2 Petero 2:14 - Samburu

¹⁴ Ntomononi naasie loloito ake eyieita ninche nkata pooki nemeitirring'a eitu eas ng'oki. Kerruach ꞉ninche lolo oaachal metaasa ng'oki, netatakanikita ltauja lenche lubo. Naa kore tankaraki ana kediaa ninche.

2 Petero 2:14 Referans Kwoze

2 Petero 2:18

Amu kore lolo tung'ana eimer too lomon lemeitoki, neirukurukore ng'uarrat e mpukunoto torno e ltung'ani, nesapaa lolo oaataa keilany ltung'ana oaas ntorrok metaasa mbaa e anyit.

2 Petero 2:3

Kore to luboi enche, nenyok aaitorogony ntae taa natinin nemeti sipata aayayie ntae ropiyiani. Kake keanyita ake ninche ꞉nkiguana natudung'oka apa Nkai, nelotuta mutai enche.

Epeso 2:3

Naa nejia sii apake kitiu iyioo pooki kirukurukore nenia ng'uarrat torrok e mpukunoto ang torno, nikintabaya ng'uarrat e sesen o nee mparrunot. Naa kore iyioo ikira ltung'ana ana ake lkulie pooki, ooichiaakino nemut ngoro e Nkai.

2 Petero 3:16

Keiger ninye ana bae taa mpala enyena pooki nkata naimaki kuna baa. Kore too kuna pala, keatae mbaa naagol ning'unoto, naa kore ltung'ana lemeitoki eyielo nechal, nekord ana chiaake neiko lkulie kigerot sinyat, naaku ꞉inia naidakie ninche.

Epeso 4:14

Naaku mikintoki aaku nkera naanang'aa laing'ok le nkare idie o idie, nenia naaya siwuo pooki le nkiteng'ena ee ltung'ana oaasapicho o loaata losegin, neitopong'oo metijing'a atua losegin le sapare.

Rroman 16:18

Amu kore ltung'ana ootuwuana lolo, naa meisiaita Kristo Laitoriani lang, kake nkochuaa naarikito. Naa kore tee rereii supati nemelok, neitamae ꞉ninche ltung'ana oaamae.

1 Lkorinto 11:19

Meata nchere payie meatae lturrurri taatua ntae amu te inia ake elioi ajo ng'ae etachamayieki.

Yoana 5:44

Aji inkoko ntae tinirukuruk ooichooro rrepeta maate, niminyoknyok aang'amaa rrepeta naaing'uaa Nkai, inia ake nabo nadede?

Matayo 12:34

Ntae ichioi ee lasuria, aji inkoko tiniroro lomon supati, nirara maate torrok? Amu kore nenia naabore ltau lo ltung'ani, naa ninche eiro nkutuk enye.

1 Yoana 2:16

Amu kore pooki toki nati nkop, aa ng'uarrat e sesen o ng'uarrat ee nkonyek o nkimerra e ntokitin naata ltung'ani, naa ne nkop mara na Papa.

Marko 13:22

Amu kepuonu kenya looitaakino Kristo o looitaakino loibonok le Nkai, neitodolu nkitodolunot o mbaa e nking'asia, payie teneidimai, neitopong'oo lgelunot.

Yakobo 1:8

amu kore ltung'ani oanya namu are taa mparrunot, naa meata nkitachoto too nkoitieii enyena pooki.

Lkolosae 2:18

Emincho hoo ltung'ani ojo keitodoyio koon nesai lmalaikani edung'oki ntae nkiguana. Kore ltung'ani laijo ilo naa mbaa naadol ake eitirrichaki, neiliepunyie koon pecheu tankaraki ee mparrunot e tung'anicho.

Yuda 1:11

Oi siake ninche! Amu keima nkoitiei e Kain, netapalikita ate ntorno e Balam, aa inia torno taa e lubo nayieu payie elaki. Netanya ꞉ninche Kristo, neidakieki tana neikunaki Kora payie eany Musa.

Matayo 25:41

<

Matayo 5:28

Kake kajoki nanu ntae, kore pooki ng'ae oing'or ng'oriei, neng'uar, naa etaasa ninye loloito o inia ng'oriei ta ltau lenye.

Mbolunoto 12:9

Nenang'uni inia meu sapuk, ilo asurai le apa oji Lairirua anaa Chitani, oatasapa neitopong'oo ltung'ana le nkop pooki. Nenang'akini nkop tenebo o lmalaikani lenyena.

Matayo 23:14

Oi ntae, laiteng'enak loo nkitanapat o Lparisayo ooitaakino! Imutmut ntokitin taa nkajijik ee nkoilia nintoodororo nkomono intaakinono. Naaku kedung'okini ntae nkiguana torno oleng.