Epeso 2:4 - Samburu

⁴ Kake keisapuk lng'ur le Nkai, necham iyioo oleng,

Epeso 2:4 Referans Kwoze

1 Petero 1:3

Meisisi Nkai oara Menye Laitoriani lang Yeso Kristo! Ilo laa te lng'er lenye kitok etiiwuaki iyioo nkata e are, payie kitum siligi oichu tankaraki natipiwua Yeso Kristo taatua lootuata,

Epeso 1:7

Ilo laa te ninye ikiata lakunoto natalaa to lodo lenye, aa taa ketapalikaki iyioo nkitarruorruot ang. Keitodolu ana newua munyani naichoo iyioo Nkai,

Rroman 5:8

Keitoduaa iyioo Nkai nowua nchaman nacham iyioo, amu kore apa kira loo ng'ok nenang Kristo iyioo.

Epeso 2:7

Paa kore taa ng'amat naapuonu, neitodolu ninye neba leng'on e munyani enye, eitaasita iyioo supati taatua Kristo Yeso. Nemeata inia munyani enye lnyanyukie.

Rroman 10:12

Amu mepaacha ltung'ani loo Lyiaudi o loo lkulie oreren, ilo Aitoriani ake oara Laitoriani loo pooki, naa keicho mayianat enyena pooki ng'ae oipot ninye.

1 Timoti 1:14

Netubukua Laitoriani lang munyani enye tenebo o nchaman o nkurukoto nikiata taatua Kristo Yeso.

2 Timoti 1:9

Keitejewua ninye iyioo, neipoto iyioo to nkupototo sinyati, namara tankaraki nikitaasa toki, kake tankaraki yieunoto o munyani enye. Kore ana munyani naa keichooki iyioo te Kristo Yeso ewuon meatae nkop,

Epeso 3:8

Kore abaki aa nanu lkini alang lkulie sinyat pooki, nanu eichoo Nkai ana munyani enye, matiliki ltung'ana loo lkulie oreren lamara loo Lyiaudi nowua mayianat naatii atua Kristo nemeata nkiting'oto,

Rroman 9:23

Ketaasa sii inia payie eitodolu nowua nkitoo enye too lolo ooing'urrieki, lolo ooitibira apake payie etum ꞉ninche inia kitoo.

Rroman 2:4

Ana imenaa iyie nowua supaticho o mborron o ng'iriata enye? Miyielo iyie ajo ikirikoo ꞉Nkai to supaticho enye kitok mbelekenyai?

2 Ltesalonike 2:13

Kake keyiere nikirrinyoki iyioo Nkai nache nkata pooki tankaraki ntae lalachera oaacham ꞉Laitoriani, amu ketegelua ntae Nkai ta ng'asunoto payie ijeuu aaku sinyat ta Ltau Sinyati o tinirukuruk ndedei.

Luka 1:78

tankaraki kenana Nkai ang ocheke. Kore tankaraki inia, keipung'oki iyioo wong'an e nkakenya nadou eing'uaa chumata,