Epeso 3:2 - Samburu

² Kasip ajo itining'o kipirte e Nkai naaichoo nanu te munyani enye matiliki ntae,

Epeso 3:2 Referans Kwoze

1 Timoti 1:11

Nejia ejo Lomon Supati le nkitoo e Nkai ang namayiana, lolo Omon laaichooki nanu mataa laing'urani.

2 Timoti 1:11

Kaategeluaki mataa lalikoroni o Lkipaaret o laiteng'enani loo lolo Omon Supati.

Rroman 1:5

Laa te ninye kitang'amaitie iyioo munyani o nkitoo naata Lkipaareta lenyena, paa kore taatua lochon pooki lemeyielo Nkai, nikintaa ltung'ana metaa looning Nkai tankaraki nairuko Lomon Supati likilikorita, nerrepi nkarna e Nkai.

Epeso 4:7

Kake meatae lobo lang leitu eichori munyani e Nkai te nkiririkinoto ana naoriki Kristo pecheu.

1 Lkorinto 4:1

Enteyielo aajo ikira iyioo laisiaayiak le Kristo ooichooki metaa laing'urak loo mbaa naaisudoyieki apa e Nkai.

Epeso 1:10

Kore payie ebau nkata naitabaya inia kipirte naata payie eitejeu Ltung'ana, neyau ntoki pooki metaa tenebo taabori nkitoria e Kristo, pee era naatii chumata tanaa naatii nkop.

Lgalatia 1:13

Amu itining'o ntae lwuenet lai le apa taatua lkerreti le nkurukoto ee Lyiaudi, ana naikuna payie aitam oleng sina nkanisa e Nkai, nanyok aidakie.

Asat 22:21

Kake naajoki ꞉Laitoriani, >>

Asat 13:46

Kake nejoki ꞉Paulo o Barnabas ninche meata ngureticho, <

Asat 13:2

Kore esaita ꞉ninche Laitoriani neteena nkutukie, nejoki ꞉Ltau Sinyati, <>

Asat 9:15

Kake nejoki ꞉Laitoriani ninye, <

1 Timoti 2:7

Kaaitaaki lalikoroni o lkipaaret payie atum atilikoi inia limunoto. Naa kesipa najoito mara sapare, kaaitaaki laiteng'enani loo loreren payie aiteng'en ninche nkurukoto o ndedei.

1 Timoti 1:4

anaa ejing atua natinin o mbaa naaipirita lmakui nemeata nkiting'oto. Kore nenia atinin o nenia baa, naa keyau nkipara nemeata tipat, alang teneyau nkiteng'ena e Nkai nayielouni to nkurukoto.

Lkolosae 1:6

Kore kulo Omon Supati netabakita ntae. Naa kore ana neiuta lng'anayio nebularita to nkop pooki, nejia sii ake etiu taatua ntae. Nejia apake etiu ang'asu mparri ekue nitining'o, nining'ung'u katukul naipirita munyani e Nkai nedede.

Lkolosae 1:4

amu ikitining'o aajo itipika nkurukoto inchi atua Laitejeunoni Yeso, nikitining'o sii newua nchaman niatata too sinyat pooki le Nkai.

Epeso 4:21

Itining'o apa lomon lenyena neiteng'enaki ntae mbaa naipirita ninye ana netiu ndedei taatua Yeso.

Epeso 3:8

Kore abaki aa nanu lkini alang lkulie sinyat pooki, nanu eichoo Nkai ana munyani enye, matiliki ltung'ana loo lkulie oreren lamara loo Lyiaudi nowua mayianat naatii atua Kristo nemeata nkiting'oto,

Rroman 12:3

Amu kore to munyani e Nkai naaichooki, kaitanap pooki ng'ae otii atua ntae payie medol koon ajo kera toki aitalang nkiririkinoto enye, kake nchoo eparraa pooki ng'ae ana naichiaakino, te risioroto e nkurukoto naichoo ꞉Nkai ninye.

Rroman 11:13

Naa kairorie naa ntae ltung'ana loo lkulie oreren lamara loo Lyiaudi. Kara nanu lkipaaret linchi, naa kore tankaraki inia kang'idare ilo siaai lai lo lkipaaret,

Epeso 3:7

Naaichoo nanu ꞉Nkai to munyani enye mataa laisiaayiani loo kulo Omon Supati to ngolon enye naasicho.

Epeso 3:9

nabol ltung'ana pooki nkonyek, meteyielo neikununo kipirte naisudoro e Nkai, inia kipirte naa ꞉ilo oitayia ntokitin pooki ake apeny apa oyielo.