Asat 16:33 - Samburu

³³ Neya Paulo o Silas inia kata kuarie aiwuang'ie, neituk nenia arat naatipikaki. Neipatisi inia kata o nkang enye pooki.

Asat 16:33 Referans Kwoze

1 Lkorinto 1:16

Ee kaipatisa sii apa Sitepanas o nkang enye, kore narepaa inia, maparru hoo ajo keatae likae tung'ani laipatisa.

Asat 16:15

Neipatisi ninye o ltung'ana le nkang enye, nelej iyioo ajo, <> Neitirrichaki iyioo oleng machom nkang enye.

Asat 16:25

Kore etaa keaku kiji kuarie, neranyaki ꞉Paulo o Silas Nkai sinkoliotin le nkisisa eomon, neinining'ito lkulie tung'ana oena tenebo o ninche.

Lgalatia 5:13

Lalachera lainien, keipotokaki ntae lakunoto, kake emincho ake lakunoto inchi eaku nkoitiei niasiesie nayieu mpukunoto inchi torno. Esiaayiata ntae maate to nkoitiei e nchaman.

Lgalatia 5:6

Amu kore tanaa ira le Kristo Yeso, meata tipat kitumurataki anaa eitu. Kore ntoki naata tipat naa inia kurukoto nikindimie tachama lkulie.

Asat 16:23

Kore payie eidong'i oleng, nenang'akini jila neitaarriyianakini lkitok le jila meirrita oleng.

Luka 19:9

Nejo ꞉Yeso, <

Matayo 3:6

Neipatis ninche te sere e Yordan, eibalie ꞉ninche ng'ok enche.

Asat 16:32

Nepuo Paulo o Silas aaliki ninye o lolo pooki otii atua nkaji enye rerei la Laitoriani.

1 Petero 3:21

Kore inia naa maaji e nkipatisa naitejeu taata ntae. Meipirita taa inia ajo keituk sesen aoru latukuny, kake ntoki naitisipu ajo merekure etii ntoki niurie tekue Nkai tankaraki ketipiwua Yeso Kristo,