Asat 18:23 - Samburu

²³ Kore payie eikonyi abik teinie, neitoki alo amanaa taatua lubot pooki e Galatia o ne Paragia eitogol looiteng'eni pooki.

Asat 18:23 Referans Kwoze

Asat 14:22

Neitogol ninche ltauja loo lolo ooiteng'eni aarreten payie ewueni taatua inia nkurukoto ejoki, <>

Asat 16:6

Neim Paulo o lboitieii lenyena inia kop e Paragia o ne Galatia, amu keibooyie ꞉Ltau Sinyati payie melikoo rerei to nkop e Asia.

Asat 15:41

Nekirraa nkop e Siria o ne Kilikia, eitogolito nkanisani e inie.

Asat 15:32

Kore Yudas o Silas oaara loibonok le Nkai, neirorie lolo ooiruko Kristo aaitogol oleng.

1 Ltesalonike 5:14

Lalachera o nkanachera, ikilej ntae! Eng'odia lolo lemeyieu neas siaai, entogolo lolo ootigilete ltauja, niretret loaachal tee seseni, ning'iriri too ltung'ana pooki.

Lgalatia 4:14

Naa kore abaki itumo ntemata tankaraki nchalan ai, eitu kimenunu anaa king'uaa, kake ikitang'amaitie ana lmalaika le Nkai, oleng ana Laitejeunoni Yeso.

1 Lkorinto 16:1

Kore taa mbaa naaipirita nkuturrurroto ee ropiyiani tankaraki ltung'ana sinyat ootii Yerusalem, kayieu niasias ana natiaaka nkanisani ee Lgalatia.

1 Ltesalonike 4:18

Tankaraki inia, entogoloto naa ltauja linchi too lolo rereii.

1 Ltesalonike 3:2

nikimpaaki ntae Timoti, lalache lang oisiaai Nkai tenebo o iyioo te likoroto ee Lomon Supati le Kristo, meitogolo neitaarriyian ntae to nkurukoto inchi.

Lgalatia 1:2

Kore nanu o lalachera pooki laatii tenebo, ikiroroki nkanisani ee Lgalatia,

Asat 16:40

Kore payie eipung'u te jila, nepuo nkaji e Lidia, netumo o lolo ooiruko Kristo nerreten ninche, nepuo aaing'uaa.

Luka 22:43

Neipung'oki ꞉lmalaika eing'uaa chumata aitogol ninye.

Luka 22:32

kake kaatoomonoka nanu iyie, payie meichunye nkurukoto ino. Naa kore payie iwuatuwuata kenya, ntogolo naa lalachera linono.>>

Luka 1:3

Tankaraki inia, kore aidipa nanu atisipu nenia baa pooki ta ng'asunoto, nadol sii nanu ajo, keiririkino payie aaigeroki iyie Teopilo kitok oyanyiti, to nkoitiei naipidari.

Asat 2:10

o Paragia o Pampilia netii looing'uaa Misiri o mbat e Libia naanyikita lkerenket le Kirene, o lomon ooing'uaa Rrom, aa Lyiaudi o lolo oaataa Lyiaudi.

Asat 19:1

Kore etii Apolos Korinto nelo Paulo Epeso tee nkejek aim nkoitiei naimaa ldonyuo, neirrachu teinie lkuti ooiteng'eni

Lgalatia 1:9

Kore ana nikitejo apa, naa kaitoki aigil ajo, tanaa keliki ntae ltung'ani rerei opaachere apa litang'amaitie, nchoo metaa keaku lodiaa.