Asat 11:28 - Samburu

²⁸ Kore lobo lenche oji Agabas, neinyuototo aibonu eutaa Ltau Sinyati, ajo kelotu nkolong kitok nkop pooki ee Rroman. Naa ketabayie apa ana te nkitoria e Kilaudio.

Asat 11:28 Referans Kwoze

Asat 21:10

Kore kitibiko mperot kumo teinie, nedou loiboni obo oji nkarna Agabas, eing'uaa Yudea.

Asat 18:2

Netum teinie Lyiaudii oji Akuila le nkop naji Pontos, lowuon era omoni eing'uaa nkop e Itali, o ntomononi enye naji Pirisila. Amu kore apa Kilaudio oara Kaisari inia kata, naa ketejo meata ajo mepuo Lyiaudi pooki aaing'uaa Rrom. Nelo Paulo adol ninche,

Luka 3:1

Kore ta lari le 15 le nkitoria e Kaisari oji Tiberio era Pontio Pilato laiguanani le Yudea, neitore Erode Galilaya, neitore Pilipo lalache lenye Iturea o nkop e Tirakoniti, neitore Lisanias Abilene,

Luka 2:1

Kore tee nenia perot, neipung'u nkitanapata naing'uaa Kaisari oji Agosito, ejo meigeri nkarn ee ltung'ana pooki le nkop pooki naitore Rroman.

Matayo 24:14

Kore lolo Omon Supati le nkitoria naa kelikori to nkop pooki nalulung'a payie eaku limunoto too lochon pooki. Kore tesiedi, nelotu nkiting'oto.

Matayo 24:7

Keinyuototo locho arare likae ocho, nera nkitoria o nkae nkitoria, nepuku lameii o nkikirikirot e nkop too ng'ojitin kumo.