Asat 12:24 - Samburu

²⁴ Kake nelo rerei le Nkai kue, nebulaa.

Asat 12:24 Referans Kwoze

Asat 6:7

Nebulaa rerei le Nkai oleng, nesioki lturrur loo looiteng'eni aaponunye te Yerusalem, neibung ꞉laitainok kumo la lasar inia kurukoto.

2 Ltesalonike 3:1

Lalachera o nkanachera, kore nesiedi, entoomonoki iyioo mechomo rerei la Laitoriani kue asiooyo neyanyiti, ana netaasa apa taatua ntae.

Asat 19:20

Kore rerei la Laitoriani, nelo kue abulaa oleng neitodolu ngolon enye.

Matayo 16:18

Naa kaajoki nchere ira iyie Petero, naa te nkeper e ana dadapoi achet nkanisa ai, nememir ninye ꞉ngolon e nemeneng'a.

Lkolosae 1:6

Kore kulo Omon Supati netabakita ntae. Naa kore ana neiuta lng'anayio nebularita to nkop pooki, nejia sii ake etiu taatua ntae. Nejia apake etiu ang'asu mparri ekue nitining'o, nining'ung'u katukul naipirita munyani e Nkai nedede.

Asat 11:21

Naa ketii nkaina e Laitoriani tenebo o ninche, neiruk ltung'ana kumo oleng neibelekenyakino Laitoriani.

Asat 5:39

Kake kore tanaa Nkai eing'uaa ana, naa mindimdim aaitacheyie mbaa enche. Entodol ake meaku Nkai irarere.>> Nechamaa ninche inia kitaarriyiana enye.