2 Petero 3:10 - Samburu

¹⁰ Kake kelotu mparri e Laitoriani meitekini ana lapurroni. Naa kore inia parri, keimin chumata te nkikirikiroto sapuk, neidakie lapa o ndama o lakir ꞉nkima, nepejori ntoki pooki naitibiraki to nkop.

2 Petero 3:10 Referans Kwoze

Mbolunoto 21:1

Nadol chumata ng'ejuk o nkop ng'ejuk amu eidipa chumata musana o nkop musana aichunye, nemerekure abaki eatae mpaso.

Matayo 24:35

Kore keper o nkop naa keichunye, kake meichunye hooyia rereii lainien.

2 Petero 3:7

Kore ake aitoki te ilo rerei, kerrip Nkai chumata o nkop e taata ana ntoki e tipat. Keitaanyuta nkima ana meyeu inia parri nadung'oki nkiguana nemut ltung'ana lemeurie ninye.

Mbolunoto 16:15

<>

1 Ltesalonike 5:2

amu kore ntae maate, naa iyielolo katukul aajo kelotu mparri e Laitoriani ana neiko lapurroni tenelotu meitekini kuarie.

Marko 13:31

Kore keper o nkop naa keichunye, kake meichunye rereii lainien.

2 Petero 3:12

iyanyutata inia parri e Nkai, ninyoknyok aaitesieku meyeu. Kore kenya inia mparri naa keidakieki chumata te nkima, nechola lapa o ndama o lakir epejori.

Mbolunoto 3:3

Entaparru naa ndedei naiteng'enaki apa ntae nitang'amatie, embung'a inia nirriididu. Kake kore tanaa minyuotototo, kalotu nitii tana lapurroni nimiyielouu hoo nkata nalotu.

Luka 12:39

Kake enteyielo ana, tanaa keyielo lopeny nkaji ng'amata nalotu lapurroni, anata meicho nkaji enye metigili.

Mbolunoto 20:11

Naitoki adol lorika sapuk oibor le nkitoo o ilo ewuenita. Kore chumata o nkop neisig aapuo aaing'uaa ilo owuenita to lorika le nkitoo neitu edoli aitoki aikata.

1 Lkorinto 5:5

enchoo ele tung'ani Chitani meitiemio sesen lenye payie eitejeuni ltau lenye ta mparri e Laitoriani.

Rroman 8:20

Amu ketipikaki ntokitin pooki naaitibiruaki taabori ldeket payie erroyo. Namara te yieuna enche etaase inia, kake te yieunoto e ꞉ilo otipika ninche taabori ilo deket. Kake kore eyia keata ake ninche siligi,

Yuda 1:6

Naa nejia sii eikuna ꞉Nkai lolo malaikani, laa kore duo eyiere neitiemu mpaach e nkitoo naatipikaki, neing'uaa ꞉ninche inie ng'oji nayiere payie ewuenie. Neen ꞉Nkai ninche taatua naimin, too lgiitani loo senke lemedung'o aikata, ana metabau kenya nkiguana e inia parri kitok.

2 Lkorinto 1:14

Kebaki naa mining'ung'u mbaa pooki taata, kake kaisilig ajo ining'ung'u katukul mparri nabo. Kore ta mparri e Laitoriani lang Yeso Kristo, ing'idakinono ntae iyioo niking'idakino sii iyioo ntae.

1 Lkorinto 1:8

Keitogol sii ninye ntae entachoto katukul to nkurukoto metabaki nkiting'oto, payie iakuku ltung'ana lemeata nakurrieki ta Mparri e Laitoriani lang Yeso Kristo.

1 Ltesalonike 5:4

Kake lalachera o nkanachera, mitii naa ntae atua naimin eji paa keirrachu ntae inia parri ana lapurroni.

2 Petero 3:11

Naa kore amu keidakieki kuna tokitin pooki aaiko inji, meata ajo miakuku ltung'ana oowueni te sinyaticho neurie Nkai,

Mbolunoto 6:14

Kore nkeper e nkai, nepiyayi ana lchoni, nedotuni ldonyuo o lkuran pooki too ng'ojitin enche.