Epeso 1:4 - Samburu

⁴ Ketegelua ꞉ninye iyioo ewuon eitu eng'asu aitai nkop tankaraki e inia nataasa Kristo, payie kitum aataa sinyat nimikiata sii ntioto tekue ninye.

Epeso 1:4 Referans Kwoze

2 Timoti 1:9

Keitejewua ninye iyioo, neipoto iyioo to nkupototo sinyati, namara tankaraki nikitaasa toki, kake tankaraki yieunoto o munyani enye. Kore ana munyani naa keichooki iyioo te Kristo Yeso ewuon meatae nkop,

Epeso 2:10

Amu ninye oitaa iyioo nikitiu taata, aitibir iyioo taa nkaik enyena kitii atua Kristo Yeso payie kias asat supati, nana apake naaitibiraka iyioo mataas.

Matayo 25:34

<

Yakobo 2:5

Eng'ura ja lalachera o nkanachera ainien nacham! Amaa, mara ketegelua ꞉Nkai laisinak tana kop metaa lparakuo to nkurukoto, neaku lootum nkitoria enye naitayia Nkai lekutuk ajo keicho lolo oaacham ninye?

1 Petero 2:9

Kake kore ntae naa irara ltung'ana oogeluno, lturrur loo laitainok la lasar ooisiaaita Lkinkii, nirara lorere sinyati, ltung'ana le tipat le Nkai, ooipuotua ta naimin apik atua inia wong'an enye e nking'asia, payie itumtum aatilikoi rrepeta enyena.

Mbolunoto 13:8

Kore ltung'ana pooki oaamanya nkop nesai ninye, lolo leitu eigeri apa nkarn enche ewuon eitu eitamanyuni nkop to mbuku ee lolo oaata nkichui ee ntarasi, inia buku e Lkuo leker otaraki apa metua.

Yoana 15:16

Mara ntae likitegelutua nanu kake nanu otegelua ntae, naitoki aicho ntae nkitoo nipoyieyie aaiunyie lng'anayio. Kore lng'anayio liiu naa lng'anayio oobikoo, payie eicho ntae Papa ntoki pooki niomonunu ta nkarna ai.

1 Petero 1:2

Etegelua apa ntae Nkai Papa te yieuna enye eitisiny ntae ta Ltau Sinyati payie irukuruk Yeso Kristo neituk ntae lodo lenye. Meiputa ntae munyani o seriani.

1 Petero 1:20

Kore apake ninye, naa ketegeluaki ewuon eitu eng'asu ꞉Nkai aitibir nkop, kake /keibalunyieki taata ta ng'amata e nkiting'oto tankaraki ntae.

Lkolosae 3:12

Kore irara lgelunot sinyat le Nkai oaacham ninye, entaa loaata lng'er o nanai e nkocheke o ng'iriata o mborron.

Lkolosae 1:22

naa eyewua Nkai taata melet terichet ntae o koon aimu lkiye le Nkerai enye natua to nkop payie etum aitaa ntae sinyat, ltung'ana lemeata ntioto nemeata nakurrieki tekue ninye.

Epeso 5:27

netum ayaki koon nkanisa naipilipil nemeata rachata anaa ntioto anaa ntoki natuwuana inia pee eaku nkanisa sinyati nemeata kusaka.

Mbolunoto 17:8

Kore inia ng'ues nitoduaa, keichu apa kake merekure taata eichu. Ketaa payie eiliepu to lodo le nkop nelo meidakieki katukul. Naa kore ltung'ana pooki oaamanya nkop, lolo leitu eigeri nkarn enche to mbuku e nkichui ee ntarasi apake payie eitamanyuni nkop, neing'asia tenedol inia ng'ues torno amu keichu apa ang'as nemerekure eichu taata, kake keitoki alotu.

Asat 13:48

Kore payie ening lkulie oreren inia, neng'ida ninche, neiliepie rerei la Laitoriani, naa kore lolo pooki ootegelakaki nkichon ee ntarasi, neiruk.

Yoana 17:24

<

1 Ltesalonike 4:7

Amu eitu eipot iyioo Nkai payie kiwueni taatua mbaa nemeichiaakino, kake payie ikiwueni taatua sinyaticho.

