Epeso 2:18 - Samburu

¹⁸ Amu kore tankaraki inia nataasa Kristo, nikitum pooki aatu netii Papa aaimu ilo Tau Sinyati ake obo.

Epeso 2:18 Referans Kwoze

Epeso 3:12

ilo laa taatua ninye ikiata nkitieunoto nikindim aaotunyie netii Nkai to nkurukoto, mikiata ngureticho.

1 Lkorinto 12:13

Amu kore iyioo pooki, oo duaake kira loo Lyiaudi tanaa loo lkulie oreren tanaa rrindiki tanaa lamara rrindiki, keipatisaki iyioo pooki payie kiaku ilo sesen obo ta Ltau Sinyati, netubukokaki iyioo pooki ilo Tau Sinyati.

Rroman 5:2

Ketoboloka iyioo Yeso Kristo nkoitiei nikibakinyie to nkurukoto ana munyani nikitii taata atua, niking'idare siligi le nkitoo e Nkai likitum.

Epeso 4:4

Keatae sesen obo o Ltau Sinyati obo, ana nara siligi oipotoka ntae Nkai obo.

Yoana 14:6

Nejoki ꞉Yeso, <

Yoana 10:9

Kara nanu ltim. Kore pooki ng'ae ojing'u aimu nanu naa keitajeuni, newuon ta lakunoto, netum ng'oji nedaare.

Yoana 10:7

Neitoki Yeso ajoki ninche, <

Lgalatia 4:6

Naa kore amu ikira nkera e Nkai, eterewua ꞉Nkai Ltau le Nkerai enye atua ltauja lang, eichir ajo, <>

Rroman 8:15

Neitu itumtum Ltau le rrindikicho eji paa intokiki aawueni to ngureticho, kake itumo Ltau oicho ntae sipat niakunyienyie nkera e Nkai. Kore te ninye nikibuak aajo, <>

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

Epeso 6:18

Entoomon nkata pooki to nkomono inchi pooki, eutaa ntae Ltau Sinyati. Nirripichocho ing'iriri katukul payie itumtum aatoomonoki sinyat nkatitin pooki,

1 Lkorinto 8:6

Kake nabo ake Nkai nikiata iyioo, Papa laa ninye eing'uaa ntokitin pooki naaitibiraki, naa ikitii ana kop payie kitum kenya aachom netii ninye. Neatae sii Laitoriani obo Yeso Kristo, laa aimu ninye eitibira Nkai ntokitin pooki naa aimu ninye eatae iyioo.

Lburania 7:19

Nemeitoki eitaa ꞉nkitanapat metaa meata ntioto, kake keichooki taata iyioo siligi oikach laa ninye kinyikakinyie Nkai.

Epeso 3:14

Tankaraki inia paagilaki Papa kung aomon,

Yuda 1:20

Kake kore ntae lacham lainien, entechetu ate te inia kurukoto inchi sinyati naisul pooki, iomonmon to utaroto e Ltau Sinyati.

1 Petero 1:21

Kore tankaraki inia nataasa ninye, naa iruko Nkai naitipiwua ninye taatua lootuata neicho nkitoo, payie eaku kore nkurukoto o siligi linchi, naaku atua Nkai etii.

1 Petero 1:17

Naa kore tinimpotpot aajo Papa linchi, ilo oiguan pooki ng'ae meata ngela, te risioroto ee asat enche, entewueni to nkoitiei naicho ninye nkanyit irara lapuayak tana kop.

Matayo 28:19

enchom naa entaa lochon pooki looiteng'eni lainien, impatisasa ninche ta nkarna e Papa o ne Nkerai o ne Ltau Sinyati,

Yakobo 3:9

Kore te ilo ng'ejep, ikisis Laitoriani oara Papa lang, nikidekie aitoki ltung'ana ooitibira ꞉Nkai te nkitanyanyukoto enye.