Biblia Todo Logo
Bib sou entènèt

- Piblisite -




Asat 2:42 - Samburu

42 Neibung ninche aitirrichaki nkiteng'ena ee Lkipaareta o nchula ee ltung'ana ooiruko Yeso o ngilata e mukate e ndaa e Laitoriani o nkomono.

Gade chapit la Kopi




Asat 2:42
35 Referans Kwoze  

Nimikipal mikitumo tenebo ana neasita lkulie, kake entogoloto, naleng idolitata aajo ketinyikua Mparri e Laitoriani.


Naa ketumo ninche pooki nkata pooki aaomon tanaboicho tenebo o nkulie tomonok, netii sii Maria ng'otonye Yeso tenebo o ninche o lalachera le Yeso.


Ninye kitoduaa, nikitining'o, naa ninye kiliki ntae payie itumtum nchula o iyioo. Naa kore nchula ang naa nchula e Nkai Papa lang o ne Nkerai enye Yeso Kristo.


Kake kore tinikitii atua wong'an ana payie etii ninye atua wong'an, naa ikiata nchula maate. Naa kore lodo le Nkerai enye Yeso, neitukoo ng'ok ang pooki.


Kore mperot pooki, nepuonu ninche aatumo tee lning'o taatua nkaji e Nkai. Negil mukate e ndaa e Laitoriani taa nkang'itie enche te ng'ida o taa ltauja supati,


Kore ta mparri e Jumapili, nikitumo tenebo aagil mukate e ndaa e Laitoriani. Neirorie ꞉Paulo ltung'ana, naa kore amu keyieu apa nelo teneikenyu, neitoodor nkiroroto ana metaa kiji kuarie.


Entoomon nkata pooki to nkomono inchi pooki, eutaa ntae Ltau Sinyati. Nirripichocho ing'iriri katukul payie itumtum aatoomonoki sinyat nkatitin pooki,


Kake kore ntae lacham lainien, entechetu ate te inia kurukoto inchi sinyati naisul pooki, iomonmon to utaroto e Ltau Sinyati.


Entewueni taatua nkomono, naa kore iomonitoto, entirripicho, niatata nache.


Keasai inia tanaa intachoo ake taatua nkurukoto ang aaitirrichaki, nimingusgus, nimiwuangwuang aaing'uaa siligi oicho ntae lolo Omon Supati litining'o. Kore lolo Omon Supati naa ketilikoyieki apa aaliki ltung'ana pooki otii nkop, naa kore nanu Paulo nataa laisiaayiani loo lolo Omon Supati.


Kake kore iyie, towuana naa taatua nenia nikinteng'enaki nitisipua, amu iyielo ajo oong'ae itumie inia kiteng'ena,


Irara ntae nkaji naa Lkipaareta o loibonok le Nkai nkitamanyunoto enye, nera Kristo Yeso koon soit le tipat oirichiu nkaji,


Neitogol ninche ltauja loo lolo ooiteng'eni aarreten payie ewueni taatua inia nkurukoto ejoki, <>


Kore iyioo naa ikintirrichaki nkomono o siaai le rerei le Nkai.>>


Kore payie eidip aatoomon neikirikiro inie netumore ninche, neiput ninche ꞉Ltau Sinyati nelikoo rerei le Nkai meata ngureticho.


Miindim atamatichere lkikompe la Laitoriani o laa lairiruani. Nimindim sii aitoki atang'ara ndaa e Laitoriani nintoki aitoki naa lairiruani.


Ning'idada taatua siligi linchi, ning'iriri taatua sina, niomonmon nkata pooki.


Kake mikira iyioo lolo ooiwuatuwuata aarrinyo siedi, kake ikiata nkurukoto naa ikitum nkichui ee ntarasi neiteng'elakaki iyioo.


Kore payie ebaki ninye inie, nedol inia nataasa Nkai to munyani enye, neng'ida neitogol ninche pooki payie emut nabo taa ltauja lenche aawueni taatua Laitoriani.


Kaichoo ntae rrepet tankaraki nikiparrurru chiaake, nimbung'utata inia kiteng'ena ana naitarasaka apa ntae.


Neitoki Paulo achuko ailiep, negil mukate e ndaa e Laitoriani, nenya pooki tenebo. Neitoki alo kue airorie ninche oleng ana meikenyu, neinyuototo alo.


Keipung'o ninche taatua iyioo, kake mara apake lkulalang. Amu tanaa kera lkulalang, anata etii tenebo o iyioo. Kake keipung'o aaing'uaa iyioo payie etumi aateyielo aajo mara pooki ng'ae oara lalang.


Kaing'asia nanu tankaraki isiokiki aaing'uaa ilo oipoto ntae entewueni taatua munyani e Kristo, nimbelekenyakinono lkulie omon lamara Lomon Supati.


Kore payie elakuni Petero o Yoana, nechuko aapuo netii lboitieii lenche, neliki ntoki pooki natiakita ꞉laitainok kutuaa la lasar o lpayiani.


Kore laaduo ooiteng'eni oare, neliki ninche lomon ootupukutua to nkoitiei o neikuna payie eyielou ninye inia kata payie egil mukate.


Kore etowuana ninye te misa aanya ndaa tenebo o ninche, nerrapu mukate, nemayian, negil, neicho ninche.


Amaa taa lalachera o nkanachera ainien, nyo eret ntae tanalotu nitii nairo to nkutuk naaidimie ꞉Ltau Sinyati namaliki ntae najoito? Meret hoo ntae. Kake kore naret ntae naa tanayaki ntae mbolunoto naing'uaa Nkai tanaa yielounoto ee mbaa e Nkai tanaa naibon tanaa sii nkiteng'ena.


tankaraki ninkuna tinikiretiret te siaai ee Lomon Supati ang'asu apake mparri ekue o taata.


Swiv nou:

Piblisite


Piblisite