Asat 14:1 - Samburu

¹ Kore apa inia nataase ta Antiok naa keinyiaka sii aasai te Ikoniam. Ketijing'a Paulo o Barnabas atua Sinagogi ee Lyiaudi nelikoo payie eiruk ltung'ana kumo, Lyiaudi o Lgirriki.

Asat 14:1 Referans Kwoze

Asat 18:4

Kore chiaake mparri pooki e Sabato, neiguana ninye o Lyiaudi o Lgirriki te Sinagogi enyok aiteyielo sipata naipirita ilo Aitejeunoni oji Kristo.

Asat 13:51

Neipiripiroki Paulo o Barnabas nkop nterit ee nkejek enche enang'aki nkaik, nepuo lkerenket le Ikoniam.

Asat 13:46

Kake nejoki ꞉Paulo o Barnabas ninche meata ngureticho, <

Asat 14:21

Kore payie elikoo Paulo o Barnabas Lomon Supati te Derbe, neaku lkumo looiteng'eni, nechuko ninche aailiep aapuo Lisitira neitoki aapuo Ikoniam o Antiok e Pisidia.

Lgalatia 3:28

Kore taatua Laitejeunoni Yeso, irara ntae pooki ntoki nabo, meatae ajo Lyiaudii ira anaa ltung'ani loo loreren, rrindik anaa ilo lamara rrindik, lee anaa ng'oriei.

Rroman 10:12

Amu mepaacha ltung'ani loo Lyiaudi o loo lkulie oreren, ilo Aitoriani ake oara Laitoriani loo pooki, naa keicho mayianat enyena pooki ng'ae oipot ninye.

Rroman 1:16

Madol nanu anyit too Lomon Supati, amu ninche ngolon e Nkai naitejeu pooki ng'ae ooiruk, ang'asu too Lyiaudi neitoki Lgirriki.

Asat 19:17

Kore payie ening ꞉lolo pooki oaamanya Epeso inia, peera Lyiaudi o Lgirriki, neiput ꞉ngureticho, neisis nkarna e Laitoriani Yeso.

Asat 19:8

Kore taa lapatin okuni nejing Paulo sinagogi, neirorie te mpijan ltung'ana ootii inie eimaki, neiteyielo sipat ee mbaa naaipirita Nkitoria e Nkai.

Asat 18:8

Kore lkitok le inia sinagogi oji Kirisipo o nkaji enye pooki neiruk Laitoriani. Neiruk sii ꞉ltung'ana kumo le ilo kerenket ooinining'ito Paulo neipatisi.

Asat 17:12

Naaku keiruko Lyiaudi kumo o ntomonok naayanyiti ee Lgirriki o lpayiani kumo le ilo orere.

Asat 17:4

Kore lbata loo Lyiaudi naa ketisiputua aajo kedede inia natejo ninye, nejing ꞉ninche mbata e Paulo o Silas, neitoki sii Lgirriki kumo oourie Nkai o ntomonok kumo kutuaa.

Asat 13:43

Kore payie esachari ltung'ana te inie, neirukurukore Lyiaudi kumo o lolo oourie Nkai oaatang'asutua aaibung nkurukoto ee Lyiaudi Paulo o Barnabas. Nereki aaliki ninche metowuana taatua munyani e Nkai.

Asat 11:21

Naa ketii nkaina e Laitoriani tenebo o ninche, neiruk ltung'ana kumo oleng neibelekenyakino Laitoriani.

Asat 9:20

Kore ake inia kata, neng'asu alikoo tee Sinagogini nchere kore Yeso naa Nkerai e Nkai.

Asat 21:28

Nebuak aajo, <>

Asat 20:21

aliki Lyiaudi o Lgirriki nchere meata ajo meibelekenyakino Nkai, neiruk Laitoriani lang Yeso.

Asat 17:17

Naa kore te Sinagogi neimaki o Lyiaudi o ꞉lolo oourie Nkai lamara loo Lyiaudi, nemeata sii mparri neitu eimaki te nemirichiereki o ltung'ana ootumo teinie.

Asat 16:1

Nebaya Paulo o Silas lkerenket le Derbe neitoki sii aapuo le Lisitira. Netii inie loiteng'eni oji Timoti, oara ng'otonye ntito ee Lyiaudi nairuko Yeso, nera papa lenye loo Lgirriki.

Asat 14:2

Kake kore lolo Lyiaudi oaatanya eiruk, neinyoyie loreren meibaii looiruko Yeso.

Asat 13:5

Nepuonu lkerenket otii inie oji Salamis, nelikoo rerei le Nkai taatua Sinagogini ee Lyiaudi. Kore apa Yoana oitokini ajo Marko oara laisiaayiani lenche naa ketii tenebo.

Yoana 12:20

Kore apa lbata loo lolo tung'ana oochomo Yerusalem aasai Nkai ta nkata e ntasim, naa Lgirriki.

Yoana 7:35

Neipara larikok loo Lyiaudi aajokino, <

Lkolosae 3:11

Meatae ajo loo Lgirriki ira anaa loo Lyiaudi, anaa ltung'ani otumurataki tanaa leitu emurati, lomoni anaa ltung'ani leiching'a, ira rrindik anaa mira rrindik. Kristo oara pooki toki naa ninye otii pooki!

Lgalatia 2:3

Kake kore abaki Tito otii tenebo o nanu, neitu eisimakini metumurati, oo duo era ninye loo Lgirriki.

Asat 19:10

Neas ana taa larin okuni metaa kore ltung'ana pooki otii inia kop e Asia, nening rerei la Laitoriani, peera Lyiaudi o Lgirriki.

Marko 7:26

Kore inia kitok naa noo Lgirriki, netiiwuaki to nkop e Penisia natii Siria. Nelej Yeso metaarai lairirua meeipung'o te inia tito enye.

Asat 2:47

eisis Nkai netumo omom too ltung'ana pooki. Neponiki Laitoriani mparri pooki lolo ooitejewuaki atua ilo turrur lenche.

Asat 14:19

Nepuonu lkulikae Yiaudi ta Antiok o Ikoniam nerrepaki lolo tung'ana metara Barnabas o Paulo. Nenang Paulo aar too soito, neikurtutaa aaipung'ie taatua ilo kerenket ejo ketua.

Asat 16:2

Kore lolo ooiruko Kristo otii lkerenket le Lisitira o lolo otii Ikoniam, nelimu mbaa supati naaipirita Timoti.