Asat 2:40 - Samburu

⁴⁰ Neitaarriyian ꞉Petero ninche aitarrap too lkulie rerei kumo ajoki, <>

Asat 2:40 Referans Kwoze

Lpilipi 2:15

payie iakuku lemeata nakurrieki nemeata ntioto. Niakuku aitoki nkera naacho e Nkai taatua ltung'ana torrok ootopong'ori, iong'ung'u ana lakir tana kop,

1 Timoti 4:16

Toduaa koon o nkiteng'ena ino, niwuon taatua nenia baa, amu kore tinias nejia, naa intejeu koon o lolo likining iyie.

Epeso 4:17

Naaku kajoki ntae ana, naitarrap ntae ta nkarna e Laitoriani, nchere payie mintokiki katukul aawueni ana neiko loreren lemeyielo Nkai ooirukurukore mparrunot enche e pecheu.

2 Lkorinto 6:17

Naaku kejo Laitoriani, <

Matayo 17:17

Newoliki ꞉Yeso ajoki, <>

Matayo 16:4

Ltung'ana le mpukunoto torno o le mpukunoto nemeata nkurukoto! Iyiaya nkitodolunoto e nking'asia, kake meatae naichori ntae, mara ake nkitodolunoto e Yona.>> Nelamari Yeso aing'uaa ninche.

Lgalatia 5:3

Kaliki aitoki pooki ng'ae oicho koon metumurati, nchere meata ajo meibung nkitanapat pooki e Musa.

Asat 28:23

Negelu mparri natumore Paulo, naa kore inia parri, nepuonu inia aji natii ninye era kumo alang idia mparri naatuo apa. Kore ang'asu tasiran ana memuto, neliki lomon le nkitoria e Nkai, eliki sipata ee mbaa e nkitoria e Nkai. Kore easichere mbukuii ee nkitanapat e Musa o mbukuii ee loibonok le Nkai, nenyok aliki metining'u neiruk ninche aajo kore lomon ooipirita Yeso naa kedede.

Matayo 23:33

<

1 Petero 5:12

Kaigeroka ntae ana palai dorrop aretito Silas, lalache laiken ajo kera lalache oisiligai. Kaigero aitaarriyian ntae nalimu sipata ajo munyani nadede e Nkai ana. Entacho naa teinia munyani!

1 Ltesalonike 2:11

Kore aitoki ana niyielolo, meatae lobo linchi leitu kimbung ana neiko menye teneibung nkera enyena.

2 Lkorinto 5:20

Naaku ikira iyioo looirriwayieki le Kristo, naa Nkai nasaicho taatua iyioo. Kore kilej ntae entemelet o Nkai, naaku Kristo olejita ntae.

Asat 20:24

Kake maiken nanu nkichon ai aitaa toki mara ake payie atum aidipa ana lototo ai o ele siaai laatipika ꞉Laitoriani Yeso nkaik ainien matilikoi Lomon Supati oipirita munyani e Nkai.

Luka 21:36

Entirripicho nkata pooki, iomonmon, payie indimdim aatapachere nana pooki naapuku, nidimdim aaitacho tekue Nkerai e ltung'ani.>>

Marko 8:38

Amu kore ilo odol anyit tankaraki nanu o rereii lainien, too kulo tung'ana le mpukunoto torno o ne loloito, naa kedol abaki ꞉Nkerai e Ltung'ani anyit te ninye, tenelotu to wong'an e nkitoo enye o ne Papa tenebo o lmalaikani sinyat.>>

Asat 20:21

aliki Lyiaudi o Lgirriki nchere meata ajo meibelekenyakino Nkai, neiruk Laitoriani lang Yeso.

Yoana 21:25

Keatae nkulie baa kumo naataasa Yeso, naa tanaa meatae hoo nabo nemeigeri, anata meatae mpaach naichaa nenia bukuii to nkop pooki.

Asat 20:11

Neitoki Paulo achuko ailiep, negil mukate e ndaa e Laitoriani, nenya pooki tenebo. Neitoki alo kue airorie ninche oleng ana meikenyu, neinyuototo alo.

Asat 20:9

Newuon lbarnoti obo oji Yutiko to long'u le inia aji. Kore eitoodorita ꞉Paulo nkiroroto enye, neyiasai ilo barnoti neilura pii nesulari to nkurupa e uni e inia aji nikitii, nenang nkop. Kore payie errapuni, naaku ketua.

Asat 20:2

Kore eimaa nenia lubot nerreten aitoki lolo ooiruko Kristo oleng, nebaya nkop e Akayia,

Asat 15:32

Kore Yudas o Silas oaara loibonok le Nkai, neirorie lolo ooiruko Kristo aaitogol oleng.

Asat 10:42

Neitanapa iyioo payie kiliki ltung'ana lang nikintemioki nchere ninye taa etegelua Nkai metaa laiguanani loo loichu o lootuata.

Matayo 12:34

Ntae ichioi ee lasuria, aji inkoko tiniroro lomon supati, nirara maate torrok? Amu kore nenia naabore ltau lo ltung'ani, naa ninche eiro nkutuk enye.

Luka 16:28

metiliki ninche meibelekenyata, payie mepuonu aadoki ene ng'oji e mion.>

Asat 4:36

Netii apa ltung'ani la lmarei laa Lawi oing'uaa lkuran oji Saipiras, oji nkarna Yosep. Kejo apa ꞉lkipaareta ninye Barnabas, laa keji laitogoloni.