Biblia Todo Logo
Bib sou entènèt

- Piblisite -




Asat 13:1 - Samburu

1 Kore apa ta nkanisa e Antiok naa keatae loibonok le Nkai o laiteng'enak aa Barnabas o Simion oji Lorok o Lusio lo lkerenket oji Kirene o Saulo o Manaen otubulua tenebo o Erode oara apa larikoni le Galilaya.

Gade chapit la Kopi




Asat 13:1
34 Referans Kwoze  

Netii apa ltung'ani la lmarei laa Lawi oing'uaa lkuran oji Saipiras, oji nkarna Yosep. Kejo apa ꞉lkipaareta ninye Barnabas, laa keji laitogoloni.


Kake kore Paulo o Barnabas newueni ta Antiok eiteng'enicho nelikoo rerei la Laitoriani tenebo o lkulie tung'ana kumo.


Kore aitoki payie eyielou munyani naaichooki nanu, Yakobo taa o Kepa o Yoana, lolo ooyieloi aajo kera lng'opeta, naang'amaa nanu o Barnabas, eitodolu aajo iking'ar ele siaai, payie kipuo iyioo aabaki loreren, nepuo ninche netii loomurata.


Kake kore Saulo oitokini aajo Paulo, eiputa ꞉Ltau Sinyati, neing'or aing'ode ninye


Naa ninye oitaa lbata lkipaareta, neitaa lkulie loibonok, neitaa lkulie lalikorok loo Lomon Supati, neitaa lkulie lchekuti le nkanisa, neitaa lkulie laiteng'enak,


Kore Yudas o Silas oaara loibonok le Nkai, neirorie lolo ooiruko Kristo aaitogol oleng.


Kore ta lari le 15 le nkitoria e Kaisari oji Tiberio era Pontio Pilato laiguanani le Yudea, neitore Erode Galilaya, neitore Pilipo lalache lenye Iturea o nkop e Tirakoniti, neitore Lisanias Abilene,


Neiroroki sii ntae sinyat pooki le Nkai, naleng lolo le nkang e Kaisari.


Kore lolo kulie Yiaudi, nechulare ninye te nkitaakino enye, ana meitopong'ori sii Barnabas te nkitaakino enche.


Tana Barnabas o nanu aapeny echi ooichiaakino payie eas siaai likitumie ndaa nikinya?


Eiroroki ntae Timoti, oasicho tenebo o nanu, neiroroki sii ntae Lusio o Yason o Sosipita, oaara ltung'ana lo lorere lang.


Kore apa ninye naa keata ntoyie oong'uan enyena neitu eboitiere lewa, naaichoo ꞉Nkai nkidimata naibonichere.


neiteleki Paulo ninche nkaik nejing ꞉Ltau Sinyati, neng'asu airo too nkulie kutukie neibonicho.


Neas ninche inia natamakinete, neitanap Barnabas o Saulo inia reto meeyaki lpayiani le nkanisa.


Kore payie eidip Barnabas o Saulo aaichooi naduo reto te Yerusalem, nechuko eata Yoana oitokini aajo Marko.


Kore apa Saulo, naa ewuon ake etipide eituria, netumuta ar metuata looiteng'eni la Laitoriani. Nelo netii laitainoni kitok la lasar,


Kore eipung'uto aapuo aache ninye nenang'are ltung'ani le Kirene oji Simon, neisimaki ninye metanapa lmusalaba le Yeso.


Naaku kore lpayian pooki oamonito Nkai neibonicho tenetumore ltung'ana le Nkai eisiapa nkue, naaku meyanyit Kristo.


Kore tanaa kaata nkichooroto e naibon e Nkai, tanaa aata yielounoto o ning'unoto ee mbaa naisudoro e Nkai o tanaata nkurukoto sapuk ta Nkai naiwuotie lowuan, namacham ltung'ana, naaku meitoki ara.


Meiting aikata nchaman. Kore naibon e Nkai naa keiting, neiting nkutukie naaidimie ꞉Ltau Sinyati meirori, neiting sii yielounoto.


Enchoo loibonok le Nkai oare anaa okuni ooichooki lkilikuai oing'uaa Nkai eibonicho, kore lkulie tung'ana pooki nesipu nejoitoi.


Kore ilo oasichere nkichooroto e naibon e Nkai naa keitore ꞉ninye inia kichooroto,


Swiv nou:

Piblisite


Piblisite