Asat 15:2 - Samburu

² Neichankarrare ꞉Paulo o Barnabas lolo tung'ana oleng. Negeluni Paulo o Barnabas tenebo o lkulie alachera meiliepa aapuo Yerusalem aayaki lkipaareta o lpayiani le nkanisa ana bae.

Asat 15:2 Referans Kwoze

Lgalatia 2:5

neitu kipik ate taabori lolo tung'ana abaki nkata nabo, payie etum ndedei ee Lomon Supati atowuana taatua ntae.

2 Lkorinto 11:5

Madol hoo nanu koon atuwuana kara kini too lolo kipaareta kulda ooji kutuaa.

Asat 15:4

Kore payie epuonu Paulo o Barnabas Yerusalem, neng'amaa ꞉nkanisa o Lkipaareta o lpayiani ninche. Neliki mbaa pooki naataasie Nkai ninche.

Asat 11:30

Neas ninche inia natamakinete, neitanap Barnabas o Saulo inia reto meeyaki lpayiani le nkanisa.

Yuda 1:3

Lacham lainien, kore abaki aata yieunoto oleng naigerokinyie ntae naipirita ana jeunoto niking'ar, kadol ajo keirikino naigeroki ntae, alej payie inyoknyok aanya larrabal le inia kurukoto nemeibelekenya aikata, naitarasakaki apa sinyat le Nkai.

1 Lkorinto 1:1

Kore ana palai naa keing'uaa Paulo oipoto ꞉Nkai ana nayieu ninye metaa lkipaaret le Yeso Kristo, neing'uaa sii lalache lang Sositenes.

Asat 21:18

Neikenyu nelo Paulo tenebo o iyioo adol Yakobo, netii sii lpayiani pooki le nkanisa inie.

Asat 16:4

Kore naa epuoito aidachaa lolo kerenketi, neitarasaki ltung'ana le nkanisa ootii lolo kerenketi nkitanapat naaimie lkipaareta o larikok le nkanisa e Yerusalem payie eibung.

Asat 15:27

Naaku naa ikirruaki ntae Yudas o Silas meotu alimu sipata too nkutukie enche ee kulo omon likingero.

Asat 15:25

Naaku ikitachamaitie iyioo tanaboicho aagelu Yuda o Silas nikireuu meotu nitii tenebo o lolo alachera lang likicham, aa Barnabas o Paulo,

Asat 11:12

Naajoki Ltau Sinyati mairukurukore ninche maata lng'ach. Naairukurukore aitoki nanu kulo alachera ile, nikipuo aajing nkang e ilo tung'ani oirriwua ninche.

Asat 10:23

Neitoomon ꞉Petero ninche inia kuarie ana lomon lenyena. Kore mparri naijipu inia, neirukurukore ninche, neitoki sii lkulikae alachera le nkanisa e Yopa aapuo tenebo o ninye Kaisaria.