2 Petero 3:18 - Samburu

¹⁸ Kake entubulu taatua munyani o yielounoto e Laitoriani o Laitejeunoni lang Yeso Kristo. Metaa nkisisa nenye, taata o ntarasi! Aamin.

2 Petero 3:18 Referans Kwoze

Lkolosae 1:10

nitumtum aatewueni taatua nkichon naichiaakino ta Laitoriani payie inting'idng'id ninye taa mbaa pooki, iuu lng'anayio loo asat pooki supati, nibululu aayielou Nkai oleng.

Epeso 4:15

Kake kore nayiere tee iyioo naa payie kimbung ndedei te nchaman, nikibulu aanyunyukorei Kristo taa mbaa pooki, ilo laa ninye nkue e nkanisa.

1 Petero 2:2

Kore ana nayieu nkera kunini naatiwuaki kule, entaa loaata yieuna e rerei osipa le Nkai, paa kore imatmat nibululu payie ing'amaa inia jeunoto,

Lpilipi 3:8

Ee kedede, kaiken nenia baa pooki ajo ne pecheu tankaraki inia nara ne tipat too pooki, naa kore inia nara ne tipat naa yielounoto e Laitejeunoni Yeso Laitoriani lai. Kore tankaraki Kristo naiturrayie pooki naata apa, naiken ajo ketuwuana nkik payie atum Kristo metaa lalai,

Epeso 1:17

Kaamon Nkai e Laitoriani lang Yeso Kristo oara Papa openy nkitoo, meichoo ntae yielounoto o ng'eno nagut naing'uaa Ltau Sinyati, neboloki ntae mbaa ipuopuo kue aayielou ninye.

Lkolosae 3:10

ninchopokita ate mpukunoto ng'ejuk, inia naiteng'ejukutoi nkata pooki payie eyielou sipata naipirita Nkai, neinyunyukoreii Laitainoni lenye.

2 Petero 1:3

Keichoo iyioo Nkai pecheu to ngolon enye ntoki pooki nayieuni te nkichon, neichoo sii aitoki iyioo ntoki pooki nayieuni payie kitum aaturia Nkai to nkoitiei naiting'id ninye. Naa kore nkoitiei nikitumie inia, naa yielounoto e ilo oipoto iyioo te nkitoo o to ngolon enye.

2 Lkorinto 4:6

Kore Nkai natejo, <> naa ninye ake naitowong ltauja lang payie eibalie yielounoto e nkitoo e Nkai naong'u to nkomom e Kristo.

2 Timoti 4:18

Kaalaku nanu ꞉Laitoriani taatua mbae pooki torno, naaya nkitoria enye e chumata te seriani. Metaa nenye nkisisa ntarasi o ntarasi. Aamin.

Yoana 17:3

Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

2 Ltesalonike 1:3

Lalachera o nkanachera, keyiere nikincho Nkai nache nkata pooki ana naichiaakino tankaraki ntae, amu kebuluta nkurukoto inchi oleng. Kore sii nchaman niatata likae o likae, naa keponari taatua ntae pooki, paa meatae lobo linchi lemebakita.

Rroman 11:36

Amu kore ntokitin pooki naa ninye eing'uaa, naa ninye sii eichiwue naa ninye etiyie ntokitin pooki peetii. Metaa nenye nkisisa ntarasi, aamin!

Mbolunoto 1:6

neitaa iyioo lorere o laitainok la lasar maisiaayia Nkai nara Papa lenye. Metaa nenye nkitoo o ngolon ntarasi o ntarasi! Aamin.

Yuda 1:25

ilo laa ninye oara Nkai aang nabo, nera Laitejeunoni lang taatua Yeso Kristo, nenye nkisisa o nkitoria o ngolon o nkitoo, apake eitu eitibiri nkop o taata o ntarasi! Aamin.

2 Petero 1:11

Amu teinia oitiei eicho ntae ꞉Nkai entijing nkitoria nemeiting e Laitoriani o Laitejeunoni lang Yeso Kristo pecheu.

2 Petero 2:20

Kore tanaa keilanya apa mbaa torrok e ana kop inia kata payie eyielou Laitoriani o Laitejeunoni lang Yeso Kristo, neitoki nenia baa torrok aarruach nerrek ninche, naaku kerroyo oleng netiu te siedi alang netiu apa tekue.

2 Petero 1:8

Naa kore tanaa iatata kuna pooki, nebulaa taatua ntae, naaku miakuku ltung'ana oaachal lemeiu lng'anayio laa asat supati, kake iyielouu Laitoriani lang Yeso Kristo oleng.

Matayo 28:20

ninteng'ening'en ninche meibung'a pooki naitanapa ntae, naa katii nanu tenebo o ntae mperot pooki metabaki nkiting'oto e ng'amata e ana kop.>>

Matayo 6:13

Naa mincho iyioo kijing atua ntemat, kake talaku iyioo te Ilo torno.>

Yoana 5:23

payie eyanyit ꞉pooki Nkerai ana neiko teneyanyit Papa. Kore pooki ng'ae lemeyanyit Nkerai, naa meyanyit abaki Papa oirriwua ninye.

2 Petero 1:2

Metoponiki Nkai ntae munyani o seriani, ipuopuo kue aayielou ninye o Yeso Laitoriani lang.