Asat 1:14 - Samburu

¹⁴ Naa ketumo ninche pooki nkata pooki aaomon tanaboicho tenebo o nkulie tomonok, netii sii Maria ng'otonye Yeso tenebo o ninche o lalachera le Yeso.

Asat 1:14 Referans Kwoze

Epeso 6:18

Entoomon nkata pooki to nkomono inchi pooki, eutaa ntae Ltau Sinyati. Nirripichocho ing'iriri katukul payie itumtum aatoomonoki sinyat nkatitin pooki,

Asat 6:4

Kore iyioo naa ikintirrichaki nkomono o siaai le rerei le Nkai.>>

Lkolosae 4:2

Entewueni taatua nkomono, naa kore iomonitoto, entirripicho, niatata nache.

Asat 2:42

Neibung ninche aitirrichaki nkiteng'ena ee Lkipaareta o nchula ee ltung'ana ooiruko Yeso o ngilata e mukate e ndaa e Laitoriani o nkomono.

Rroman 12:12

Ning'idada taatua siligi linchi, ning'iriri taatua sina, niomonmon nkata pooki.

Luka 18:1

Kore mparri nabo, neliki ꞉Yeso ninche nkitanyanyukoto ajoki keiririkino payie eomon nkata pooki, nemeinauru.

Matayo 21:22

Naa kore pooki niomonmon Nkai to nkurukoto, naa itumtum.>>

Asat 2:1

Kore ta mparri nanyeitae ntasim e Pentekost, naa ketii apa looiteng'eni pooki tenebo.

Luka 11:13

Amaa sa tiniyielolo ntae oaara torrok aaichoo nkera inchi nkichoorot supati, kebaa sa eitulusoo Papa linchi otii chumata aichoo Ltau Sinyati lolo oomon ninye?>>

Asat 2:46

Kore mperot pooki, nepuonu ninche aatumo tee lning'o taatua nkaji e Nkai. Negil mukate e ndaa e Laitoriani taa nkang'itie enche te ng'ida o taa ltauja supati,

Luka 24:53

Newueni ta nkaji e Nkai nkata pooki errepita Nkai.

Matayo 12:46

Kore ewuon eirorie Yeso lturrurri, neitache ng'otonye o lalachera lenyena to boo eyieu neirorie ninye.

Luka 24:10

Kore kuna tomonok naa Maria Magadalena o Njoana o Maria ng'otonye Yakobo o nkulie tomonok naaboitiere ninche. Neliki ꞉ninche lkipaareta kuna baa, kake kore too lkipaareta, ketuwuana kulo omon ana meitoki, neitu eiruk ninche.

Luka 23:55

Neijipaa ꞉ntomonok naaotuo tenebo o Yeso eing'uaa Galilaya, nedol inia kurarei o neikunaki payie eiteperi sesen lenye.

Luka 23:49

Neitachoo lolo pooki ooyielo ninye, o nana tomonok naairukurukore ninye ta Galilaya te nalakua, eing'orita kuna baa.

Marko 16:1

Kore teipa e Jumamos eicha Sabato, neinyiang'u Maria Magadalena o Maria ng'otonye Yakobo, o Salome latan naarropil pee etum aachom aaelie Yeso.

Marko 15:40

Netii sii inie ntomonok naaing'orita elakua, kore atua ninche ketii Maria Magadalena o Maria ng'otonye Yakobo lara lkini o lalache lenye oji Yose, netii sii Salome.

Matayo 27:55

Keti sii apa ntomonok kumo inie naaing'oricho elakua, ꞉nenia naairukurukore apa Yeso ang'asu te Galilaya payie eisiai ninye.

Luka 24:33

Neinyuototo ake ninche inia kata, nerrinyo Yerusalem, neiniapu lkipaareta tomon o obo le Yeso eiturrurro o lolo ooboitiere

Luka 8:20

Nejokini Yeso, <>

1 Lkorinto 14:13

Naaku kore ltung'ani oiro too nkutukie naaidimie ꞉Ltau Sinyati, keyiere naa neomon Nkai meichoo nkidimata naibalunyie inia najoito.