2 Petero 2:13 - Samburu

¹³ Kore mion natum ninche naa inia nalaaki ꞉Nkai ninche tankaraki ntorno nataasa. Kecham ninche aataas mbaa naaiting'id seseni lenche eitache ndama. Kore tininyanya ndaa tenebo, nepik ntae rachat torrok, neitam ntae anyit eiting'id ate taa saparia enche.

2 Petero 2:13 Referans Kwoze

Rroman 13:13

Entaas naichiaakino ana neasi to wong'an, aawueni ta nkanyit namara to lubo, anaa te merai anaa to loloito, anaa ta asat e anyit anaa ta larrabal anaa to lom,

1 Petero 4:4

Kore naa amu merekure irukokinono inia oitiei apa e nchirkala tenebo o ninche, neing'asia ninche nedekicho.

Lpilipi 3:19

Kore nkiting'oto enche naa mutai, nera nkochuaa enche nkai enche, naa kore mbaa e nkurruna naa ninche eikarrie, neparraa ake mbaa e ana kop.

Epeso 5:27

netum ayaki koon nkanisa naipilipil nemeata rachata anaa ntioto anaa ntoki natuwuana inia pee eaku nkanisa sinyati nemeata kusaka.

Mbolunoto 18:6

Kore ntorrok pooki naataasa ana ng'oroyieni, talaaki ninye aitaas inia torno nataasa, talaaki inia torno nataasa nkatitin are. Mputaki lkikompe nduaran nkatitin are, nduaran nalang naitaasa ꞉ninye lkulie.

2 Petero 2:15

Ketung'aitie ninche nkiteng'ena nadede, nepong'ori aairukurukore nkoitiei e Balam layieni le Beor, oacham apa ropiyiani naalaki to ntorno naas.

2 Timoti 4:14

Kore Alekisanda, ilo kunoni, naa kaitaasa mbaa torrok oleng. Keitalak ninye ꞉Laitoriani nenia baa naitaasa nanu.

Yakobo 5:5

Itibiko ntae to nkop inyanya lkar nitodokita katukul, nitijing'a loikar aaitipir ate ana looyieng'i.