Asat 2:24 - Samburu

²⁴ Kake neitipiu ꞉Nkai ninye taatua lootuata, neitai taatua mion e lkiye, amu meidimai apake payie eitore ꞉lkiye ninye.

Asat 2:24 Referans Kwoze

1 Lkorinto 6:14

Keitipiwua ꞉Nkai ninye aaitung'aa lootuata naa keitipiu sii iyioo to ngolon enye.

1 Petero 1:21

Kore tankaraki inia nataasa ninye, naa iruko Nkai naitipiwua ninye taatua lootuata neicho nkitoo, payie eaku kore nkurukoto o siligi linchi, naaku atua Nkai etii.

Lkolosae 2:12

Kore ana muratare naa ketaase apa payie eipatisi ntae, nenukari ntae inia kata o ninye te nkipatisa, neitipiuni aitoki ntae o ninye aimu nkurukoto te inia golon e Nkai naitipiwua ninye too lootuata.

Asat 2:32

Kore ele Yeso naa keitipiwua Nkai ninye, naa ikilimu iyioo pooki sipata e inia.

Epeso 1:20

nataasichiere ninye te Kristo inia kata apa payie eitipiu ninye too lootuata, neicho metowuana ta nkaina enye e tetene te chumata,

Yoana 10:18

Meatae ltung'ani laar nanu matua, mara ake kaichooyie koon maatari matua. Kaata sipata naichoorie nkichui ai, naata sii aitoki sipata nang'amarie. Inia aaitanapa Papa.>>

2 Lkorinto 4:14

Ikiyielo aajo kore Nkai naitipiwua Laitoriani Yeso aitung'aa lootuata, keitipiu sii ninye iyioo kitii atua Yeso neyau iyioo inie netii ninye tenebo o ntae.

Rroman 8:11

Kore tanaa kemanya atua ntae Ltau le ilo oitipiwua Yeso Kristo too lootuata, naaku keicho kenya ninye seseni linchi ooye nkichui to ngolon e Ltau lenye, oamanya atua ntae.

Rroman 6:4

Kore te nkipatisare naa ketunukayieki apa iyioo tenebo o ninye, nikiye paa kore ana naitipiwuaki Kristo to ngolon e nkitoo e Papa, nikitum sii iyioo aatewueni taatua nkichon ng'ejuk.

Lburania 13:20

Kore Nkai napeny seriani, /nailiepunyie Laitoriani lang Yeso Kristo ilo chekut kitok loo nkerra, taatua lootuata tankaraki naibukori lodo lenye oitibirie lning'o obik ntarasi, meeichoo ntae aiputaki ntoki pooki supat niyieuu payie itumtum aataas inia nayieu ninye. Meichoo naa ꞉Nkai Yeso Kristo metaasicho taatua iyioo payie kitum aataas inia naiting'id Nkai. Metaa nenye nkisisa ntarasi o ntarasi.

1 Ltesalonike 1:10

niwuenini aanyu Nkerai enye naing'uaa chumata, ilo oitipiwua ꞉ninye too lootuata, Yeso olaku iyioo te inia goro nalotu e Nkai.

Rroman 10:9

Naaku tinimbalie iyie to nkutuk ino nchere kera Yeso Laitoriani, niruk ta ltau lino ajo keitipiwua ꞉Nkai ninye too lootuata, naa ikintejeuni iyie,

Rroman 4:24

kake tankaraki sii iyioo ooiruko Nkai naitipiwua Laitoriani lang Yeso taatua lootuata, neikenaki aajo loosipat.

Asat 17:31

Amu ketegelua Nkai mparri nabo nadung'okinyie nkop kiguana tee sipat, naa keas ana to ltung'ani otegelua ꞉ninye. Kore sipata naaitodol ltung'ana pooki ajo ketegelua ninye, naa keitipiwua ninye taatua lootuata.>>

Asat 13:30

Kake neitipiu ꞉Nkai ninye taatua lootuata,

Asat 3:15

Kake kore ilo oing'uaa ꞉nkichui niarar, neitipiu ꞉Nkai ninye taatua lootuata, nikiata iyioo sipata e inia.

Lgalatia 1:1

Nanu Paulo Lkipaaret le Yeso oigero ana palai, namara ltung'ana laaitaa anaa ltung'ani aimua, kake kaimua Yeso Kristo o Nkai Papa, ilo oitipiwua ninye too lootuata.

Asat 3:26

Ntae apa lekue ooterewaka ꞉Nkai ilo aisiaayiani lenye oipung'okinyie ntae payie emayian ntae. Naa kemayian ntae aiwuatuwuat pooki ng'ae metung'ai ntorrok enyena.>>

1 Lkorinto 15:15

Kore aitoki, naa keitodolu ajo ikitilikoitie lomon lemedede, aajo keitipiwua ꞉Nkai Kristo aitung'aa lootuata eitu eitipiu, tanaa kedede ajo meatae mpiunoto ee lootuata.

Asat 13:37

Kake kore ilo oitipiwua Nkai taatua lootuata naa eitu eisamisu.

Asat 4:10

enteyielo ntae pooki o ltung'ana le Isirael pooki nchere, ketaase ana ta nkarna e Yeso Kristo le Nasaret litecho ntae neitipiu ꞉Nkai taatua lootuata. Naa ninye oidimie ele tung'ani meitacho tene eichiwua.

Yoana 20:9

Kore apake metabaki inia kata, ewuon ake eitu ening'u Lkigerot oojo meata nchere payie mepiu aing'uaa lootuata.

Mbolunoto 1:18

ilo oichu. Katua apa naa ng'ura kaichu ntarasi o ntarasi! Naa kaata lboleta lo lkiye o nemeneng'a.

1 Lkorinto 15:12

Amaa tanaa ikilikoo iyioo aajo ketipiwua Kristo aing'uaa lootuata, kaji eiko payie ejo lbata linchi nchere meatae mpiunoto ee lootuata?

Rroman 14:9

Amu ketua Kristo netipiwua, payie eaku ꞉Laitoriani loo lootuata o looichu.

Rroman 8:34

Ng'ae odung'oki iyioo nkiguana torno? Meatae! Ketanang'a iyioo Kristo Yeso, naa mara ake inia, kake ninye sii eitipiwuaki too lootuata. Ninye owuenita ta nkaina e tetene e Nkai, naa ninye sii ilo oomonokita iyioo.

Yoana 12:39

Naaku tankaraki ana payie meidim aairuko, amu ketejo Isaya aitoki ta nkae ng'oji,

Lburania 2:14

Naaku kore amu nkera ee ltung'ana nenia kera naata seseni oaata nkiri o lodo, nelotu sii Yeso eata sesen otuwuana lenche, paa kore te lkiye lenye neoru chitani ngolon, naata apa nkitoria nayeunyie lkiye.

Matayo 27:63

nejo, <

Yoana 10:35

Amaa lolo ooyewuo ꞉rerei le Nkai netii, tanaa keipoto ꞉Nkai ninche ajo nkaitok, nemeitaa lkigerot meitoki,

Asat 1:16

<

Asat 5:30

Kore Nkai ee akui lang naa keitipiwua Yeso taatua lootuata, ilo apa litecho metua to lmusalaba.

1 Lkorinto 15:4

Netunukayieki, neitipiuni too lootuata ta mparri e uni ana naigero too Lkigerot Sinyat.

1 Lkorinto 15:20

Kake kore sipata naa nchere keitipiwuaki Kristo too lootuata, metaa ltung'ani lekue otipiwua too lolo ooteperio.