Asat 25:19 - Samburu

¹⁹ Kore ake natining'o, naa nchankar ee mbaa naaipirita nkurukoto enche naata duo o Paulo, o lomon ooipirita ltung'ani otua apa oji Yeso ojo Paulo keichu.

Asat 25:19 Referans Kwoze

Asat 23:29

Nayielou ajo kore larrabal oaatayieki ninye naa nchankar tankaraki nkitanapat enche. Kake eitu adol ntoki teinia nadung'okinyieki ninye lkiye tanaa payie eeni te jila.

Asat 18:15

Kake tanaa rerei o nkarn o nkitanapat inchi kinchankarare, naa eng'urai ntae maate, amu mayieu naaku ladung'oni le nenia baa inchi.>>

Mbolunoto 1:18

ilo oichu. Katua apa naa ng'ura kaichu ntarasi o ntarasi! Naa kaata lboleta lo lkiye o nemeneng'a.

Asat 25:7

Kore lolo Lyiaudi ootuo eing'uaa Yerusalem tenebo o Peseto naa ketii sii apa ninche inie. Kore payie ejing'u Paulo neitachoo taa mbat pooki, epik ninye mbaa kumo nairochi nemeidim aaitodolu sipata enche.

Asat 18:19

Kore payie ebaya ninche Epeso neing'uaa Prisila o Akuila, nelo ninye ajing sinagogi neirorie Lyiaudi.

Asat 17:31

Amu ketegelua Nkai mparri nabo nadung'okinyie nkop kiguana tee sipat, naa keas ana to ltung'ani otegelua ꞉ninye. Kore sipata naaitodol ltung'ana pooki ajo ketegelua ninye, naa keitipiwua ninye taatua lootuata.>>

Asat 2:32

Kore ele Yeso naa keitipiwua Nkai ninye, naa ikilimu iyioo pooki sipata e inia.

Asat 1:22

ang'asu ta nkata apa naipatisicho ꞉Yoana, ana metabaki mparri apa nawaki Yeso aaitung'aa iyioo. Kore ilo tung'ani, naa keaku lobo olimu tenebo o iyioo sipata e mpiunoto e lkiye lenye.>>

Asat 25:18

Kajo apake kore kulo tung'ana naa kepik ele tung'ani mbaa torrok, kake kore payie einyuototo aalimu mbaa naaipotokita, meatae hooyia mbae nabo torno natining'o tee nenia naatejo.

Asat 26:3

Kamunyak naa oleng tankaraki iyielo iyie lkerretin pooki loo Lyiaudi o nchankar enche, naaku naa kaomon oleng payie kining niminauru.