Asat 8:7 - Samburu

⁷ Kore taatua ltung'ana kumo oaata lairiruani, neipung'u ꞉lairiruani ebuakita too ltoilochi kutuaa, neichiunyieki sii lkumo ootigiligilete o lng'ojinia.

Asat 8:7 Referans Kwoze

Matayo 10:1

Neipot ꞉Yeso looiteng'eni lenyena pukura tomon o oare meotu netii, neicho nkitoria meitoria lairiruani, payie earaa ninche, neichiunyie pooki keeya o moyian.

Asat 5:16

Neiturrurrunyie ltung'ana kumo eing'uaa lkerenketi onyikita Yerusalem enapita ltamoyia o loorita ꞉lairiruani, neyau neichiunyieki ninche pooki.

Lburania 2:4

Neitisipua sii Nkai ajo kedede inia limunoto enche tee asat naaitodolu nkitoo enye o mbaa e nking'asia o asat napaapaacha e ngolon enye o tee nkichoorot e Ltau Sinyati naaichorua ana nayieu ninye.

Yoana 14:12

Kajoki ntae sipata nadede, kore ilo laairuk nanu naa keas sii ninye nenia asat naas nanu, neas abaki mbaa kutuaa naalang kuna, amu kaloito netii Papa.

Luka 10:17

Kore lolo ooiteng'eni 72, nechukunyie te ng'ida nejo, <>

Marko 9:26

Nebuak ilo airiruai, neipuch ilo ayieni aikirikirie, neipung'u aing'uaa. Netuwuanai ilo ayieni ana lmeneng'ai, metejo lkumo, <>

Matayo 11:5

Etodolichete lmodook, epuo lootigiligilete tee nkejek, eichiunyieki loata moyian ee lbolot, etining'ichete lming'anak, naa keitipiutae lootuata, nelikini laisinak Lomon Supati.

Matayo 4:24

Nebulaa lomon lenyena ana metabaki nkop e Siria pooki. Neyaki ninye ꞉ltung'ana ltamoyia pooki, oaata moyianitin naapaacha, lolo oaata mion kitok o loaata lairiruani o loaata moyian e nkiterria o lolo ootigilgilete, neichiunyie pooki.

Asat 8:6

Kore payie ening lolo turrurri lomon le Pilipo nedolita mbaa naasita ninye naaitodolu nkitoo e Nkai, neur nkiyiaa tanaboicho aaning nejoito ninye.