Epeso 1:11 - Samburu

¹¹ Kore taatua Kristo ikitum iyioo inia natejo apa ꞉Nkai ikitum te risiorote e kipirte enye, inia nategelakaki iyioo apake ewuon mikitii. Ninye oaas mbaa pooki ana nayieu o ana nadung ninye,

Epeso 1:11 Referans Kwoze

Rroman 8:28

Ikiyielo nchere kore pooki naasai, naa kesupataki lolo oaacham Nkai, lolo ooipotoki ana nayieu ꞉Nkai.

1 Petero 1:4

nitumtum sii ntae metaa ninchi mayian nemeiting, nemorroyo, nemeichunye, naitaanyutae ntae te chumata.

Epeso 1:14

Ltau Sinyati oitededeyie nchere iking'amaa inia naisiligie ꞉Nkai ltung'ana lenyena tenelakuni kenya. Nikirrep ninye tankaraki nkitoo enye.

Epeso 3:11

Keata apake Nkai inia bae ewuon eitu eitai nkop, neitabayie taatua Kristo Yeso Laitoriani lang,

Epeso 1:5

Kore te nchaman enye, negelu apake iyioo, neitaa nkera enyena aimu Yeso Kristo. Keiririkino apa inia yieuna enye supat,

Lgalatia 3:18

Kore tanaa nkitanapat eing'uaa njung'ore e njeunoto, neaku meing'uaa lekutuk. Kake te munyani eichoo ꞉Nkai Abraam lekutuk e inia mayian pecheu.

Lburania 6:17

Nejia naa ake etiu, kore tankaraki keyieu apa Nkai neitodol katukul lolo ootum lekutuk lenye nchere meibelekenya yieuna enye, neitisipu inia bae eipot nkarna enye koon.

Tito 3:7

Paa kore eikena iyioo ꞉Nkai ajo ikira loosipat to munyani enye, nikiaku lootum nkichon ee ntarasi, inia nikisiliguta.

Rroman 8:17

Naa tanaa nkera e Nkai kira, ikira sii lootum tenebo o Kristo inia naisiligie iyioo Nkai, naa tanaa iking'ar sina lenye, iking'ar sii nkitoo enye.

Lkolosae 3:24

amu iyielolo aajo ing'amaa ntoki naisiligie ntae Laitoriani. Esiaayia naa Laitoriani Kristo.

Asat 26:18

tobolo nkonyek enche nichuku taatua naimin apik atua wong'an. Impung'unyie taatua nkitoria e Chitani achukoki Nkai, netum mpalikinoto ee ng'ok o mpaach enche taatua lolo ooitisinyaki tankaraki naairuko nanu.>

Asat 20:32

<

Asat 2:23

Kore nataase te ele tung'ani naa inia apake nategelua Nkai te yieunoto enye. Ketipikaki ninye nkaik inchi, ninchocho lolo oreren lamara loo Lyiaudi meteche to lmusalaba near metua.

Asat 20:27

Amu eitu hooyia aisudoo nanu eitu aliki ntae kipirte pooki natipika ꞉Nkai.

Asat 4:28

Ketaasa ninche ana payie ebaya nitegelua apake iyie to golon o yieuna ino.

1 Petero 3:9

Emilaaki ltung'ani ntorrok too ntorrok anaa ldeket te ldeket, kake entalaaki mayian amu inia eipotoka ntae Nkai payie itumtum mayian metaa ninchi.

Rroman 11:34

Ana nejo lkigerot, <

Yakobo 2:5

Eng'ura ja lalachera o nkanachera ainien nacham! Amaa, mara ketegelua ꞉Nkai laisinak tana kop metaa lparakuo to nkurukoto, neaku lootum nkitoria enye naitayia Nkai lekutuk ajo keicho lolo oaacham ninye?

Epeso 1:8

tenebo o ng'eno nagut o yielounoto ee mbaa pooki naaichoo iyioo aiputaki!

Asat 13:48

Kore payie ening lkulie oreren inia, neng'ida ninche, neiliepie rerei la Laitoriani, naa kore lolo pooki ootegelakaki nkichon ee ntarasi, neiruk.

Rroman 8:29

Amu kore lolo ooteyielo ꞉ninye apake tekue, netegelua inia kata metinyunyukore Nkerai enye, payie etum inia Kerai enye ataa lkikau taa lalachera lenyena kumo.

Rroman 8:30

Naa kore lootegelua apake tekue, ninche sii eipoto, naa kore looipoto /neitaa sii ltung'ana loosipat, naa kore /looitaa loosipat neitoki sii aicho nkitoo.

Rroman 9:11

Nejoki ꞉Nkai Rebeka ewuon eitu eini nkera enyena o ewuon sii eitu eas ninche supati tanaa ntorrok nchere, <> Paa kore inia gelunoto e Nkai naaku mara inia nataasa nenia kera eirichakino kake nayieu ninye.

Epeso 1:9

Eibalakinyie iyioo yieuna enye naisudoro ana natudung'o ninye apa te Kristo.

Epeso 1:18

Naamon sii metobolo Nkai ltauja linchi, payie itumtum aateyiolo nowua siligi oipotoka ninye ntae, o nowua supaticho e inia natipika Nkai metaa ninchi tenebo o sinyat lenyena,

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.