sesen atua ntae nemeas abaki ltung'ana lemeyielo Nkai, naa kaaing'asia inia. Kore najoito naa ana, eji keboitiere ltung'ani nkaini e ng'otonye!

Mbolunoto 9:21

Eitu sii eirriidu lolo tung'ana arichoi naar ltung'ana metuata o nkurupore o loloito o mpurrore enche.

2 Petero 2:3

Kore to luboi enche, nenyok aaitorogony ntae taa natinin nemeti sipata aayayie ntae ropiyiani. Kake keanyita ake ninche ꞉nkiguana natudung'oka apa Nkai, nelotuta mutai enche.

Lburania 12:16

Emincho sii etumi ltung'ani oboitiere likae tung'ani te sesen mara nkitok enye anaa lpayian lenye ake, niminchocho etumi ltung'ani oparraa ake mbaa e nkop ana lkikau le Isaka oji Esao oitama apa njung'ore enye ndaa ewuon eichu menye.

2 Lkorinto 12:21

Kaurie ajo kore tanaitoki alotu nitii naa kaaitam ꞉Nkai ai anyit atii tenebo o ntae, naisinanio tankaraki ltung'ana kumo oaataasa apa ng'ok, newuon eitu eirriidu aapal ntorrok o mboita e sesen nemeichiaakino o nkulie baa e anyit apa naatomoo.

Tito 2:3

Nejia sii nkuna ntomonok arrarrin, ntaarriyiana metaa naawueni to lwuenet oicho Nkai rrepet. Nemeitarruo lkulie tung'ana nkarn, anaa eaku rrindiki e merai, kake keichiaakino neiteng'enicho mbaa supati,

2 Timoti 3:2

Keaku ltung'ana ltung'ana oaacham ake ate aapeny, nelubo ropiyiani, neimer, neikar, nedekicho, nemening ntoiwuo enche, nemeata nache. Nemeitaa toki mbaa e Nkai,

Asat 15:20

kake payie kingeroki ninche metung'ai mbaa torrok ee nkaitok e sapare, nemeboitare likae tung'ani te sesen mara ake ntomononi enye anaa lpayian lenye, nemenya nkiri ee suom o ng'uesi naatogoroki, nememat lodo.

2 Petero 2:14

Ntomononi naasie loloito ake eyieita ninche nkata pooki nemeitirring'a eitu eas ng'oki. Kerruach ꞉ninche lolo oaachal metaasa ng'oki, netatakanikita ltauja lenche lubo. Naa kore tankaraki ana kediaa ninche.

2 Petero 2:10

Naa keiteme ꞉Nkai oleng lolo tung'ana torrok oopuoyie mpukunoto torno e ltung'ani eirukurukore ng'uarrat naayau mutai, nemen Laitoriani. Kore kulo tung'ana naa meitoki eurie, mbaa enche ake eparraa nemeurie abaki edek lolo oaata nkitoo te chumata.

1 Petero 5:2

Errita mboo e Nkai natung'aka ninye ntae entaa laing'urak. Naa kore iasitata inia, eng'ura ninche, mara ana nayieunyieki ntae te ele siaai kake tankaraki nichamaa ilo siaai ana nayieu Nkai, namara sii payie itumiemie ntoki kake tankaraki nichamcham aaisiaayia ninche.

Tito 1:11

Meata ajo mijoki metiripa nkutukie, amu keing'oling'olita nkang'ite eiteng'enicho mbaa nemeyiere neiteng'enicho tankaraki keiyieu ninche netum ntoki to nkoitiei e monkoichio.

Tito 1:7

Kore tankaraki nara larikoni le nkanisa laing'urani le siaai le Nkai, meata ajo meaku ltung'ani lemeata nakurrieki, namara ltung'ani laa koon ake echam, nemerrirriu asioki, namara lamerani, nemeipatipata, nemeata lubo ee ropiyiani.

1 Timoti 3:3

namara lamerani, nemericho kake kebor, nemeichankara, nemelubo ropiyiani,

1 Timoti 2:10

kake taa asat supati, naairirikino ꞉ntomonok naajo keyanyit Nkai.

Lpilipi 1:27

Ntoki nabo ake naata tipat oleng, nchere payie iwuenini te nkichon inchi ana naichiaakino too Lomon Supati le Kristo, paa kore tanatumoka ayeu atoduaa ntae tanaa eitu, naning ajo intachoo katukul to nduata nabo o ltau obo inyanya larrabal le nkurukoto ee Lomon Supati.

Rroman 16:2

payie ing'amaa taatua Laitoriani ana naichiaakino sinyat le Nkai, niretret to pooki nayieunyie ninye ntae, amu ketaa ninye nkaretoni too ltung'ana kumo ati sii nanu.

Rroman 6:13

Niminchocho sii rubat ee seseni linchi eaku masaa niasiesie ng'ok, eji paa too ntorrok easichereki. Kake kore naa ntae ootuata netumo nkichui, eitai ate aisiaai Nkai, ninchocho rubat inchi eaku masaa naasichereki too sipat.

Rroman 1:29

Neiput ninche ꞉ntorroni pooki o ntorno o liboi o lmena, neboreii lom o arichoi o nchankar o nkitamaaya o mang'antiticho o nkurrare.

Asat 20:33

Neitu apa ang'uar ropiyiani anaa nankan e ltung'ani.

Luka 16:14

Kore einining'ito ꞉Lparisayo pooki oaacham ropiyiani kuna, neikordod Yeso.

1 Timoti 6:10

Amu kore lubo ee ropiyiani naa ninye eing'uaa ntorrok pooki. Kore ltung'ana lbata ereuta inia lubo ee ropiyiani, nepong'ori to nkurukoto neyaki ate sina kitok.

Luka 12:15

Neitoki ajoki ninche, <>