Epeso 1:7 - Samburu

⁷ Ilo laa te ninye ikiata lakunoto natalaa to lodo lenye, aa taa ketapalikaki iyioo nkitarruorruot ang. Keitodolu ana newua munyani naichoo iyioo Nkai,

Epeso 1:7 Referans Kwoze

1 Petero 2:24

Ketanapa ninye ng'ok ang te sesen lenye to lmusalaba payie meitoki aikata ng'oki aata nkitoria tee iyioo. Netanapa payie kiwueni taatua sotua oipida o Nkai. Naa kore taa lbaa ootumo ninye, /neichiunyieki ntae.

Rroman 3:24

naa keitaa ꞉Nkai ltung'ani loosipat pecheu to munyani enye tankaraki ketalakua ninche ꞉Kristo Yeso.

Lkolosae 1:14

laa kore aimu ninye, nelak Papa inia nairirikino alakunyie iyioo, naa kore inia lakunoto nikiata naa mpalakino ee ng'ok.

Lburania 9:22

Kore apa tee nkitanapat e Nkai, nkuni tokitin ake meitisinyi to lodo, naa kore eitu eibukori lodo naa meatae mpalikinoto ee ng'ok.

Matayo 26:28

amu ele lodo lai lo lning'o ng'ejuk oibukori tankaraki lkumo payie etum mpalikinoto ee ng'ok.

Mbolunoto 5:9

Nerany sinkolio ng'ejuk ejo, <

1 Yoana 2:12

Nakera ainien, kaigerokita ntae, amu etapalikaki ntae ng'ok inchi tankaraki nkarna e Yeso.

Lpilipi 4:19

Naa kore inia Ai naisiaita, keicho ntae ntoki pooki nabana niyieuu to murdaicho enye aimu Laitejeunoni Yeso.

Epeso 2:7

Paa kore taa ng'amat naapuonu, neitodolu ninye neba leng'on e munyani enye, eitaasita iyioo supati taatua Kristo Yeso. Nemeata inia munyani enye lnyanyukie.

1 Lkorinto 1:30

Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki,

Epeso 3:16

Kaomon meitogolo ꞉ninye nkurruki inchi oleng, te risioroto e nkitoo enye kitok, aimu Ltau lenye Sinyati, payie emany Kristo atua ltauja linchi to nkurukoto, paa kore itaa ltung'ana ootuunote lemeigusgus taatua nchaman,

2 Lkorinto 8:9

Amu iyielolo ntae munyani e Laitoriani lang Yeso Kristo, laa kore abaki era parakuoni netaa laisinani tankaraki ntae, paa kore aimu sina lenye neitaa ntae parakuo.

Rroman 2:4

Ana imenaa iyie nowua supaticho o mborron o ng'iriata enye? Miyielo iyie ajo ikirikoo ꞉Nkai to supaticho enye kitok mbelekenyai?

1 Yoana 2:2

Naa kera ninye lasar loo ng'ok ang, namara nkunanang ake aapeny kake no nkop pooki.

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.

Asat 2:38

Nejoki ꞉Petero ninche, <

Matayo 20:28

ana neikuna Nkerai e Ltung'ani. Eitu elotu ninye meisiaai, kake keyewuo aisiaaicho, neitai nkichui enye alakunyie lkumo.>>

1 Yoana 4:10

Kore nchaman naa ana: Mara iyioo oaatachama Nkai, kake ninye natachama iyioo, nereu Nkerai enye peaku lasar loo ng'ok ang.

