2 Timoti 4:10 - Samburu

¹⁰ Amu kore Demas, naa kaatung'ayie alo lkerenket le Tesalonike, tankaraki nacham mbaa e nkop. Nechomo Keresekenes nkop ee Lgalatia, nelo Tito nee Dalmatia.

2 Timoti 4:10 Referans Kwoze

2 Timoti 1:15

Iyielo taata ajo kore lolo pooki otii inia kop e Asia naa kaatung'aitie nanu, etii Pigelo o Ermogene.

2 Lkorinto 2:13

kake nanyamalu oleng ta ltau lai tankaraki neitu ebau lalache lai Tito oata lomon linchi. Naicho taa ltung'ana lesere te inie, nainyuototo alo Makedonia.

Asat 16:6

Neim Paulo o lboitieii lenyena inia kop e Paragia o ne Galatia, amu keibooyie ꞉Ltau Sinyati payie melikoo rerei to nkop e Asia.

Pilemon 1:24

Nikiroroki sii ꞉Marko o Arisitarko o Demas o Luka oaara laisiaayiak tenebo o nanu.

2 Timoti 4:16

Kore apa amituta koon aaiguanareki nkata ekue, naa meata hoo laayewuo ajing nkoriong. Kaatung'aitie ltung'ana pooki, naa oi siake meipari ninche inia!

Lpilipi 2:21

Kore lkulie tung'ana pooki naa mbaa enche ake enyok aayiaya, kake mara payie eas naayieu Yeso Kristo.

2 Lkorinto 7:6

Kake kore Nkai naa ninye naitogol lootigilate ltauja, neitogolo iyioo inia kata apa payie elotu Tito nikitii.

Asat 17:11

Naa kore apa Lyiaudi le Berea naa ltung'ana ooning'u mbaa aalang le Tesalonike, netang'amaitie rerei le Nkai te yieunoto kitok, eing'uraa Lkigerot Sinyat mparri pooki, payie eyielou tanaa kedede inia najoito Paulo.

Asat 17:1

Kore payie eim ꞉Paulo o Silas lkerenket le Ampipolis o le Apolonia, nebaki lkerenket le Tesalonike otii Sinagogi ee Lyiaudi.

2 Petero 2:15

Ketung'aitie ninche nkiteng'ena nadede, nepong'ori aairukurukore nkoitiei e Balam layieni le Beor, oacham apa ropiyiani naalaki to ntorno naas.

Tito 1:4

Kaairoroki iyie Tito, nkerai ai nadede to nkurukoto niking'ar. Metaa munyani o sotua oing'uaa Nkai Papa o Kristo Yeso Laitejeunoni lang, tenebo o iyie.

1 Timoti 6:17

Kore lolo parakuo taata tana kop, ntanapa payie meimer tanaa epik siligi lenche parakuoicho naaiting, kake payie epik siligi Nkai, naichoo iyioo ntoki pooki aitiemu te leng'on payie king'idakino.

1 Timoti 6:10

Amu kore lubo ee ropiyiani naa ninye eing'uaa ntorrok pooki. Kore ltung'ana lbata ereuta inia lubo ee ropiyiani, nepong'ori to nkurukoto neyaki ate sina kitok.

Lgalatia 1:2

Kore nanu o lalachera pooki laatii tenebo, ikiroroki nkanisani ee Lgalatia,

2 Lkorinto 8:16

Kaicho Nkai nache natipika ltau le Tito yieuna naretie ntae ana naata chiaake nanu.

2 Lkorinto 8:6

Nikiroyie taa aitaarriyian Tito, payie eidip ele siaai le nchaman oatang'asua apa taatua ntae.

Asat 18:23

Kore payie eikonyi abik teinie, neitoki alo amanaa taatua lubot pooki e Galatia o ne Paragia eitogol looiteng'eni pooki.

Asat 17:13

Kore payie eitoki Lyiaudi le Tesalonike aayielou aajo ketilikoyie sii ꞉Paulo rerei le Nkai te Berea, nepuonu aainyoyie ltung'ana meeing'olng'olata teinie.

Asat 15:38

kake kore apa Paulo naa ketudong'o ajo meichiaakino payie eirukurukore ꞉Yoana ninche amu ketung'ayie apa ta Pampilia, neitu elo aas siaai o ninche.

Asat 13:13

Neinyuototo Paulo o lboitiei lenyena te ilo kerenket le Papos te meli aalang'aki lkerenket oji Perga otii mbata e Pampilia. Neing'uaa ꞉Yoana oitokini aajo Marko ninche teinie nechuko alo Yerusalem.

Luka 17:32

Entaparru nkitok e Lot!

Luka 16:13

Meatae laisiaayiani oidim aisiaayia lkutuaa oare. Amu keibai likae nechamu likae, tanaa eibung'are likae nemenu likae. Mindimdim naa aaisiaayia Nkai o parakuoicho e nkop!>>

Luka 14:33

Naaku kore pooki ng'ae taa ntae lemeing'uaa pooki naata, naa meaku loiteng'eni lai.

Matayo 26:56

Kake ketaasate kuna pooki payie ebaya Lkigerot loo loibonok le Nkai.>> Kore inia kata, neing'uaa ninye ꞉looiteng'eni pooki, nekuet aaisig.

Matayo 12:32

Kore pooki ng'ae oiro rerei torno te Nkerai e Ltung'ani naa kepalikini, kake kore pooki ng'ae oiro rerei torno ta Ltau Sinyati, naa mepalikini tana ng'amata anaa ta ng'amata nalotu kenya.

2 Lkorinto 8:23

Kore Tito naa lboitiei lai likiasicho tenebo aaret ntae, naa kore lolo kulikae alachera naa nkanisani naatereutua, neyaki sii Kristo nkanyit.