2 Petero 1:5 - Samburu

⁵ Naa kore tankaraki ana bae, entonyok entoponiki nkurukoto inchi lwuenet supat, niponikiki lwuenet supat yielounoto e rerei le Nkai,

2 Petero 1:5 Referans Kwoze

Lpilipi 4:8

Kore naidipie, lalachera o nkanachera, entaparrai nenia tokitin naadede o nenia naichiaakino rrepet, nenia ee sipat, nenia nemeata ntioto o nenia naachamaroi. Kore ntoki pooki naichiaakino lwuenet supat o nkanyit, entaparrai inia.

2 Petero 3:18

Kake entubulu taatua munyani o yielounoto e Laitoriani o Laitejeunoni lang Yeso Kristo. Metaa nkisisa nenye, taata o ntarasi! Aamin.

2 Petero 1:10

Kore naa tankaraki ana lalachera o nkanachera, mbae e tipat abaki oleng tininyoknyok aasipaki ate nchere keipoto netegelua ntae Nkai, naa kore tiniasias kuna, nimirriaa aikata.

Lburania 6:11

Kore nikiyieu oleng, naa metaa meatae hoo lobo linchi lemeitodolu ake inia nyuata payie kimbung ilo siligi odede likiata, ana metabai katukul te nkiting'oto.

Lpilipi 1:9

Kaomonoki ntae metoponunye nchaman inchi aaku kitok oleng ining'ung'u nitemtem mbaa pooki.

2 Petero 3:14

Naaku naa lacham lainien, kore ianyutata nenia, entonyok payie etumi ntae iatata sotua o Nkai, miatata ntoki nakurrieki ntae nimiatata ntioto.

Lburania 11:6

Kore naa tenemetii nkurukoto, meidimai payie eiting'idi Nkai, amu kore pooki olotu netii ninye, naa meata ajo payie meiruk nchere keatae Nkai, naa ninye nalak lolo ooyiaya ninye.

Epeso 5:17

Naaku naa emiaku lmada, kake entining'u nayieu Laitoriani.

Lpilipi 2:12

Naaku taa sotuatin lainien, kore ana nining'ichocho chiaake, entonyok entabai njeunoto inchi ta nkanyit o to uriata e Nkai namara ake nkata nati nanu tenebo o ntae, kake abaki nkata namatii.

Lkolosae 2:3

Amu te ninye eisudoyieki murdaicho pooki e kursaicho o ne ng'eno.

Yoana 6:27

Eminyok aas siaai payie itumtum ndaa narroyo, kake entaas siaai payie itumtum ndaa nemerroyo nayau nkichui ee ntarasi. Kore inia daa naa Nkerai e Ltung'ani naicho ntae, amu ninye etipika ꞉Nkai Papa lminchire lenye le nkitoo.>>

Luka 24:21

Kake ikiata apa iyioo siligi aajo ninye olaku Isirael. Ee, kake kore etiu nejia, anapar mparri e uni etaasate kuna baa.

Lkolosae 1:9

Naa tankaraki inia paa kore ang'asu mparri nikining lomon linchi, eitu kipal mikiomonoki ntae, nikinchiraki Nkai payie eiteyielo ntae katukul yieuna enye, te ng'eno o te ning'unoto pooki naicho ntae Ltau lenye,

1 Petero 3:7

Kore sii ntae lpayiani, meata lemewuon tenebo o ntomononi enye, iyielolo aajo kechal ntomononi alang lpayian, ninchocho nkanyit payie meiboori nkomono inchi, amu ketum sii ninye tenebo o iyie nkichon ee ntarasi pecheu.

Lburania 12:15

Entodol payie meti ake ltung'ani lemeikenakini munyani e Nkai, niminchocho ebulu ntanai torno e mion e ngoro naitanyamalicho, nerroyo ltung'ana kumo ta sayiet enye.

1 Lkorinto 14:20

Lalachera o nkanachera ainien, emiparricho ana nkera kunini taa mbaa naaipirita Nkai, kake entewueni ana nkera nemeitoki eyielo taa mbaa naaipirita ntorroni, niparrichocho ana ltung'ana kutuaa taa mbaa e Nkai.

Luka 16:26

Kore aitoki, ketipikaki terichet iyioo o ntae ng'erem naado, metaa kore lolo ooyieu nelang'u nitii ntae, nemetumoki. Nemelang'u sii lolo ootii nitii, nikitii iyioo.>

2 Petero 1:11

Amu teinia oitiei eicho ntae ꞉Nkai entijing nkitoria nemeiting e Laitoriani o Laitejeunoni lang Yeso Kristo pecheu.