Asat 5:32 - Samburu

³² Kore iyioo o Ltau Sinyati oichoo ꞉Nkai lolo ooibung rerei lenye, naa ikilimu sipata ee kuna baa.>>

Asat 5:32 Referans Kwoze

Asat 1:8

Kake itumtum ngolon kenya tenelotu Ltau Sinyati atua ntae, nilimumu sipata ai te Yerusalem o to nkop pooki e Yudea o Samaria o neiting'ie nkop.>>

1 Petero 1:12

Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

Asat 13:31

neipung'oki apa ꞉ninye mperot kumo lolo oiteng'eni lenyena ooirukurukore eing'uaa mbata e Galilaya ana metabaki Yerusalem. Kore taata ninche naa keliki ltung'ana lang sipata enye.

Asat 5:29

Kake nejoki ꞉Petero o lkulikae kipaareta ninche, <

Asat 15:28

Kore inia nikitachamaitie iyioo nechamaa sii Ltau Sinyati nchere, mikintoki aiteleki ntae ai kirochi kitok. Kuna ake naachiaakino:

Asat 2:4

Neiput ninche pooki ꞉Ltau Sinyati, neng'asu aairo to nkulie nkutukie, ana naidimie ꞉Ltau Sinyati ninche.

Yoana 7:39

Kore ana bae natejo Yeso, naa keipirita Ltau Sinyati otum kenya pooki ng'ae oiruko ninye, amu kore apa inia kata naa ewuon eitu eichoruni ilo Tau Sinyati, tankaraki ewuon eng'or nkata payie eiliepieki.

2 Lkorinto 13:1

Kore taata naa nkata e uni ana nalotuta aisabaki ntae. Kejo Lkigerot Sinyat, <>

Asat 10:44

Kore ake ewuon eirorita Petero, nedoki Ltau Sinyati lolo ooning'ito ilo rerei.

Asat 2:32

Kore ele Yeso naa keitipiwua Nkai ninye, naa ikilimu iyioo pooki sipata e inia.

Rroman 8:16

Ilo Tau olimu sipata tenebo o ltauja lang ajo ikira iyioo nkera e Nkai.