15 Kake kore nayiere tee iyioo naa payie kimbung ndedei te nchaman, nikibulu aanyunyukorei Kristo taa mbaa pooki, ilo laa ninye nkue e nkanisa.
Nakera ainien, mikiaku loaacham to nkutuk o te rerei ake, kake matacham taa asat o te ndedei!
Naaku entapal sapare, nemeata lemeirorie likae te ndedei, amu ikira pooki rubat e sesen obo, nemeata nemeyieu reto e nkae.
Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.
Kake entubulu taatua munyani o yielounoto e Laitoriani o Laitejeunoni lang Yeso Kristo. Metaa nkisisa nenye, taata o ntarasi! Aamin.
laa te ninye eibung'a nkaji pooki tenebo, nebulu aaku nkaji sinyati e Laitoriani.
Netipika ꞉Nkai pooki taabori nkitoria enye, neitaaki ninye metaa nkue e nkanisa neitore pooki natii.
Kore ana nayieu nkera kunini naatiwuaki kule, entaa loaata yieuna e rerei osipa le Nkai, paa kore imatmat nibululu payie ing'amaa inia jeunoto,
Meata nchaman nkitaakino, embai ntorrok nimbung'bung aaitirrichaki mbaa supati.
Nedol ꞉Yeso Nataniel elotuta, nejo kulo omon oipirita ninye, <>
amu lpayian nkue e ntomononi ana pee era Kristo nkue e nkanisa, ilo sesen lenye laa ninye koon Laitejeunoni.
Kake ikitanya mbaa pooki naaisudoro e anyit, nimikiasichere sapare tanaa kintarruoo rerei le Nkai. Ikimbalie sipata ee Lomon Supati, kiyieu payie esipu pooki ng'ae ta ltau lenye nikitiu tekue Nkai.
Majoito taa nchere eji meata ajo miasias inia, kake kore payie alikita ntae nyuata ee lkulie naa payie atum atetema ntae asipu tanaa kedede nchaman inchi.
Kake kayieu payie iyielouu aajo Kristo nkue e lpayian pooki, naa lpayian nkue e ntomononi enye, naa Nkai nkue e Kristo.
Ketegelua ꞉ninye iyioo ewuon eitu eng'asu aitai nkop tankaraki e inia nataasa Kristo, payie kitum aataa sinyat nimikiata sii ntioto tekue ninye.