Epeso 1:22 - Samburu

²² Netipika ꞉Nkai pooki taabori nkitoria enye, neitaaki ninye metaa nkue e nkanisa neitore pooki natii.

Epeso 1:22 Referans Kwoze

Lkolosae 1:18

Ninye nkue e sesen, aa taa nkanisa, naa ninye ng'asunoto, Nkerai e Nkai natipiwua aing'uaa lmeneng'a tekue nemeye aikata, peaku ninye oituruk to ntoki pooki,

Lkolosae 2:10

nirara ntae lootumo nkichon nabore taatua ninye. Ninye lkitok oitore nkitiorian o ngolon pooki.

Lburania 2:8

nitipika ntoki pooki taabori nkitoria enye.>> Kore payie eji etipika ntoki pooki taabori ninye, naaku meatae ntoki natung'ayie eitu epik taabori nkitoria enye. Naa kore eyia, ewuon mikidolita etii ntokitin pooki taabori ltung'ani.

Lkolosae 2:19

Nemeibung'are ꞉ninye Kristo, laa ninye nkue naa te ninye ebulu sesen pooki ana naitubulu Nkai. Keitubulu ilo sesen eramat neruburub too mpit o too marloochi.

Epeso 5:23

amu lpayian nkue e ntomononi ana pee era Kristo nkue e nkanisa, ilo sesen lenye laa ninye koon Laitejeunoni.

1 Lkorinto 11:3

Kake kayieu payie iyielouu aajo Kristo nkue e lpayian pooki, naa lpayian nkue e ntomononi enye, naa Nkai nkue e Kristo.

Asat 20:28

Naa entodol naa ate o mboo pooki ee nkerra naatipika ꞉Ltau Sinyati nkaik inchi payie irritata, aaku lchekuti le nkanisa e Nkai nainyieng'ua to lodo le Nkerai enye.

Epeso 3:21

metaa nenye nkisisa tee iyioo otii nkanisa nikitii atua Kristo Yeso, too ntowuoitin pooki ntarasi o ntarasi! Aamin.

1 Timoti 3:15

Kake kore tanaimalmala, niyielou te inia kitaarriyiana neiko ltung'ana tenewueni ta nkaji e Nkai. Ninye naa nkanisa e Nkai naichu, lng'ope o nkitamanyunoto e ndedei.

Matayo 16:18

Naa kaajoki nchere ira iyie Petero, naa te nkeper e ana dadapoi achet nkanisa ai, nememir ninye ꞉ngolon e nemeneng'a.

Lkolosae 1:8

netilika ninye iyioo nchaman inchi naichoo ntae Ltau Sinyati.