2 Timoti 1:12 - Samburu

¹² Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

2 Timoti 1:12 Referans Kwoze

2 Timoti 1:8

Naaku midol anyit tinimbalie inia sipata niata naipirita Laitoriani lang, tanaa sii kiduaaki nanu anyit, oena tankaraki ninye. Kake tama sina tenebo o nanu tankaraki Lomon Supati, te nkiririkinoto e ngolon nikinchoo ꞉Nkai.

Yuda 1:24

Kore ilo oidim atirripo ntae metaa mirrorrorro, nepik ntae tekue nkintoo enye miatata ntioto ing'idada,

1 Petero 4:19

Naaku taa, enchoo lolo tung'ana ootum sina te yieuna e Nkai, epuo kue aas supati, nepik nkaik e Nkai nkichoni enche e taata o ne nkata nalotu, inia Ai naisiligai nera Nkai naitayia pooki toki.

2 Timoti 4:8

Naa kaaiteng'elakaki nanu nkopiyia naichori loosipat, inia naaicho ꞉Laitoriani, oara ladung'oni le nkinguana, te inia parri. Namara nanu ake apeny eicho, kake keicho lolo pooki oaanyuta lotunoto enye te nchaman.

Lburania 7:25

Naaku keidim ninye katukul aitejeu lolo oopuonu neti Nkai eimaa ninye, amu keomonoki ꞉ninye ninche nkata pooki Nkai.

1 Timoti 6:20

Timoti lai, irrita nenia pooki nikitipikaki nkaina. Talama nenia baa ena kop nemeata tipat o mbaa naapaachaa e sapare, naajo lkulie eji ng'eno,

Rroman 1:16

Madol nanu anyit too Lomon Supati, amu ninche ngolon e Nkai naitejeu pooki ng'ae ooiruk, ang'asu too Lyiaudi neitoki Lgirriki.

Matayo 24:36

Kore kenya inia parri o inia kata naa meatae hooyia loyielo. Meyielo abaki ꞉lmalaikani le chumata anaa sii Nkerai, mara ake Papa apeny.

1 Petero 1:5

Nerrip ꞉Nkai ntae to ngolon enye, iwuenini to nkurukoto, payie ing'amaa inia jeunoto natipikaki payie eibalunyieki ta nkata e nkiting'oto.

2 Timoti 1:18

Meichoo ꞉Laitoriani ninye metumo lng'ur ta Laitoriani, kenya te inia parri. Naa iyielo iyie nowua reteto naatereto ꞉ninye te lkerenket le Epeso.

Lpilipi 3:21

Naa keibelekeny seseni lang oaachal nemutari, metutuwuana sesen lenye le nkitoo, te inia golon enye naidimie ninye metipika ntokitin pooki taabori nkitoria enye.

2 Timoti 2:9

Kore tankaraki nalikorita kulo Omon Supati naanya sina ana maateeni eji kara laitarruoni. Kake meena rerei le Nkai.

Lpilipi 3:10

payie ayielou Kristo oleng, nayielou sii inia ngolon naitipiwua ninye aitung'aa lootuata. Nayielou sii netiu tanang'arie sina, natuwuanai ninye te lkiye lenye,

Lpilipi 3:8

Ee kedede, kaiken nenia baa pooki ajo ne pecheu tankaraki inia nara ne tipat too pooki, naa kore inia nara ne tipat naa yielounoto e Laitejeunoni Yeso Laitoriani lai. Kore tankaraki Kristo naiturrayie pooki naata apa, naiken ajo ketuwuana nkik payie atum Kristo metaa lalai,

1 Lkorinto 3:13

keliooi kenya netiu siaai le pooki ng'ae. Amu kore kenya, keibalunyie inia ꞉parri e nkiguana ilo siaai te nkima, teneimieki siaai oataasa pooki ng'ae inia kima.

Yoana 17:15

Kore naamonito, naa mara payie intai ninche aitung'aa nkop, kake payie irrip te ilo torno.

Matayo 12:21

Neisilig nkarna enye ꞉lochon.>>

Rroman 9:33

Ana naigero ajo, <>

1 Petero 4:16

Kake teneatae lobo linchi oitamaki sina tankaraki nara le Kristo, mincho edol anyit, kake nchoo eisis Nkai tankaraki naipotieki inia arna.

Lburania 12:2

Kore naa kikuetita, maimariria Yeso ilo oatang'asua neitabaya nkurukoto ang, laa kore peedol inia ng'ida natipikaki tekue ninye, neng'iri lkiye to lmusalaba neitu edol anyit. Kore taata naa kewuenita ta mbata e tetene e lorika le nkitoo le Nkai.

Lburania 2:18

Kore amu keimayie Yeso sina o ntemat, keidim atereto iyioo tinikitum ntemat.

1 Ltesalonike 2:16

amu kenyok aaibooyo iyioo payie mikirorie ltung'ana loo lkulie ochon metejeu. Naa keasai ana, payie eponari ng'ok enche aaboreii nkata pooki. Kake kore taata tesiedi, naa eyewuo ngoro e Nkai netii ninche.

Lpilipi 1:20

Kore ntoki naanyuta naisiliguta sii oleng naa payie meatae ntoki naanyayie ꞉anyit. Naisilig ana chiaake naas maata ngureticho katukul ajo, kore to pooki naasai te sesen lai, o aichu o atua, netum Kristo rrepeta.

Asat 21:13

Nejoki ꞉Paulo, <>

Asat 13:50

Kake nepuo Lyiaudi aajoki ntomonok naayanyiti neurie Nkai o lkutuaa le ilo kerenket mbaa nainyoyie yieuna naitamie Paulo o Barnabas sina, nemiraa ninche to nkop enche.

Asat 13:46

Kake nejoki ꞉Paulo o Barnabas ninche meata ngureticho, <

Asat 9:16

Naa kaitodol nanu ninye newua sina laa meata ajo metum tankaraki nkarna ai.>>

Asat 7:59

Kore enang'ita ninche Sitepano, neomon Sitepano ajo, <>

Yoana 6:44

Meatae ltung'ani oidim ayeu natii nanu mara ake ilo oyietu ꞉Papa lairriwua, naa kaitipiu nanu ninye te inia parri e nkiting'oto.

Luka 23:46

Nebuak Yeso to ltoilo sapuk ajo, <> Kore payie eidip atejo nejia, nedung'o tau.

1 Ltesalonike 5:4

Kake lalachera o nkanachera, mitii naa ntae atua naimin eji paa keirrachu ntae inia parri ana lapurroni.

Luka 10:12

Kajoki ntae kore kenya inia parri e nkiguana, keikachieki Sodom aaitalang ilo kerenket.>>

Matayo 7:22

Kaajoki kenya lkumo te inia parri e nkiguana,

1 Lkorinto 1:8

Keitogol sii ninye ntae entachoto katukul to nkurukoto metabaki nkiting'oto, payie iakuku ltung'ana lemeata nakurrieki ta Mparri e Laitoriani lang Yeso Kristo.

2 Timoti 1:14

Nirrita inia kiteng'ena e tipat nikitipikaki nkaina te nkidimata e Ltau Sinyati oamanya atua iyioo.

2 Timoti 1:16

Meing'erru Laitoriani nkang e Onesiporo, amu kaaitogolo nkatitin kumo neitu edol anyit tankaraki naena,

Tito 3:8

Keisiligai kulo omon, naa kaaitaarriyian payie ilikoo te mpijan, paa kore ꞉lolo ooiruko Nkai, nenyok aas supati. Kore kuna baa naa keisupati too ltung'ana neret ninche.