Asat 19:9 - Samburu

⁹ Kake kore lkulikae lenche neitogol nkuechi, neaany ilo rerei edek inia oitiei e Laitoriani ening'ito ltung'ana pooki. Nelo Paulo aing'uaa ninche, neya looiteng'eni aorie lolo Yiaudi. Kore mperot pooki neiteng'enicho taatua nkaji naiteng'enichereki e Tirano.

Asat 19:9 Referans Kwoze

Asat 19:23

Kake kore te inia ng'amata, neipung'u long'olng'oli kitok oleng te Epeso taa mbaa naipirita Nkoitiei e Laitoriani.

Asat 9:2

neomon ninye meigeroki mpala naaya Sinagogini pooki e lkerenket le Damasikas, metaa tenetum ꞉ninye ltung'ana ooirukurukore nkoitiei e Yeso, pee era lewa anaa ntomonok, neibung aya Yerusalem.

2 Petero 2:12

Kedekicho kulo tung'ana taa mbaa nemeyielo. Naaku inji ake etuwuana ninche ana ng'uesi naatiwuaki ake payie eibung'i neri metuata, nemeitoki eparraa kake kemuso ake apeny. Kore ana naar ltung'ana ng'uesi metuata, kemut Nkai kulo tung'ana.

Asat 14:4

Neoro ltung'ana le ilo kerenket aajing lbata mbata ee Lyiaudi, nejing lkulikae mbata ee Lkipaareta.

Yuda 1:10

Kore kulo tung'ana, naa kedekita ntokitin nemeyielo, neitoki aaidakie ate tee nenia tokitin naamusoo aajo kera torrok. Naa kore sii abaki nenia naamusoo, naa kemusoo abaki ng'uesi nemeitoki eyielo.

2 Petero 2:2

Keirukurukore lkumo mbaa enche e anyit, naa kore tankaraki ninche nedeki nkoitiei e ndedei.

Lburania 3:13

Kake kore ntae entogoloto likae o likae mperot pooki, ewuon kiata nkata, payie meatae ake lobo linchi oaku ltung'ani ogol kue tankaraki nasapaa ꞉ng'oki.

1 Timoti 6:5

o nchankar nemeichunye naing'uaa ltung'ana oaatarroitie nkuechi nemokure eata ndedei. Kejo ninche kore tiniyanyit Nkai naa nkoitiei naduporeki.

Rroman 11:7

Naaku nyo ejoito kuna pooki? Kore apa naiyieita Isirael naa eitu etum, kake ketumo ꞉inia muro. Kore lkulikae pooki naa keitogoloki ltauja lenche,

Rroman 9:18

Naaku naa, keing'urrie ilo oyieu ꞉ninye neing'urrie, neitogol nkue e ilo oyieu neitogol.

Asat 22:4

Naitama sina lolo oiruko ana Oitiei ng'ejuk e Nkurukoto, lewa o ntomonok, aaibung nairriki jila naar abaki metuata.

Asat 7:51

<

2 Timoti 4:2

tilikoi rerei le Nkai. Tonyuaa tilikoi ta nkata naichiaakino o ta nkata nemeichiaakino, tobuaaki ltung'ana, ntaarriyiana, nintogol. Taasa kuna baa, te ng'iriata kitok ninteng'enicho mbaa pooki.

2 Timoti 3:5

Neitaakino keurie Nkai kake neany eiruk aajo keidim uriata e Nkai aitabai mbaa. Talama ltung'ana ootuwuana lolo!

2 Timoti 1:15

Iyielo taata ajo kore lolo pooki otii inia kop e Asia naa kaatung'aitie nanu, etii Pigelo o Ermogene.

Asat 28:22

Kake ikiyieu nikining nijo iyie too kuna baa, amu ikiyielo aajo keiroritae oleng to ng'oji pooki mbaa naarieki ele turrur lena kurukoto.>>

Asat 24:21

Meitoki aatumie mara ntoki nabo ake natobuaa aajo tekue ninche ajo, >>

Asat 20:31

Naaku naa entirripicho iparrurru aajo kore taa larin okuni eitu apal maitaarriyian pooki ng'ae linchi kuarie o parkiji aichirita.

Asat 19:30

Kore payie ejo Paulo tijing'a tekue lolo tung'ana nemitiki ꞉looiteng'eni.

Asat 17:4

Kore lbata loo Lyiaudi naa ketisiputua aajo kedede inia natejo ninye, nejing ꞉ninche mbata e Paulo o Silas, neitoki sii Lgirriki kumo oourie Nkai o ntomonok kumo kutuaa.

Asat 11:26

kore payie etum, neya ninye Antiok. Netumore ninche nkanisa lari obo, neiteng'en ltung'ana kumo oleng. Naa ta Antiok apa eipotoki tekue looiteng'eni le Yeso aajo Le Kristo.

Yoana 12:40

<>

Matayo 26:55

Kore te inia kata, nejoki ꞉Yeso lturrurri, <

Matayo 16:4

Ltung'ana le mpukunoto torno o le mpukunoto nemeata nkurukoto! Iyiaya nkitodolunoto e nking'asia, kake meatae naichori ntae, mara ake nkitodolunoto e Yona.>> Nelamari Yeso aing'uaa ninche.

Matayo 15:14

Entapal ninche, amu keimodook, nera larikok loo lmodook. Kore tenerik ltung'ani modooni likae modooni, naa keumakino pukura oare udoto.>>

1 Lkorinto 16:9

Amu keatae mpaach tene naasieki siaai sapuk la Laitoriani, netii sii ltung'ana kumo laaibooyo nanu.