Asat 16:25 - Samburu

²⁵ Kore etaa keaku kiji kuarie, neranyaki ꞉Paulo o Silas Nkai sinkoliotin le nkisisa eomon, neinining'ito lkulie tung'ana oena tenebo o ninche.

Asat 16:25 Referans Kwoze

Yakobo 1:2

Lalachera o nkanachera ainien, enting'idata katukul, tinitumtum saanat naapaapaacha,

Rroman 5:3

Kore nalang inia, naa iking'ida abaki kitii nkiji ee sinaitin, amu ikiyielo nchere tinikiata sina nikiyielou aating'iria,

Lburania 5:7

Kore apa ebikito Yeso tana kop, ketoomono neichiraki Nkai too lkiyio, inia Ai naaidim aitejeu atirichie lkiye. Nening Nkai nkomono enye tankaraki naurie ninye.

Epeso 5:19

irorie likae likae too sinkoliotin le Nkai o le nkisisa o le nkiyeng'et, iranyakiki Laitoriani taa ltauja linchi,

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

Rroman 12:12

Ning'idada taatua siligi linchi, ning'iriri taatua sina, niomonmon nkata pooki.

1 Petero 4:14

Imayianana ntae tenedeki ntae tankaraki nirara le Kristo, amu kore ilo Tau le Nkai, oata nkitoo naa ketii tenebo o ntae.

Lpilipi 2:17

Kore abaki tanaa keibukori lodo lai ana lasar tankaraki nayewua ntae atua nkurukoto, naaku kang'ida nang'ar inia ng'ida tenebo o ntae.

2 Lkorinto 6:10

ana looisinanio kake niking'ida nkata pooki, nedoli iyioo ana laisinak kake nikintaa lkumo parakuo meteyielo mbaa e Nkai, netuwuana meitoki kiata kake nkunanang ntokitin pooki.

Asat 5:41

Neing'uaa lolo Kipaareta atua inia kiguana eng'ida amu keikenaka ꞉Nkai ajo keichiaakino payie enya ꞉ninche sina tankaraki nkarna e Yeso.

Luka 22:44

Naa kore amu kewuon eata mion kitok, neomon oleng. Kore nkinyinyiret enye netuwuanai ana lodo eitong adoki nkop.

Yakobo 5:13

Keatae lonyamal taatua ntae? Enchoo eomon. Keatae long'ida? Enchoo erany sinkoliotin le nkisisa.

Asat 15:22

Kore lolo kipaareta o larikok, neng'amaa tenebo o nkanisa pooki payie eirruaaya lkulie lewa lenche Antiok tenebo o Paulo o Barnabas. Naa kore lolo lewa ootegeluaki naa Yudas ooitokini aajo Barsabas o Silas oaara larikok taatua lolo ooiruko Kristo.

Asat 16:19

Kore payie edol lolo kutuaa lenyena aajo mekure eata lderro le inia dikir chiaake natumuto, neibung Paulo o Silas, neikirtitoo ana metabaki sokoni netii lkutuaa loo Rroman.

Asat 16:33

Neya Paulo o Silas inia kata kuarie aiwuang'ie, neituk nenia arat naatipikaki. Neipatisi inia kata o nkang enye pooki.