Asat 19:29 - Samburu

²⁹ Neing'olng'ola ilo kerenket pooki, nejo lolo tung'ana dii aakuetiki inie netumoreki, neibung Gayo o Arisitarko ltung'ana le Makedonia ooirukurukore apa Paulo to lototo enye.

Asat 19:29 Referans Kwoze

Asat 20:4

Neirukurukore ninye ꞉Sopater layieni le Parro oing'uaa Berea, neitoki sii aairukurukore lkulie tung'ana oare ooing'ua Tesalonike ooji Arisitarko o Sekundo, o Gayo oing'uaa Derbe o Timoti o lkulikae ltung'ana oare le Asia ooji Tikiko o Toropimo.

Pilemon 1:24

Nikiroroki sii ꞉Marko o Arisitarko o Demas o Luka oaara laisiaayiak tenebo o nanu.

Lkolosae 4:10

Eiroroki sii ntae lboitiei lai Arisitarko oteenaki tenebo o nanu, o Marko apiyio le Barnabas oitaarriyianakaki apa ntae aajoki kore tanaa kelotu nitii, entang'amai!

Asat 27:2

Nikidir meli kitok e lkerenket le Adiramitiam nataa kelo aimaa lkerenketi otii nchepata e mpaso naibung'are Asia. Nikinyuototo aapuo kiata ltung'ani le nkop e Makedonia oing'uaa lkerenket le Tesalonike oji Arisitarko.

1 Lkorinto 4:9

Kadol ajo ketipika iyioo Nkai kira lkipaareta le Yeso mataa ltung'ana le siedi, ana ltung'ana otudung'okaki nkiguana e lkiye eing'orita ꞉nkop pooki o lmalaikani, eng'ida.

1 Lkorinto 1:14

Kaicho Nkai nache eitu aipatis lobo linchi mara ake Kirisipo o Gayo.

Rroman 16:23

neiroroki ntae Gayo, ilo laa nkaji enye awuenie naa ta nkang enye sii etumo nkanisa pooki. Eiroroki ntae Erasito ilo oara laibung'ani loo ropiyiani e ele kerenket, neiroroki sii ntae lalache lang Kuarto.

Asat 21:30

Neinyuototo ltung'ana pooki le ilo kerenket nebukunyie neibung Paulo. Neyietu aaipung'unyie taatua nkaji e Nkai, neikeni nabokata nkutukie e inia aji.

Asat 19:22

Nereu Timoti o Erasito oara laretok lenyena oare nkop e Makedonia, nebik ninye peneu te inia kop e Asia.

2 Lkorinto 8:19

Namara ake inia apeny, kake ketegelutua ninye nkanisani payie eirukurukore iyioo kinapita nenia nkichoorot e reto naatipikaki iyioo nkaik maing'ura, payie eisisi Laitoriani nedoli aajo ikiyieu nikiret ninche.

Asat 21:38

Naaku mara apa iyie ilo tung'ani loo Lmisiri oinyoyie larrabal kunda, nirik lolo tung'ana nkalupuni ong'uan ooricho taa lalema kuni atua lkees?>>

Asat 20:34

Iyielolo ntae aajo taa nkaik ainien maate aitaka koon o lboitieii lainien nenia nikiyieu.

Asat 19:32

Kore teinie netumoreki neing'olng'ola, ebuak lbata loo ltung'ana aajo nkae toki, nejo kulie nkae, nemeyielo lkumo aajo aanyo payie eotuo inie.

Asat 17:8

Kore payie ening ilo turrur o lkutuaa le ilo kerenket inia, nenyamalu.

Asat 16:9

Kore kuarie nedol ꞉Paulo to nduata ltung'ani le Makedonia oitache aomon ajoki, <>

Asat 13:5

Nepuonu lkerenket otii inie oji Salamis, nelikoo rerei le Nkai taatua Sinagogini ee Lyiaudi. Kore apa Yoana oitokini ajo Marko oara laisiaayiani lenche naa ketii tenebo.

Asat 16:12

Nikintoki aapuo te inie Pilipi lkerenket lekue le inia bata e Makedonia otechata ꞉Rroman. Nikiwueni nkuti mperot te inie.

Asat 19:21

Kore eicha kuna baa, nedung ꞉Paulo ta ltau lenye ajo kelo Yerusalem, aim nkop e Makedonia o ne Akayia. Nejo, <>

3 Yoana 1:1

Kore ana palai naa lochi payian arrarri eing'uaa. Kaairoroki iyie Gayo, sotua lai lacham te ndedei.