Epeso 1:5 - Samburu

⁵ Kore te nchaman enye, negelu apake iyioo, neitaa nkera enyena aimu Yeso Kristo. Keiririkino apa inia yieuna enye supat,

Epeso 1:5 Referans Kwoze

Epeso 1:11

Kore taatua Kristo ikitum iyioo inia natejo apa ꞉Nkai ikitum te risiorote e kipirte enye, inia nategelakaki iyioo apake ewuon mikitii. Ninye oaas mbaa pooki ana nayieu o ana nadung ninye,

1 Yoana 3:1

Eng'ura ja newua nchaman natachama iyioo Papa lang le chumata, payie eji iyioo nkera e Nkai! Naa ninche kira. Meyielo iyioo nkop tankaraki nemeyielo sii apa ninye.

Yoana 1:12

Kake kore pooki oang'amaa neiruk ninye, neicho metaa nkera e Nkai.

Rroman 8:23

namara ake ninche aapeny, kake abaki iyioo oichooki Ltau Sinyati ana nkichooroto ekue naichoo iyioo Nkai. Kore abaki iyioo naa ikingor taatua ate, kianyuta payie kiaku nkera e Nkai katukul payie elakuni seseni lang.

Lgalatia 3:26

Irara taata pooki nkera e Nkai to nkurukoto taatua Laitejeunoni Yeso.

2 Lkorinto 6:18

Naaku nanu Papa linchi, niakuku sii ntae nkera ainien, nejia ejo Laitoriani openy ngolon.>>

Mbolunoto 21:7

Kore inia naa nkichooroto naicho pooki ng'ae ooisul. Kaaku nanu Nkai enye, neaku ninye nkerai ai.

Epeso 1:9

Eibalakinyie iyioo yieuna enye naisudoro ana natudung'o ninye apa te Kristo.

Yoana 11:52

Namara ilo ocho apeny, kake payie eitoki ayau aitaa nabo nkera e Nkai naatasachari.

2 Ltesalonike 1:11

Kore tankaraki inia, naa ikiomonokita ntae nkata pooki payie eikenaki ntae Nkai ang looichiaakino te inia naipotieki ntae. Nikiomon aitoki paa kore mbaa pooki supati niyieuu o siaai linchi e nkurukoto, neitabaya to ngolon enye,

Luka 10:21

Kore te inia kata, neiput Yeso ꞉ng'ida e Ltau Sinyati nejo, <>

1 Lkorinto 1:21

Keirichakinete ltung'ana ng'eno enche, naaku eitu eyielou Nkai abaki etoduaa ng'eno enye. Neroyie Nkai achamaa aitejeu lolo ooiruk ninye aimu ana likoroto najo ltung'ana madai.

Yoana 20:17

Nejoki ꞉Yeso, < >>

Matayo 11:26

Ee, Papa, amu inia naa apa yieunoto ino!

Luka 11:32

Keitachoo kenya lewa le Ninawi o ana towuo ta mparri e nkiguana nedung'oki nkiguana torno, tankaraki keibelekenyete apa ninche te likoroto e Yona, naa eng'ura ketii ene lara kitok alang Yona!

Lpilipi 2:13

Amu Nkai naasicho taatua ntae aicho ntae yieuna o nkidimata payie eitabari inia nayieu ninye.

1 Lkorinto 1:1

Kore ana palai naa keing'uaa Paulo oipoto ꞉Nkai ana nayieu ninye metaa lkipaaret le Yeso Kristo, neing'uaa sii lalache lang Sositenes.

Matayo 1:25

Kake eitu eboitiere ninye ana metiiu inia kerai enye, neng'amaki nkarna naji Yeso.

Luka 12:32

<

Asat 13:48

Kore payie ening lkulie oreren inia, neng'ida ninche, neiliepie rerei la Laitoriani, naa kore lolo pooki ootegelakaki nkichon ee ntarasi, neiruk.

Lkolosae 1:19

amu ketachamayie Nkai ajo kemany atua ninye katukul.

Lburania 2:4

Neitisipua sii Nkai ajo kedede inia limunoto enche tee asat naaitodolu nkitoo enye o mbaa e nking'asia o asat napaapaacha e ngolon enye o tee nkichoorot e Ltau Sinyati naaichorua ana nayieu ninye.