Asat 13:52 - Samburu

⁵² Kake kore looiteng'eni ootii Antiok neiput ng'ida o Ltau Sinyati.

Asat 13:52 Referans Kwoze

1 Ltesalonike 1:6

Naa itang'asutua apa ntae aairukurukore te nkichon inchi nkoitiei ang o ne Laitoriani. Amu kore abaki iatata sina kitok, naa itang'amaitie rerei te ng'ida naing'uaa Ltau Sinyati,

Rroman 15:13

Naa meiputa ntae Nkai e siligi ng'ida o sotua irukuruk ninye, paa kore to ngolon e Ltau Sinyati nirrapaii te siligi.

Lgalatia 5:22

Kake kore lng'anayioi la Ltau Sinyati naa nchaman o ng'ida o seriani o ng'iriata o nanai e nkocheke o supaticho o ltau oisiligai

Asat 4:31

Kore payie eidip aatoomon neikirikiro inie netumore ninche, neiput ninche ꞉Ltau Sinyati nelikoo rerei le Nkai meata ngureticho.

2 Lkorinto 8:2

Ketetemaki ninche oleng te sina oimaitie, kake kore eyia, keisapuk oleng ng'ida enche naa kore era loomena oleng, neitaitua nkichoorot enche te leng'on kitok tankaraki naitaitua ate.

Rroman 5:3

Kore nalang inia, naa iking'ida abaki kitii nkiji ee sinaitin, amu ikiyielo nchere tinikiata sina nikiyielou aating'iria,

Asat 2:4

Neiput ninche pooki ꞉Ltau Sinyati, neng'asu aairo to nkulie nkutukie, ana naidimie ꞉Ltau Sinyati ninche.

Matayo 5:12

Enting'idata, nichipapa amu keikitok laata inchi te chumata, amu nejia apake eikuna payie eitam sina loibonok le Nkai ootii tekue ntae.

1 Petero 4:13

Kake kore iimaritata sinaitin ootuwuana le Kristo enting'idata, paa kore teneibalunyieki nkitoo enye nitumtum ng'ida kitok oleng.

Yakobo 1:2

Lalachera o nkanachera ainien, enting'idata katukul, tinitumtum saanat naapaapaacha,

Rroman 14:17

Amu kore Nkitoria e Nkai naa meipirita ntoki nikinya anaa nikimat, kake kore naipirita naa nchere keitaaki iyioo loosipat nikiata seriani o ng'ida taatua Ltau Sinyati.

Asat 5:41

Neing'uaa lolo Kipaareta atua inia kiguana eng'ida amu keikenaka ꞉Nkai ajo keichiaakino payie enya ꞉ninche sina tankaraki nkarna e Yeso.

Asat 2:46

Kore mperot pooki, nepuonu ninche aatumo tee lning'o taatua nkaji e Nkai. Negil mukate e ndaa e Laitoriani taa nkang'itie enche te ng'ida o taa ltauja supati,

Asat 11:29

Nechamaa looiteng'eni aajo kerewaki lalachera o nkanachera enche naatii Yudea reto, nemeata tee ninche lemeitai te nkidimata enye.