Asat 27:4 - Samburu

⁴ Kore payie kinyuototo teinie, nikijing atua mpaso, kake kore tankaraki nanang'are iyioo siwuo kitok, nikipuo aim mbata ilo kuran oji Saipiras nemekut siwuo kitok.

Asat 27:4 Referans Kwoze

Asat 4:36

Netii apa ltung'ani la lmarei laa Lawi oing'uaa lkuran oji Saipiras, oji nkarna Yosep. Kejo apa ꞉lkipaareta ninye Barnabas, laa keji laitogoloni.

Asat 27:7

Nikipuo akini mperot kumo ana maing'urare lkerenket le Kinido. Kore tankaraki natimitika iyioo siwuo kipuo, nikidoyio te inia meli aaim mbata e Kirete nemekut siwuo kitok kindachaa Salmone.

Asat 21:16

Nepuonu lbata loo lolo ooiteng'eni te Kaisaria tenebo iyioo, nerik iyioo matewueni ta nkaji e Nason. Kore apa ninye naa ltung'ani oing'uaa Saipiras, nera lobo loo looiteng'eni ooiruko tekue.

Asat 21:3

Kore payie kidol lkuran oji Saipiras, nikirepaa kinchorita kidienye, nikidoyio aalang'aki Tiro e nkop e Siria, nikintachoo meitodouni lkurupa te meli.

Asat 15:39

Nejing'u Paulo o Barnabas nchankar nairewua, neroyie aaoro. Nerik ꞉Barnabas Marko nepuo lkuran oji Saipiras te meli,

Asat 13:4

Kore naa payie eirruaaya ꞉Ltau Sinyati Barnabas o Saulo, nedoyio aapuo lkerenket le Seleusia, neitoki aapuo te meli lkuran oji Saipiras.

Marko 6:48

nedol ꞉ninye looiteng'eni lenyena enyok aaikeeja aareu inia meli taa nkaik enche, tankaraki keochito ninche ꞉lkutati onang'are. Kore etinyikua nkakenya, nelo netii ninche epororita nkare, naa keyieu pee erepaa ninche,

Matayo 14:24

Nchoo naduo meli, eidipa ninye achomo ng'oji neodo taatua nkare, alam nchepata e mpaso, neirran ꞉laing'ok le nkare tankaraki lkutati onang'are.

Luka 8:22

Kore apa mparri nabo nejing ꞉Yeso meli o looiteng'eni lenyena, nejoki ninche, <> Neinyuototo aapuo.