Lpilipi 2:15

payie iakuku lemeata nakurrieki nemeata ntioto. Niakuku aitoki nkera naacho e Nkai taatua ltung'ana torrok ootopong'ori, iong'ung'u ana lakir tana kop,

2 Timoti 2:19

Kake kore nkitamanyunoto nemeigusugus natuuno ꞉Nkai naa keitache, neata kulo kigerot oojo, <> naa <>

Asat 18:10

Amu kati nanu tenebo o iyie, nemeatae hoo ltung'ani likindim aiseyie nikiar, amu kaata ꞉nanu ltung'ana lainien kumo lairuk te ele kerenket.>>

2 Timoti 2:10

Naa kore tankaraki inia, kang'iri mbaa pooki tankaraki lolo ootegelua ꞉Nkai, payie etum sii ninche njeunoto natii atua Kristo Yeso tenebo o nkitoo ee ntarasi.

Epeso 4:2

Entaa katukul ltung'ana ooitodou ate, niborbor, ning'iriri, meatae lemeng'iri o likae taatua nchaman,

1 Lkorinto 1:8

Keitogol sii ninye ntae entachoto katukul to nkurukoto metabaki nkiting'oto, payie iakuku ltung'ana lemeata nakurrieki ta Mparri e Laitoriani lang Yeso Kristo.

Matayo 24:31

Neirruaaya lmalaikani lenyena ekututa mowuarak to ltoilo kitok. Neiturrurru ꞉ninche lgelunot too lubot ong'uan e nkop, te neng'asunyie loing'ang'e o neiting'ie.

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Yoana 10:16

Kaata sii nkulie kerra namara nana boo, naa kariku ninche, nening ltoilo lai, neaku mboo nabo naata lchekut obo.

1 Ltesalonike 3:12

Naa meitubulu ꞉Laitoriani neitodoodooyo nchaman inchi, te likae o likae o too lkulie tung'ana pooki ana nikinkuna iyioo ntae,

Lgalatia 5:13

Lalachera lainien, keipotokaki ntae lakunoto, kake emincho ake lakunoto inchi eaku nkoitiei niasiesie nayieu mpukunoto inchi torno. Esiaayiata ntae maate to nkoitiei e nchaman.

Rroman 8:33

Ng'ae ilo oidim aitara kusaka lgelunot le Nkai? Meitoki! Nkai naitaa loosipat.

Matayo 24:24

Amu kepuonu kenya looitaakino Kristo o looitaakino loibonok le Nkai, neitodolu nkitodolunot kutuaa o mbaa e nking'asia, payie teneidimai, neitopong'oo abaki lgelunot.

Matayo 24:22

Naa tenemeitodorropi nenia perot, anata meata hoo ltung'ani ojeu. Kake kore tankaraki lgelunot, naa keitodorropi nenia perot.

1 Yoana 4:16

Naaku ikiteyieloutua inia chaman naata Nkai te iyioo nikitipika siligi lang atua inia chaman. Kore Nkai naa nchaman. Naa kore pooki owuon taatua nchaman, newuon Nkai taatua ninye.

2 Petero 3:14

Naaku naa lacham lainien, kore ianyutata nenia, entonyok payie etumi ntae iatata sotua o Nkai, miatata ntoki nakurrieki ntae nimiatata ntioto.

Lkolosae 2:2

Kanyokita payie etumi aaitogolo ninche ltauja neibung'a tenebo te nchaman, netum ltung'ana sipata nadede naing'uaa ning'unoto nadede, neichori ning'unoto ee mbae e Nkai naisudoro, naa Kristo taa inia.

Lgalatia 5:22

Kake kore lng'anayioi la Ltau Sinyati naa nchaman o ng'ida o seriani o ng'iriata o nanai e nkocheke o supaticho o ltau oisiligai

Lgalatia 5:6

Amu kore tanaa ira le Kristo Yeso, meata tipat kitumurataki anaa eitu. Kore ntoki naata tipat naa inia kurukoto nikindimie tachama lkulie.

Asat 15:18

/oibalunyie kuna pooki ta ng'asunoto.>