Asat 9:32 - Samburu

³² Kore emanaa Petero aim ng'oji pooki aisabaki sinyat le Nkai, nebaki sii lolo oaamanya lkerenket oji Lida.

Asat 9:32 Referans Kwoze

Asat 9:13

Nejo Anania, <

Asat 8:25

Kore payie elimu sipata enche aaipidaki, netilikoitie rerei la Laitoriani, nerrinyo Petero o Yoana Yerusalem. Kore epuoito nelikoo Lomon Supati taa nkang'ite kumo e Samaria.

Lpilipi 1:1

Kore ana palai naa keing'uaa Paulo tenebo o lalache lang Timoti oaara laisiaayiak le Yeso, ilo Aitejeunoni oanyutae apa. Ikiroroki sinyat pooki le Kristo Yeso ootii Pilipi, tenebo o larikok o laisiaayiak le nkanisa enche.

Epeso 1:1

Nanu Paulo, oataa Lkipaaret le Yeso Kristo ana nayieu Nkai paaku, oiroroki sinyat otii Epeso, ooisiligai taatua ilo Aitejeunoni oaanyutae apa oji Yeso.

Rroman 1:7

Kairoroki ntae pooki ootii Rrom, oacham ꞉Nkai neipoto metaa sinyat lenyena. Metaa munyani o sotua naing'uaa Nkai papa lang o Laitoriani lang Yeso Kristo tenebo o ntae.

Asat 26:10

Naa nejia apa ataasa te Yerusalem. Kore te nkitoria naaichoo laitainok kutuaa la lasar, katipika lairukok kumo atua jila, naa kore payie eri metuata, naang'amaa sii nanu inia.

Asat 9:41

Neirruaki ꞉Petero ninye nkaina neret meinyuo aitache. Neipotu sinyat le Nkai etii nenia oilia, neitodol ninche Tabita eichu.

Asat 8:14

Kore payie ening Lkipaareta otii Yerusalem nchere ketang'amaitie ltung'ana le Samaria rerei le Nkai, nerewaki ninche Petero o Yoana.

Asat 1:8

Kake itumtum ngolon kenya tenelotu Ltau Sinyati atua ntae, nilimumu sipata ai te Yerusalem o to nkop pooki e Yudea o Samaria o neiting'ie nkop.>>

Matayo 27:52

Nebolo sii nkurare, neitipiuni seseni kumo loo lolo sinyat apa ooteperio.

Asat 9:33

Netum teinie ltung'ani obo oji nkarna Enea, otigilgile netepero eitu einyuototo larin isiet.