Epeso 4:4 - Samburu

⁴ Keatae sesen obo o Ltau Sinyati obo, ana nara siligi oipotoka ntae Nkai obo.

Epeso 4:4 Referans Kwoze

Epeso 2:18

Amu kore tankaraki inia nataasa Kristo, nikitum pooki aatu netii Papa aaimu ilo Tau Sinyati ake obo.

Epeso 4:1

Naaku, kore nanu oena tankaraki naisiaaita Laitoriani, kaitaarriyian ntae entewueni te nkichon nairirikino nkupototo naipotoki ntae entaa ltung'ana le Nkai.

Epeso 1:18

Naamon sii metobolo Nkai ltauja linchi, payie itumtum aateyiolo nowua siligi oipotoka ninye ntae, o nowua supaticho e inia natipika Nkai metaa ninchi tenebo o sinyat lenyena,

1 Lkorinto 12:20

Kore natiu, keatae rubat kumo kake lobo ake sesen.

Lkolosae 1:5

Kore ana, naa tankaraki inia nisiligitata metaa ninchi, neisudokaki ntae te chumata, ana nindipa aatining too Lomon Supati oodede.

Epeso 5:30

amu ikira iyioo rubat e sesen lenye.

1 Yoana 3:3

Naa kore pooki oata ilo siligi te ninye naa keitisiny koon ana payie era ninye sinyati.

1 Petero 1:21

Kore tankaraki inia nataasa ninye, naa iruko Nkai naitipiwua ninye taatua lootuata neicho nkitoo, payie eaku kore nkurukoto o siligi linchi, naaku atua Nkai etii.

Tito 2:13

kianyuta siligi lang omayiana, meitabari tenelioii nkitoo ee Nkai aang kitok, nara Laitejeunoni lang Yeso Kristo.

Tito 1:2

Kore ana dedei naa keicho ninche siligi le nkichon ee ntarasi, le lekutuk oitayia apa ꞉Nkai ewuon apake eitu eitibiruni nkop, nemesapicho Nkai.

2 Ltesalonike 2:16

Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani,

Lkolosae 3:15

Enchoo metaa seriani e Kristo naitore atua ltauja linchi. Keipotokaki ntae inia seriani, irara le sesen obo. Entaa sii loaata nache.

Epeso 2:22

Naa taatua ninye sii echetutae ntae aaibung'ie tenebo ta Ltau Sinyati payie iakuku ng'oji nemany Nkai.

Epeso 2:16

Neitutumoki lorere loo Lyiaudi o lkulie oreren Nkai te sesen ake obo to lmusalaba, neichu katukul mang'antiticho te inie.

Matayo 28:19

enchom naa entaa lochon pooki looiteng'eni lainien, impatisasa ninche ta nkarna e Papa o ne Nkerai o ne Ltau Sinyati,

Tito 3:7

Paa kore eikena iyioo ꞉Nkai ajo ikira loosipat to munyani enye, nikiaku lootum nkichon ee ntarasi, inia nikisiliguta.

1 Timoti 1:1

Kore ana palai naa nanu Paulo eing'uaa, ilo oataa Lkipaaret le Kristo Yeso te nkitanapata e Nkai nara Laitejeunoni lang o Kristo Yeso oara siligi lang.

1 Lkorinto 10:17

Amu nabo ake mukate, naaku kore abaki iyioo oaara kumo nikiaku sesen obo, amu inia mukate nabo ake king'ar pooki.

2 Lkorinto 11:4

Eji kore ntae, naa ing'iriri ltung'ani pooki olotu nitii alikoo lomon le likae Yeso lamara ilo likitilikita iyioo ntae, ning'amaa sii likae tau oaapaachere Ltau Sinyati, ning'amaa lkulie omon supati lamara lolo Omon Supati litang'amaitie apa tee iyioo.

Asat 15:11

Mara nejia! Ikiruk iyioo aajo kore munyani e Laitoriani Yeso, naa ninye eitejeunyieki iyioo, naa ninye sii eitejeunyieki ninche.>>

Rroman 11:29

Amu mejak ꞉Nkai nkichoorot o nkupototo naichorua.