Asat 5:11 - Samburu

¹¹ Nejing ngureticho kitok atua ltung'ana pooki le nkanisa o lolo pooki ootining'o kuna baa.

Asat 5:11 Referans Kwoze

Asat 5:5

Kore payie ening ꞉Anania kulo rereii, nenang nkop etundung'ie tau. Nejing ngureticho atua lolo pooki ooning'ito.

Lburania 4:1

Naa kore ake ewuon etii lekutuk oitaka iyioo ꞉Nkai payie kitum nkiyeng'iyeng'ata enye, matodol ate payie meatae ake taa ntae lolau.

Asat 19:17

Kore payie ening ꞉lolo pooki oaamanya Epeso inia, peera Lyiaudi o Lgirriki, neiput ꞉ngureticho, neisis nkarna e Laitoriani Yeso.

Lpilipi 2:12

Naaku taa sotuatin lainien, kore ana nining'ichocho chiaake, entonyok entabai njeunoto inchi ta nkanyit o to uriata e Nkai namara ake nkata nati nanu tenebo o ntae, kake abaki nkata namatii.

Lburania 12:15

Entodol payie meti ake ltung'ani lemeikenakini munyani e Nkai, niminchocho ebulu ntanai torno e mion e ngoro naitanyamalicho, nerroyo ltung'ana kumo ta sayiet enye.

Lburania 12:28

Naaku kore amu iking'amaa inia kitoria nemeigusugus, maichoo naa Nkai nache. Naa kore kiata nache, maisiaayia ninye to nkoitiei naiting'id ninye, kincho nkanyit nikiurie.

Mbolunoto 15:4

Ng'ae sa limikiurie iyie Laitoriani, neyanyit nkarna ino? Amu iyie ake apeny oara sinyati. Kepuonu ltung'ana loo lochon pooki, nikisai iyie, amu eibalakinyieki pooki ng'ae asat inono e sipata.>>

1 Petero 1:17

Naa kore tinimpotpot aajo Papa linchi, ilo oiguan pooki ng'ae meata ngela, te risioroto ee asat enche, entewueni to nkoitiei naicho ninye nkanyit irara lapuayak tana kop.

Lburania 11:7

To nkurukoto etecheta Noa meli aitejeu nkang enye. Keyanyita Nkai natilika ntoki nalotuta neitu aikata edoli. Kore te inia asata enye e nkurukoto neitodol nkop pooki ajo kedung'okini nkiguana, kake neaku ninye lobo lo loosipat oaata nkurukoto.

Asat 2:43

Neiput ngureticho pooki ng'ae, neasai mbaa e nking'asia, neitodolu Nkai nkitoo enye too Lkipaareta.

Asat 9:31

Kore apa inia kata, keata nkanisa seriani ta mbata e Yudea o ne Galilaya o ne Samaria pooki. Nelo kue ebulu to uriata e Laitoriani eitogol neitarriyian ꞉Ltau Sinyati, neaku ltung'ana kumo.