Asat 14:23 - Samburu

²³ Negelu ꞉Paulo o Barnabas larikok tee nenia anisani neen nkutukie aaomonoki, nepiki atua nkaina e Laitoriani ilo otipika ꞉lolo arikok nkurukoto.

Asat 14:23 Referans Kwoze

Tito 1:5

Ana apa payie aatung'aiyie te lkuran le Kirete, nchere payie itum atererio mbaa naawuon eng'or, nigelu larikoni le nkanisa tee lkerenketi pooki ana naaitanapa apa.

Asat 11:30

Neas ninche inia natamakinete, neitanap Barnabas o Saulo inia reto meeyaki lpayiani le nkanisa.

Yakobo 5:14

Keatae lomuai taatua ntae? Enchoo eipot lpayiani le nkanisa metoomonoki ebukoki lata ta nkarna e Laitoriani.

2 Timoti 2:2

Naa kore pooki nitining'o ta nanu natejo tekue ltung'ana kumo, oaata sipata taata ee nenia natejo, ntarasaki nkaik ee lewa ooisiligai, ooidim sii aaiteng'ena lkulikae.

Asat 20:32

<

1 Timoti 5:22

Mimpirriki aiteleki ltung'ani nkaik apik rikore, nimichulare sii lkulie too ng'ok enche. Rrita koon payie iwuon taatua sinyaticho.

Asat 20:17

Kore etii Mileto, nereu lkilikuai Epeso, meipotuni lpayiani le nkanisa.

3 Yoana 1:1

Kore ana palai naa lochi payian arrarri eing'uaa. Kaairoroki iyie Gayo, sotua lai lacham te ndedei.

2 Yoana 1:1

Kore ana palai naa keing'uaa lochi payian arrarri. Kairoroki nkitok nageluno o nkera enyena nacham katukul, namara nanu ake apeny oacham, kake kecham abaki lolo pooki ooyielo ndedei,

1 Petero 5:1

Kore ara nanu lpayian le nkanisa, nara sii lobo oata sipata naipirita sina oatama apa Kristo, nara long'arieki nkitoo naibalunyieki kenya, kaitaarriyian naa taata lpayiani linchi le nkanisa ajo inji:

1 Timoti 5:1

Mikurrakino lpayian kitok te iyie, kake irorie ninye ana ninko papa lino. Ntaarriyiana ltung'ana leleru ana ninko lalachera linono,

Asat 15:6

Netumo lkipaareta o lolo arikok le nkanisa aadol naas tana bae.

Asat 15:4

Kore payie epuonu Paulo o Barnabas Yerusalem, neng'amaa ꞉nkanisa o Lkipaareta o lpayiani ninche. Neliki mbaa pooki naataasie Nkai ninche.

1 Petero 5:10

Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

Asat 15:23

Neitanap ana palai najo, Kore ana palai naa keing'uaa lkipaareta o larikok linchi taatua lolo ooiruko Kristo. Naa keigerokaki ltung'ana lamara loo Lyiaudi ooiruko Kristo ootii Antiok o Siria o Kilikia. Ikiroroki ntae.

Asat 14:26

Neitoki aapuo te inie te meli, nelang'aki Antiok e Siria. Naa te ilo kerenket apa etipikaki ninche nkaina e Nkai, meing'ura ninche to munyani enye payie etum aataas ilo siaai oidipa.

Asat 1:22

ang'asu ta nkata apa naipatisicho ꞉Yoana, ana metabaki mparri apa nawaki Yeso aaitung'aa iyioo. Kore ilo tung'ani, naa keaku lobo olimu tenebo o iyioo sipata e mpiunoto e lkiye lenye.>>

Luka 23:46

Nebuak Yeso to ltoilo sapuk ajo, <> Kore payie eidip atejo nejia, nedung'o tau.

Marko 3:14

Negelu tomon o oare, neicho nkarna ajo <>, pee eaku tenebo o ninye, netum sii airruai ninche mechomo aalikoo Lomon Supati.

Luka 2:37

Neye lpayian newuon era nkoiliai larin 84 meipung'u taatua nkaji e Nkai, esai Nkai kuarie o parkiji een nkutuk aomon.

Asat 1:24

Neomon aajo, <

2 Lkorinto 8:19

Namara ake inia apeny, kake ketegelutua ninye nkanisani payie eirukurukore iyioo kinapita nenia nkichoorot e reto naatipikaki iyioo nkaik maing'ura, payie eisisi Laitoriani nedoli aajo ikiyieu nikiret ninche.