Asat 20:28

Naa entodol naa ate o mboo pooki ee nkerra naatipika ꞉Ltau Sinyati nkaik inchi payie irritata, aaku lchekuti le nkanisa e Nkai nainyieng'ua to lodo le Nkerai enye.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

Epeso 3:8

Kore abaki aa nanu lkini alang lkulie sinyat pooki, nanu eichoo Nkai ana munyani enye, matiliki ltung'ana loo lkulie oreren lamara loo Lyiaudi nowua mayianat naatii atua Kristo nemeata nkiting'oto,

Asat 10:43

Ninye etilimutua loibonok le Nkai pooki aajo, kore pooki ng'ae oiruk Yeso naa kepalikini ng'ok ta nkarna enye.>>

Yoana 20:23

Kore ltung'ana lipalikiki ng'ok enche, nepalikini, naa kore ltung'ana limipalikiki, naaku mepalikino.>>

Marko 14:24

Nejoki ninche, <

Tito 3:6

ilo oichoo iyioo Nkai te leng'on kitok aimu Yeso Kristo, Laitejeunoni lang.

1 Timoti 2:6

oitayia nkichui enye alakunyie ltung'ana pooki. Kore ana, naa payie eaku limunoto tenebau nkata nategeluaki.

Lkolosae 2:13

Kore abaki ituata tankaraki ng'ok inchi, neitu emurati mpukunoto inchi torno e tung'ani, eitaa ntae Nkai looichu tenebo o ninye, etapalikaki ntae ng'ok inchi.

Lkolosae 2:2

Kanyokita payie etumi aaitogolo ninche ltauja neibung'a tenebo te nchaman, netum ltung'ana sipata nadede naing'uaa ning'unoto nadede, neichori ning'unoto ee mbae e Nkai naisudoro, naa Kristo taa inia.

Lkolosae 1:27

Keyieu apa Nkai payie aibalunyie newua inia kisudoroto enye e nking'asia too ltung'ana loo loreren, kore inia kisudoroto naa nchere kore Kristo oamanya atua ltauja linchi naa ninye siligi linchi le nkitoo nalotu.

Epeso 2:4

Kake keisapuk lng'ur le Nkai, necham iyioo oleng,

Rroman 9:23

Ketaasa sii inia payie eitodolu nowua nkitoo enye too lolo ooing'urrieki, lolo ooitibira apake payie etum ꞉ninche inia kitoo.

Asat 3:19

Erriidu naa, niwuatuwuatata, payie ejuti ng'ok inchi,

Luka 24:47

Naa kelikori ta nkarna enye nkibelekenyata nayau mpalikinoto ee ng'ok too lochon pooki, ang'asu te Yerusalem.

Luka 1:77

Ninteyielo ltung'ana lenyena njeunoto ta mpalikinoto ee ng'ok enche,

Mbolunoto 14:4

Kore ninche naa ltung'ana leitu eitarruoo ate aasai nkulie aitok, kake keirukurukore Lkuo leker ng'oji pooki nechomo. Keinyieng'uaki ninche taatua ltung'ana, ana ltung'ana lekue oichori Nkai o Lkuo leker.

Epeso 1:6

payie kitum aaterrep ninye tankaraki munyani enye kitok naichoo iyioo pecheu aimu Nkerai enye nacham.

Matayo 6:12

Nipaliki iyioo ntorrok ang, ana payie kitapalikita sii iyioo lolo ooitarruokita iyioo.

Rroman 3:25

Ninye eibukori lodo, neitaa ꞉Nkai tekue ltung'ana pooki lasar loo ng'ok, naa to nkurukoto eng'amari ninye. Neas ana payie eitodolu sipata enye, amu kore apa te ng'iriata enye naa keichoo ltung'ana mechomo eitu eitalak ng'ok enche. Neitodolu taata tana ng'amata sipata enye nchere, kera ninye loosipat naa keitaa ilo tung'ani oiruko Yeso loosipat.

Epeso 1:8

tenebo o ng'eno nagut o yielounoto ee mbaa pooki naaichoo iyioo aiputaki!

Epeso 1:14

Ltau Sinyati oitededeyie nchere iking'amaa inia naisiligie ꞉Nkai ltung'ana lenyena tenelakuni kenya. Nikirrep ninye tankaraki nkitoo enye.

Epeso 1:18

Naamon sii metobolo Nkai ltauja linchi, payie itumtum aateyiolo nowua siligi oipotoka ninye ntae, o nowua supaticho e inia natipika Nkai metaa ninchi tenebo o sinyat lenyena,